Geir og Guðni eru þeir einu sem bjóða sig fram til formanns KSÍ

Knattspyrnusamband Íslands hefur nú staðfest það á heimasíðu sinni hverjir munu bjóða sig fram til formanns og til stjórnar á 73. ársþingi Knattspyrnusambands Íslands sem fer fram 9. febrúar næstkomandi.

Framboð til stjórnar KSÍ urðu að berast skrifstofu KSÍ minnst hálfum mánuði fyrir þing. Kjörnefnd er þó heimilt að samþykkja framboð sem fram kemur síðar ef nægjanlegur fjöldi hefur ekki tilkynnt framboð sitt innan tilkynningarfrests.

Guðrún Inga Sívertsen, varaformaður KSÍ, býður sig ekki fram til aðalstjórnar og mun því ekki halda áfram sem varaformaður sambandsins né vera áfram í stjórn sambandsins. Vignir Már Þormóðsson býður sig heldur ekki fram aftur.

Hér fyrir neðan er gerð grein fyrir þeim framboðum sem tilkynnt voru til skrifstofu KSÍ hálfum mánuði fyrir þing (26. janúar eða fyrr) og eru þau birt í stafrófsröð.

Kosning formanns

Eftirtaldir hafa boðið sig fram til formanns:

Geir Þorsteinsson | Kópavogi

Guðni Bergsson | Reykjavík

Kosningar í aðalstjórn

Tveggja ára kjörtímabili eftirtaldra í aðalstjórn KSÍ lýkur á 72. ársþingi KSÍ 9. febrúar nk.:

Borghildur Sigurðardóttir | Kópavogi

Guðrún Inga Sívertsen | Reykjavík

Magnús Gylfason | Hafnarfirði

Vignir Már Þormóðsson | Akureyri

Eftirtaldir hafa boðið sig fram til aðalstjórnar:

Ásgeir Ásgeirsson | Reykjavík

Borghildur Sigurðardóttir | Kópavogi

Davíð Rúrik Ólafsson | Reykjavík

Magnús Gylfason | Hafnarfirði

Þorsteinn Gunnarsson | Mývatnssveit

Auk ofangreindra sitja í aðalstjórn: (Tveggja ára kjörtímabili þeirra lýkur í febrúar 2020):

Gísli Gíslason Akranesi

Ingi Sigurðsson Vestmannaeyjum

Ragnhildur Skúladóttir Reykjavík

Valgeir Sigurðsson Garðabæ

Kosning aðalfulltrúa landsfjórðunga

Eins árs kjörtímabili aðalfulltrúa landsfjórðunganna lýkur á 73. ársþingi KSÍ 9. febrúar nk.:

Jakob Skúlason | Vesturlandi

Björn Friðþjófsson | Norðurlandi

Bjarni Ólafur Birkisson | Austurlandi

Tómas Þóroddsson | Suðurlandi

Eftirtaldir hafa boðið sig fram til aðalfulltrúa landsfjórðunga:

Jakob Skúlason | Vesturlandi

Björn Friðþjófsson | Norðurlandi

Bjarni Ólafur Birkisson | Austurlandi

Tómas Þóroddsson | Suðurlandi

Kosning varamanna í aðalstjórn

Eins árs kjörtímabili varamanna í aðalstjórn lýkur á 73. ársþingi KSÍ 9. febrúar nk.:

Ingvar Guðjónsson | Grindavík

Jóhann Torfason | Ísafirði

Kristinn Jakobsson | Kópavogi

Eftirtaldir gefa kost á sér sem varamenn í aðalstjórn:

Guðjón Bjarni Hálfdánarson | Árborg

Hilmar Þór Norðfjörð | Reykjavík

Jóhann Torfason Ísafirði

Þóroddur Hjaltalín | Akureyri