Warnock tekinn við Crystal Palace

Ingvi Þór Sæmundsson skrifar 27. ágúst 2014 12:41

Það gekk lítið hjá Warnock hjá Leeds. Vísir/Getty

Neil Warnock hefur verið ráðinn knattspyrnustjóri enska úrvalsdeildarliðsins Crystal Palace. Hann tekur við af Tony Pulis sem hætti óvænt 14. ágúst síðastliðinn. Warnock var valinn fram yfir Steve Clarke, sem kom einnig til greina sem næsti knattspyrnustjóri liðsins.

Warnock skrifaði undir tveggja ára samning við Palace, en hann mun stýra liðinu í fyrsta sinn gegn Newcastle United á laugardaginn.

Warnock, sem verður 66 ára 1. desember næstkomandi, hefur komið víða við á löngum þjálfaraferli. Hann hefur m.a. stýrt Notts County, Huddersfield Town, Sheffield United, QPR, auk þess sem hann stýrði Crystal Palace áður á árunum 2007-2010.

Warnock var síðast við stjórnvölinn hjá Leeds United, en hann var látinn fara þaðan í byrjun apríl eftir slakt gengi liðsins.

Crystal Palace hefur tapað báðum leikjum sínum í ensku úrvalsdeildinni, 2-1 gegn Arsenal og 3-1 gegn West Ham. Liðið vann hins vegar 3-0 sigur á Wallsall í enska deildarbikarnum í gær, þar sem Dwight Gayle skoraði þrennu.

Enski boltinn

Tengdar fréttir

Sherwood nálgast Crystal Palace

Veðbankar í Englandi eru hættir að taka við veðmálum að Tim Sherwood verði næsti knattspyrnustjóri Crystal Palace.

18. ágúst 2014 10:15

Gylfi Þór og félagar slógu út lið Kára

Gylfi Þór Sigurðsson og félagar í Swansea City slógu Kára Árnason og félaga í Rotherham United út úr enska deildabikarnum í kvöld. Swansea City var eitt af fjölmörgum liðum sem komust áfram í 3. umferð.

26. ágúst 2014 21:38

Enska knattspyrnusambandið rannsakar samskipti Mackay og Moody

The Daily Mail greindi frá því seint í gærkvöldi að Malky Mackay mun ekki taka við liði Crystal Palace eftir að það fundust heldur ósmekkleg skilaboð á milli Mackay og fyrrverandi samstarfsfélaga hans hjá Cardiff, Iain Moody sem innihéldu kynþáttafordóma, hommahatur og niðrandi orð í garð kvenna.

21. ágúst 2014 08:00