Viðræður Mata og United komnar langt á veg
Það er útlit fyrir að Spánverjinn Juan Mata verði áfram á Old Trafford en samningaviðræður um framlengingu á samningi hans við Manchester Untied ganga vel.
Sky Sports greindi frá þessu í dag en Mata verður samningslaus í lok þessa mánaðar.
Í vetur virtist Mata vera á hraðleið í burtu frá Old Trafford og var hann meðal annars sagður hafa fundað með Barcelona um endurkomu til heimalandsins.
Það virðist hins vegar vera að Mata hafi hætt við að fara til Spánar og í staðinn er hann tilbúinn til þess að samþykkja nýjan samning við Manchester United.
United er sagt vilja ólmt halda í Mata eftir að Ander Herrera ákvað að framlengja ekki við félagið.
Tengdar fréttir
Barcelona með augu á tvíeyki United
Barcelona fylgist náið með stöðu mála í samningsmálum Marcus Rashford og Juan Mata, en hvorugur þeirra er þó hátt á forgangslista félagsins.
United býður Mata nýjan samning
Manchester United hefur boðið Juan Mata nýjan samning við félagið.
Mata bloggar með óbragð í munni
Juan Mata er ósáttur við endalok tímabilsins hjá Manchester United.
„Enginn heimsendir ef Herrera og Mata fara“
Gary Neville segir að það yrði ekkert reiðarslag fyrir Manchester United ef Ander Herrera og Juan Mata myndu róa á ný mið í sumar.
