Villa í undanúrslit í fyrsta sinn síðan 2010

Aston Villa verður í pottinum þegar dregið verður í undanúrslit ensku bikarkeppninnar. Villa-menn tryggðu sér sæti á Wembley með 2-0 sigri á nágrönnum sínum í West Brom á Villa Park í kvöld.

Þetta er í fyrsta sinn í fimm ár sem Villa kemst í undanúrslitin en árið 2010 tapaði liðið 3-0 fyrir Chelsea á Wembley.

Staðan var markalaus í hálfleik í kvöld en á 51. mínútu kom Fabian Delph Villa yfir með góðu skoti.

Scott Sinclair gulltryggði svo sigurinn með öðru marki á 85. mínútu en fimm mínútum var Claudio Yacob, miðjumaður West Brom, rekinn út af með sitt annað gula spjald.

Í uppbótartíma fauk svo miðjumaður Villa, Jack Grealish, út af en hann kom inn á sem varamaður á 74. mínútu og lagði seinna markið upp.

Aston Villa hefur sjö sinnum orðið bikarmeistari, síðast árið 1957.