Dramatískar myndir: 298 fórust í Úkraínu

Kolbeinn Tumi Daðason skrifar 18. júlí 2014 19:44

Hermaður úr röðum aðskilnaðarsinna heldur uppi tuskudúkku úr braki flugvélarinnar. Vísir/AFP

Fjórum mánuðum eftir hvarf malasískrar vélar yfir Indlandshafi fórst Boeing 777 vél Malaysia Airlines í Úkraínu síðdegis í gær. Allir 298 innanborðs, 283 farþegar og 15 áhafnarmeðlimir, fórust.

Opinber yfirvöld í Úkraínu og Bandaríkjunum telja að vélinni hafi verið grandað með rússneskum flugskeytum. Harmleikurinn bætir olíu á eldfimt ástand í austurhluta Úkraínu þar sem aðskilnaðarsinnar og Úkraínumenn hafa barist undanfarna mánuði.

Hér að neðan má sjá myndir sem ljósmyndarar AFP hafa tekið í Úkraínu og Hollandi í dag. Langstærstur hluti farþeganna eða 189 voru Hollendingar. Vélin var á leiðinni frá Amsterdam til Kuala Lumpur.

Hluti af braki flugvélarinnar í austurhluta Úkraínu.Vísir/AFP

Hermaður úr röðum aðskilnaðarsinna stendur vaktina við brak úr flugvélinni.Vísir/AFP

Konungshjónin í Hollandi skrifa nöfn sín í minningarbók vegna harmleiksins. Meirihluti farþeganna í flugvélinni var af hollensku bergi brotinn.Vísir/AFP

Úkraínskir námuverkamenn aðstoða við leitina að líkum farþeganna á akri.Vísir/AFP

Blóm og mynd af einum farþeganna á flugvellinum í Schiphol í Hollandi.Vísir/AFP

Almennir borgarar í Úkraínu aka framhjá braki.Vísir/AFP

Almennur borgari tekur mynd á síma sinn af brakinu úr flugvélinni.Vísir/AFP

Fólk kom saman á Schiphol flugvellinum í Amsterdam í dag og minntist hinna látnu.Vísir/AFP

Tengdar fréttir

Sjötta mannskæðasta flugslys sögunnar

Óttast er að allir 295 farþegar Malaysian Airlines flugvélarinnar hafi látið lífið.

17. júlí 2014 15:58

Segjast í símtali hafa skotið niður flugvél

Leyniþjónusta Úkraínu hefur gefið út hljóðupptökur, þar sem aðskilnaðarsinnar eru sagðir viðurkenna að skjóta malasísku farþegaflugvélina niður.

18. júlí 2014 08:30

Annað stórslys Malaysia Airlines á árinu

Samtals eru rúmlega fimm hundruð manns taldir af vegna hvarfs MH370 og hrap vélarinnar í dag.

17. júlí 2014 16:55

Farþegi tók mynd af vélinni fyrir flugtak

Hollenskur farþegi sem var um borð í Boeing-777 vél Malaysia Airlines, tók mynd af vélinni áður en hann fór um borð og skrifaði: "Ef hún týnist, lítur hún svona út.“

17. júlí 2014 17:58

Þraukar Malaysia Airlines?

Vöngum er velt yfir framtíð flugfélagsins og líklegu gjaldþroti þess.

18. júlí 2014 14:00

Enn fjölgar í hópi látinna Hollendinga

189 Hollendingar hið minnsta létust þegar MH17 var skotin niður í Úkraínu í gær. Enn á eftir að ákvarða þjóðerna fjögurra farþega.

18. júlí 2014 14:24

Þjóðarleiðtogar votta samúð sína vegna malasísku flugvélarinnar

Anders Fogh Rasmussen, framkvæmdastjóri NATO, segir aðskilnaðarsinna í skjóli Rússa bera ábyrgð á ástandinu.

18. júlí 2014 07:00

Pútín og Merkel hvetja til vopnahlés í Úkraínu

Vladimír Pútín Rússlandsforseti hvetur nú bæði úkraínska stjórnarherinn og aðskilnaðarsinna í austurhluta Úkraínu til að leggja niður vopn og hefja friðarviðræður sem fyrst.

18. júlí 2014 13:50

Flugvélin var skotin niður yfir átakasvæðinu

Úkraínustjórn og uppreisnarmenn hliðhollir Rússum kenna hvorir öðrum um.

18. júlí 2014 07:30

Þjóðerni hluta farþeganna staðfest

Staðfest hefur verið að um borð í Boeing 777 flugvél Malaysia Airlines sem fórst yfir austurhluta Úkraínu í dag voru 154 Hollendingar. Einnig er ljóst að um borð voru 27 Ástralir, 23 Malasar, 11 Indónesar, 6 Bretar, 4 Þjóðverjar, 4 Belgar, 3 Filippseyingar, 1 Kanadamaður.

17. júlí 2014 21:35