Sjáðu mörkin sem komu Liverpool á toppinn og felldu Cardiff

Liverpool tyllti sér á topp ensku úrvalsdeildarinnar með 2-3 útisigri á Newcastle United í gær. Divock Origi skoraði sigurmarkið þegar fjórar mínútur voru til leiksloka.

Liverpool er með tveggja stiga forskot á Manchester City sem á leik til góða gegn Leicester City annað kvöld. Eftir sigur Rauða hersins í gær er ljóst að það ræðst ekki fyrr en í lokaumferðinni hvort Liverpool eða City verður Englandsmeistari.

Cardiff City féll eftir 2-3 tap fyrir Crystal Palace í síðasta heimaleik Arons Einars Gunnarssonar fyrir félagið.

Tveir leikmenn Tottenham fengu rautt spjald þegar liðið tapaði fyrir Bournemouth, 1-0. Spurs er í 3. sæti deildarinnar en er ekki enn öruggt með Meistaradeildarsæti.

Wolves fór langt með tryggja sér 7. sætið með 1-0 sigri á Fulham og West Ham vann öruggan sigur á Southampton, 3-0.

Öll 15 mörkin úr leikjum gærdagsins í ensku úrvalsdeildinni má sjá hér fyrir neðan.

Newcastle 2-3 Liverpool  

Cardiff 2-3 Crystal Palace  

Bournemouth 1-0 Tottenham  

Wolves 1-0 Fulham  

West Ham 3-0 Southampton