Ellefti ritstjóri Vals ófundinn

„Þeir eru tíu ritstjórarnir á þriggja ára ferli sem blaðamaður,“ segir Valur Grettisson blaðamaður.

Hættir að taka svefntöflurnar þegar tónlistin hljómar

„Ég hef lengi haft gaman að leika á píanó rólega slökunartónlist bæði fyrir mig sjálfan og einnig þá sem það vilja hlusta, svarar Óskar Einarsson píanóleikari og kórstjóri sem gefur út slökunardisk sem ber heitið „Hvíld". „Ég hélt miðnæturtónleika á Jónsmessu árið 2002 þar sem ég lék af fingrum fram rólega tónlist. Eftir þá tónleika fékk ég löngun til að gera heilan disk þar sem ég léki á píanó rólega hvíldartónlist sem gæti hjálpað fólki að slaka á. Það var svo ekki fyrr en á síðasta ári 2007 að þetta fór í gang," segir Óskar aðspurður út í slökunardiskinn.

Baggalútur í rífandi jólafíling

„Jú jú við erum alveg í rífandi jólafíling. Nú keppumst við við að baka sem flestar smákökur og förum á vigtina í janúar og sjáum hver þyngist mest," svarar Bragi Valdimar meðlimur hljómsveitarinnar Baggalútur sem gefur út plötu sem ber heitið Nýjasta nýtt fyrir þessi jól.

Lögreglukórinn boðar jólafögnuð

Lögreglukórinn heldur jólatónleika sína í Grafarvogskirkju næstkomandi sunnudagskvöld. Hörður Jóhannesson, formaður Lögreglukórsins og aðstoðar lögreglustjóri, segir að dagskráin verði mjög fjölbreytt . Þetta verði sambland af íslenskri tónlist og erlendri, gamalli og nýrri. Hörður segir að kórinn starfi alltaf yfir vetrarmánuðina og haldi reglubundið jólatónleika, en þó ekki á hverju ári.

,,Ég gafst ekki upp fyrr en þeir réðu mig í vinnu,'' segir Kiddi Bigfoot

,,Ég var í skemmtanabransanum og það gekk ekki nógu vel og ég bakkaði úr honum. Ég vissi af Ingólfi og það sem hann er að gera," svarar Kristján Jónsson sem kallaður er Kiddi Bigfoot en hann skipti nýverið um starfsvettvang og starfar í dag sem ráðgjafi hjá Sparnaður.is.

Fyrstu tónleikar Barða í Reykjavík í tvö ár

Bang Gang mun halda sína fyrstu tónleika í Reykjavík í 2 ár á fimmtudaginn næstkomandi á Nasa við Austurvöll.

Davíð á marga stuðningsmenn í netheimum

Stuðningsmenn Davíðs Oddssonar láta til sín taka í fésbókarsamfélaginu svokallaða. Hinir ýmsu hópar hafa verið stofnaðir undanfarið þar sem stuðningi er lýst við hina ýmsu menn og málefni. Þar má einnig sjá andstæðinga stjórnmálamanna.

Sléttur magi og stinnur rass í jólagjöf

„Fit-Pilates leikfimin er vinsæl á Íslandi og DVD diskurinn kemur sér vel fyrir þá sem vilja æfa heima sér eða gera hlé á að vera í skipulögðum tímum á líkamsræktarstöðvunum," svarar Smári Jósafatsson einkaþjálfari sem gefur út dvd disk með sérhæfðum leikfimisæfingum fyrir þessi jól.

,,Jónína með stólpípuna að vopni mun ræsta sorann,'' segir Stormsker

Gestir í þætti Sverris Stormsker á Útvarpi Sögu í dag, verða Jón Gerald Sullenberger og Jónína Benediktsdóttir.

Sjóðheitur rakspíri frá Burger King

Rakspíri grilláhugamannsins er jólagjöfin í ár frá hamborgarakeðjunni Burger King. Hann heitir Flame og það er dagljóst að hann er ekki ætlaður grænmetisætum.

Stefán Karl tryllti Boston-aðdáendur

,,Þetta var ótrúlega skemmtilegt, ég fékk að hitta bæði liðin og spjallaði aðeins við fyrirliðann Paul Pierce,“ segir Stefán Karl Stefánsson leikari.

Þorgerður Katrín fékk kartöflu

Pottaskefill heimsótti Þorgerði Katrínu Gunnarsdóttur, menntamálaráðherra, í Alþingishúsið í dag og afhenti henni kartöflu.

Stefán Karl heiðursgestur á stórleik

„Assgoti eruð þið nösk að frétta þetta. Já það er rétt, ég var lukkutrölli Boston celtics í gær og hitti meira að segja í körfuna," svarar Stefán Karl Stefánsson leikari sem fer með hlutverk Trölla eða „The Grinch“ í söngleik sem sýndur er í Boston en hann var heiðursgestur á leik Boston celtics gegn Utah í gær. „Ég hitti liðið og Utah Jazz. Þetta var mikilvægur leikur og þá vantaði jólastemningu. Þetta var meiriháttar því ég er Boston celtic-maður af því að Óli bróðir minn elskaði Larry Bird í gamla daga." „Hann (Óli) verður alveg pottþétt ánægður með þetta en ég á reyndar eftir að segja honum frá þessu," segir Stefán Karl. „Það var alveg svakalega gaman að hitta þetta lið og fá að djöflast með þem."

Tvístraðar og samsettar fjölskyldur eru normið núna

Í nýrri skáldsögu Auðar Jónsdóttur, Vetrarsól, teflir hún saman ólíkum heimum og varpar fram spurningum um lífsgildi, lífsviðhorf og lífsblekkingu. Vísir hafði samband við Auði og spurði hana út í rithöfundastarfið. „Í dag á ég erfitt með að hugsa mér lífið án þess að vera rithöfundur. Að minnsta kosti er ég eins sátt í mínu starfi og framast er unnt."

Áramótapartí á Apótekinu

„Akkúrat núna er verið að breyta Apótekinu," svarar Gunnar Traustason eigandi skemmtistaðarins en hann keypti nýverið út meðeiganda sinn, Garðar Kjartansson. „Það eru sirka tveir mánuðir

Röddin á bak við Sollu stirðu

Ólöf Kristín Þorsteinsdóttir ljáir íslensku Sollu stirðu rödd sína. Vísir hafði samband við þessa hæfileikaríku stúlku og spurði hvernig hún fékk Latarbæjarstarfið. „Ég fór fyrst í talestningu fyrir barnaefni í lok ársins 2003 og var beðin að fara í prufu fyrir litla stelpu í jólamyndinni það ár sem hét „Álfur" minnir mig," svarar Ólöf.

Jón Bjarki efstur í kjöri á hetju ársins hjá DV

Jón Bjarki Magnússon fyrrverandi blaðamaður DV henti handsprengju inn í bloggheima og fréttatíma gærdagsins. Upptaka af samtali hans og ritstjórans Reynis Traustasonar sem birt var í Kastljósi hefur vakið mikla athygli. Framferði Jóns Bjarka er umdeilt, sumir segja ósvífið hjá drengnum að hafa tekið ákvörðun um að birta tveggja manna samtal í sjónvarpi allra landsmanna. Aðrir líta á hann sem hetju.

Slöpp jól framundan

Börkur Gunnarsson er höfundur bókarinnar Hvernig ég hertók höll Saddams sem kemur út fyrir þessi jól. Í bókinni lýsir Börkur dvöl sinni í Írak og fjallar að sama skapi um ástina. Þar lýsir hann persónulegri upplifun sinni á þeirri sérstæðu stöðu að vera fulltrúi herlausrar þjóðar í hinu umdeilda stríði í Írak. Vísir hafði samband við Börk og spurði hann út í ástina og jólin.

Playboy móðgar mexíkóska kaþólikka

Tímaritið Playboy hefur beðist afsökunar eftir að hafa birt meinta stílfærða mynd af Maríu mey á forsíðu sinni.

Fóstbræður teknir út af Youtube

Aðdáendur Fóstbræðra uppgötvuðu sér til mikillar skelfingar að búið var að taka út allt efni sjónvarpsþáttanna af hinni vinsælu vefsíðu Youtube. Fyrir ofan myndböndin stendur skýrum stöfum: „This video is no longer available due to a copyright claim by SMAIS,“ eða „þetta myndband er ekki lengur til vegna kröfu af hálfu Smáís“.

Ríkir Rússar rífa út dýrar merkjavörur

„Það gerðist bara hérna á laugardaginn að einhver ríkur Rússi gekk út með pelsa og jakkaföt fyrir hátt í milljón,“ segir Páll Kolbeinsson, einn eigenda tískuvöruverslunarinnar Sævar Karl í Bankastræti. Svo virðist að með falli krónunnar hafi skapast markaður fyrir vel stætt fólk að utan að koma hingað og kaupa sér dýr föt og annan lúxusvarning. Armani-jakkaföt og aðrar munaðarvörur sem þjóð í kreppu lætur sig bara dreyma um þessa dagana er pakkað niður í ferðatöskur og rata á fataslár erlendra auðmanna.

Á toppnum í Makedóníu

Nýjasta lag Brynjars Más Valdimarssonar, Runaway, er það vinsælasta í Makedóníu í dag. Lagið fór beint í efsta sætið á vinsældalista útvarpsstöðvarinnar Radio 106, sína fyrstu viku á lista, sem er einstakur árangur. Sló það við lögum með stjörnum á borð við Tinu Turner, Boyzone, Duffy, Beyonce, Pink og Leona Lewis.

Sölvi hjólar í Ingibjörgu Sólrúnu

Ingibjörg Sólrún Gísladóttir, utanríkisráðherra, situr í kvöld fyrir svörum hjá Sölva Tryggvasyni ritstjóra Ísland í dag.

Derrick er dáinn

Þýski leikarinn Horst Tappert er látinn, 85 ára að aldri. Horst er hvað þekktastur fyrir að hafa leikið lögreglumanninn Derrick í samnefndum þáttum.

Fréttastofan fékk höfðinglega gjöf

Fréttastofu Stöðvar 2 og Vísis barst höfðingleg gjöf frá Sólheimum í Grímsnesi í dag, nú þegar einungis níu dagar eru til jóla.

Sænska Carola heldur tónleika á Íslandi

Sænska söngkonan Carola sem sigraði Eurovision árið 1992 heldur tónleika á Íslandi 17. desember næstkomandi í Filadelfiu. Vísir hafði samband við einn skipuleggjanda tónleikanna, Hrönn Svansdóttur. „Tónleikarnir eru á miðvikudaginn klukkan átta," svarar Hrönn og heldur áfram: „Hún hefur sjálf sérstakan áhuga á að koma aftur til Íslands en hún kom í fyrra og var rosalega ánægð. Þá kom hún fram á afmælistónleikum einstaklings og í framhaldinu fengum við hana til að halda tónleika," segir Hrönn.

Ásdís Rán ræktar sambandið

Vísir hafði samband við Ásdísi Rán sem er stödd á Íslandi um þessar mundir ásamt fjöskyldunni. Hún er meðvituð um að sinna þarf sambandinu en hún er á leið til Bretlands ásamt eiginmanni sínum, Garðari Garðar Gunnlaugssyni, þar sem þau ætla að njóta þess að versla og slaka á.

Litríkur hópur í detoxferð

Ævintýralega skemmtilegur, litríkur og kátur hópur er á leið til Póllands í föruneyti heilsufrömuðarins Jónínu Benediktsdóttur. Þar er um að ræða ferð sem farin verður 3. janúar en margir sjá það sem góðan kost að huga rækilega að heilsunni eftir hátíðar. Í hópnum munu vera þeir Ásgeir Þór Davíðsson sem betur er þekktur sem Geiri á Goldfinger og góður vinur hans Þorsteinn Hjaltested óðalsbóndi við Vatnsenda.

Bogi reisir friðarkúlu

Bogi Jónsson á Hliði á Álftanesi stendur illa fjárhagslega, eins og hér kom nýlega fram. Hann lætur það þó ekki slá sig út af laginu og hefur búið til friðarkúlu sem mun standa á landareign hans.

Cruise klúðrar öllu aftur

Stórleikaranum Tom Cruise eru mislagðar hendur þegar hann kemur fram í sjónvarpi. Margir muna eflaust eftir því þegar hann umturnaðist hjá Opruh Winfrey 2005, stökk upp á stól og tilkynnti heimsbyggðinni að hann væri hamingjusamasti maður í heimi. Ástæðan fyrir þessu upphlaupi Cruise var þá nýja ástin í lífi hans, Katie Holmes.

Úldinn hákarl notaður til að kynna Ísland

„Ég hef ekki heyrt af þessu áður en þetta er sniðugt. Íslendingar hafa náttúrulega alltaf verið duglegir við að kynna þorrablótin en að það sé markaðssett svona er einhver nýlunda,” segir Ottó Guðmundsson, starfsmaður í Múlakaffi.

Geir Ólafs á toppnum í Færeyjum

Poppkóngurinn Geir Ólafsson var eins og aðrir íslendingar hrærðir yfir vinarþeli Færeyinga, sem fyrstir þjóða buðu Íslendingum lán þegar efnahagskerfið hrundi lóðbeint til helvítis.

Kínverjar læra íslensku í Peking

uttugu kínverskir námsmenn við Beijing Foreign Studies University (BFSU) komu háskólarektor, Kristínu Ingólfsdóttur, og fylgdarliði í opna skjöldu í Peking á dögunum með því að syngja fyrir þau jólalög á íslensku.

Störe á pókermót í Portúgal

„Þetta er draumur sérhvers pókerspilara, ég er auðvitað byrjaður að æfa enda ætla ég að rúlla þessum köpppum upp," segir Egill „Störe" Einarsson. Einkaþjálfaranum kunna virðast allir vegir færir því hann er á leiðinni á risastórt alþjóðlegt mót í póker um miðjan febrúar.

Gulli sendill er ódýrastur

Íslandsbókin 12. hefti eftir Gunnlaug Inga Ingimarsson er komin út. Gunnlaugur er betur þekktur sem Gulli sendill og er afkastamikill og vinsæll höfundur. „Ég er búinn að gefa út eina bók á ári í mörg ár, stundum fleiri,“ segir Gulli. „Ég kem oftast með mínar bækur á sama tíma og hinir höfundarnir, í byrjun nóvember, og ég er alltaf ódýrastur. Mín bók kostar þúsund kall á meðan aðrar eru á þetta 3-4 þúsund, eða jafnvel meira.“

Sigga Beinteins selur fimmtíu þúsund

Hátt í fimmtíu þúsund eintök hafa selst af Söngvaborgar-mynddiskunum fimm sem Sigríður Beinteinsdóttir og María Björk Sverrisdóttir hafa gefið út á undanförnum árum.

Ungfrú Ísland komst ekki á verðlaunapall

Hin rússneska Ksenya Sukhinova var krýnd ungfrú heimur við hátíðlega athöfn í Suður-Afríku í dag. Ungfrú Ísland, Alexandra Helga Ívarsdóttir, komst ekki á verðlaunapall. Hún má þó vel við una, því hún var kosin sportstúlka keppninnar fyrr í vikunni.

Jólalestin lögð af stað

Ljósum prýddir Coca-Cola trukkar Vífilfells keyra sinn árlega hring um höfuðborgarsvæðið í dag. Jólalestin hélt af stað fyrir um klukkutíma frá höfuðstöðvum Vífilfells að Stuðlahálsi. Hún mun ferðast um helstu hverfi höfuðborgarsvæðisins með stuttri viðkomu í Smáralind kl. 18:00. Þaðan verður ferðinni áfram haldið til kl. 20:00, en þá lýkur rúmlega 100 km löngu ferðalagi Jólalestarinnar á Stuðlahálsi, á sama stað og ferðin hófst.

Töskur fræga fólksins á markaði Stígamóta

Töskumarkaður Stígamóta opnar í dag. Á annað þúsund töskur af öllum stærðum og gerðum hafa borist í söfnun samtakanna og þær verð boðnar til sölu. Ágóðinn rennur til reksturs Stígamóta. Markaðurinn opnar klukkan ellefu og hvetja Stígamótakonur fólk til að koma, skoða, versla og fá sér heitar pönnslur í húsnæði samtakanna við Hverfisgötu 115.

Ungfrú Ísland í The Sun

Femínistar eru bara lesbíur í karlmannsfötum, ungfrúrnar skiptast á hæðnis-legum athugasemdum á milli þess sem þær gera hvað þær geta til að ganga í augun á dómnefndinni. Svona sér blaðamaður The Sun þátttakendur í Miss World.

Iðnaðarráðherra fékk kartöflu frá Stekkjastaur

Stekkjastaur kom til byggða í nótt og samkvæmt heimildum Vísis laumaði hann ýmsu góðgæti í skó og sokka barna á öllum aldri á öllu landinu. Eins og alkunna er fá þeir sem haga sér illa kartöflu í stað góðgætis frá bræðrunum þrettán sem flykkjast hver á fætur öðrum til byggða. Össur Skarphéðinsson ere inn þeirra sem fékk kartöflu frá Stekkjastaur.

Undirrituðu samstarfssamning um stuðning við Músíktilraunir

Hanna Birna Kristjánsdóttir borgarstjóri og Birkir Hólm Guðnason, framkvæmdastjóri Icelandair, undirrituðu í dag samstarfssamning um áframhaldandi stuðning við Músíktilraunir.

Fráskilinn Bjarni Haukur lélegur að skreyta

Einleikurinn „Pabbinn" var frumsýndur í Iðnó fyrir rúmu ári . Sýningin fékk strax gríðarlega góðar viðtökur hjá gagnrýnendum sem og áhorfendum. Eftir rúmlega 50 troðfullar sýningar í Iðnó fluttist sýningin í Íslensku óperuna vegna vinsælda og fyrir þessi jól gefst íslensku þjóðinni einstakt tækifæri að eignast „Pabbann" á DVD. Vísir hafði samband við Bjarna Hauk Þórsson leikara en hann er sjálfur pabbi, réttara sagt einstæður pabbi en hann skildi við eiginkonu sína og barnsmóður fyrir tveimur árum. „Það er mjög gott samkomuleg hjá mér og barnsmóður minni. Það gæti ekki verið betra," svarar Bjarni Haukur aðspurður út í fjölskylduhagina en tekur sérstaklega fram að „Pabbinn" fjallar ekki um einstæða feður heldur upplifun karlmanna þegar nýtt barn kemur í heiminn og hvernig allt breytist.

Kristján Jóhannsson semur við Senu

Kristján Jóhannsson og Sena hafa gert með sér samstarfssamning til næstu 5 ára um víðtækt samstarf á Íslandi. Sena tekur að sér útgáfu á gömlu og nýju efni Kristjáns og auk þess mun Bravó, tónleika- og umboðsarmur Senu, sjá um allt tónleikahald og umboðsmennsku fyrir Kristján næstu árin. Vísir hafði samband við Eið Arnarsson útgáfustjóra Senu sem fagnar samstarfinu:

Forsetinn þiggur boð Ingva Hrafns

Forseti Íslands Ólafur Ragnar Grímsson hefur samþykkt boð sjónvarpsstjórans Ingva Hrafns Jónssonar að mæta í þáttinn Hrafnaþing næstkomandi þriðjudag á sjónvarpsstöðinni ÍNN. „Ólafur Ragnar hefur þegið boð mitt," svarar Ingvi Hrafn þegar Vísir spyr um hvað hann ætlar að ræða við forsetann.