Banda­ríkin unnu fimmta heims­meistara­titilinn í röð

Frakkland var yfir þegar fyrsti leikhluti var liðinn en leikurinn var gríðarlega jafn. Þegar annar leikhluti kláraðist var Frakkland með tveggja stiga forystu og gat því munurinn varla orðið minni.

Frakkland náði þó ekki að halda dampi í þriðja leikhluta og virtist liðið einfaldlega vera sprungið. Bandaríkin enduðu á að skora 30 stig í þriðja leikhluta á meðan Frakkland náði aðeins að skora 12 og var róðurinn allt í einu orðinn þungur fyrir franska liðið.

Frakkland náði ekki að minnka muninn í fjórða leikhluta og sigldi sigrinum þægilega heim með átján stiga sigri 97-79. Breanna Stewart var stigahæst í liði Bandaríkjanna með 22 stig og Jackie Young var stutt á eftir henni með átján stig. Stewart lét einnig til sín taka undir körfunni en hún tók tíu fráköst í leiknum.

Dominique Malonga var stigahæst í liði Frakklands með 21 stig og Gabby Williams var einu stigi á eftir henni. Þær voru langaftakamestar í liði Frakklands en næsti leikmaður fyrir aftan þær var með 8 stig.

Fyrr í dag mættust Spánn og Þýskaland í leiknum um bronsið þar sem Spánn vann stórsigur 81-58.

Þetta er fimmti heimsmeistaratitill Bandaríkjanna í röð en sá tólfti í heildina. Sovétríkin eru búin að vinna næstmestu heimsmeistaratitlana með sex talsins. Ástralía og Brasilía eru með einn heimsmeistaratitil hvor en það eru einu fjögur löndin sem hafa unnið titilinn.