Milner skoraði tvívegis í sigri Evrópumeistaranna
James Milner skoraði tvívegis þegar Evrópumeistarar Liverpool unnu enska D-deildarliðið Bradford City, 1-3, í æfingaleik í dag.
Þetta var annar leikur Liverpool á undirbúningstímabilinu en á fimmtudaginn vann liðið 0-6 sigur á Tranmere Rovers.
Milner kom Liverpool yfir á 13. mínútu og tveimur mínútum síðar skoraði hann úr vítaspyrnu. Hinn ungi og efnilegi Rhian Brewster skoraði svo þriðja mark Liverpool fjórum mínútum fyrir hálfleik.
Jürgen Klopp, knattspyrnustjóri Liverpool, gerði tíu breytingar á liði sínu í hálfleik.
Aðeins eitt mark var skorað í seinni hálfleik. Það gerði Eoin Doyle fyrir Bradford úr vítaspyrnu á 81. mínútu. Lokatölur 1-3, Liverpool í vil.
Liverpool heldur nú í æfinga- og keppnisferð til Bandaríkjanna.
#LFCPreSeason matchday
Today's starting XI@officialbantams...https://t.co/tMHFxrWRBN
— Liverpool FC (@LFC) July 14, 2019
changes at the break for the Reds. Second half XI@officialbantams
#LFCPreSeason
— Liverpool FC (@LFC) July 14, 2019
Tengdar fréttir
Jürgen Klopp sagði nei við Steven Gerrard
Steven Gerrard fær ekki Ryan Kent aftur lánaðan frá Liverpool ef marka má fréttir frá Englandi.
Klopp: „Oxlade-Chamberlain og Brewster eru eins og nýir leikmenn“
Jurgen Klopp ætlar ekki að gera mikið á leikmannamarkaðinum í sumar. Hann segir leikmenn eins og Rhian Brewster og Alex Oxlade-Chamberlain vera eins og nýir leikmenn.
Evrópumeistararnir skoruðu sex mörk í fyrsta leik tímabilsins
Liverpool lenti í nákvæmlega engum vandræðum í sínum fyrsta leik á leiktíðinni.
