Friðrik Ómar syngur í lukkubrókunum

„Ég syng alltaf í sömu brókinni þegar mikið liggur við, ég söng í þeim í fyrra og verð í þeim líka núna,“ segir Friðrik Ómar Hjörleifsson, einn þriggja bakraddasöngvara Jóhönnu Guðrúnar á Eurovision-keppninni í Moskvu.

Dita Von Teese dillaði brjóstunum

Listakonan Dita Von Teese, fyrrverandi kærasta hins ófrýnilega Marylins Manson, beraði brjóstin uppi á sviði við æfingar á lagi Þýskalands í Eurovision-keppninni.

Ekki í samkeppni við Palla

Eyjólfur Kristjánsson ætlar að gera sér lítið fyrir og halda Eurovison-kvöld á sama tíma og Páll Óskar heldur sitt árlega Eurovision-ball á Nasa. Hann er hvergi smeykur og vísar því á bug að hann sé í samkeppni við Palla.

Susan Boyle boðið hlutverk í söngleik

Söngleikjamógúllinn Andrew Lloyd Webber hefur lofað Susan Boyle, sem uppgötvuð var í Britain‘s Got Talent, hlutverki í söngleik. Lloyd Webber hitti Boyle nýlega í upptökuveri í London og segist ætla að finna hlutverk fyrir hana. „Hún er frábær og mikill aðdáandi sýninganna minna. Ef hana langar til að vera í einni þeirra, þá gæti það vel gerst. Það yrði að vera rétta hlutverkið. Hún á bjarta framtíð,“ segir hann.

Jóhanna Guðrún besti flytjandinn í ár

Alexander Rybak sem keppir fyrir Noreg í Eurovision og margir spá sigri annað kvöld er gríðarlega hrifinn af Jóhönnu Guðrúnu Jónsdóttur en þau etja kappi í úrslitum keppninnar annað kvöld. Í viðtali við Kastljósið í kvöld sagði Alexander að Jóhanna Guðrún væri besti flytjandinn í keppninni ár og hann hefði heillast þegar hann heyrði hana flytja lagið, Is it true?, í undankeppninni á þriðjudag.

Ný Idolstjarna krýnd í kvöld

Úrslitaþáttur Idolstjörnuleitar er nú hafinn í beinni útsendingu frá Smáralindinni á Stöð 2. Þar verður ný Idolstjarna krýnd en það eru þær Hrafna og Anna Hlín sem berjast um titilinn. Í verðlaun eru tvær milljónir króna. Ellefu keppendur hófu keppni í Smáralindinni og nú er komið að lokasprettinum. Margt verður í boði á úrslitakvöldinu því auk stúlknanna mun Bubbi Morthens troða upp ásamt hljómsveitin sinni Egó og Pétur Jóhann Sigfússon mun slá á létta strengi.

Sendur á milli kúnna eins og dýr hóra

Óhætt er að segja að Karl Berndsen hafi farið á kostum í þáttunum Nýtt útlit á Skjá einum. Þar tekur hann útlit fólks í gegn og fer yfir hvað má og hvað má ekki í klæðaburði og öðru. Honum til aðstoðar er Ísak Freyr Helgason sem hefur vakið verðskuldaða athygli. Þeir félagar voru í viðtali í Íslandi í dag í kvöld.

IDOL: Þær verða að sleppa takinu og njóta

Húsavíkurmærin Ína Valgerður Pétursdóttir sem laut í lægra haldi í úrslitakeppni Idol stjörnuleitar árið 2006 fyrir Snorra Snorrasyni hefur fylgst náið með Idol stjörnuleit. „Stelpurnar tvær sem eru komnar í úrslit eiga svo sannarlega heima þar. Þær eru búnar að blómstra í keppninni og þroskast mikið. Rosalega flottar raddir en mjög ólíkar, sem er bara gaman," segir Ína aðspurð um Hröfnu og Önnu Hlín sem berjast um titilinn Idolstjarna ársins 2009 í kvöld. Áttu góð ráð fyrir stelurnar? „Þegar það er komið að lokabardaganum þá er lítið annað hægt að gera en að sleppa takinu og njóta kvöldsins. Ég man sérstaklega hvað það var gaman hjá okkur krökkunum og öllu staffinu á úrslitadaginn, allir í góðu skapi og yfirvegaðir, en auðvitað var mikil spenna í manni," svarar Ína. „Ég óska bara stelpunum góðs gengis í kvöld og vona að þær njóti þess í botn. Stay cool!" segir hún áður en kvatt er.

Fékk nóg af Eurovisionferðum

„Ég fékk bara nóg. Ég er ofboðslega hamingjusöm að vera heima og börnunum mínum finnst æðislegt að hafa mig heima," segir Guðrún.

Fréttakona flýgur á fund við Dalai Lama

Þóra Arnórsdóttir fréttamaður á RÚV lagði land undir fót í morgun og er á leið til fundar við Dalai Lama í Indlandi. Þóra var stödd á flugvelli í London, ásamt Gauki Úlfarssyni myndatökumanni, þegar fréttastofa náði tali af henni.

Kastljósstjarna kynnir Eurovision-stigin

Lagið hefur þotið upp lista hjá veðbönkum og sem dæmi spáir William Hill veðbankinn breski því fimmta sæti.

Þáttaskipti hjá Jay Leno

Spaugarinn, háðfuglinn og bíladellusjúklingurinn annálaði, Jay Leno, réttir Conan O'Brien keflið og horfir á eftir þætti sínum, The Tonight Show, í hendur hans 29. maí, 17 árum eftir að Johnny Carson eftirlét Leno þáttinn.

Fara á Ólympíuleika samkynhneigðra

Strákafélagið Styrmir, sem er skipað samkynhneigðum knattspyrnu- og sundmönnum, undirbýr þátttöku sína í World Outgames-leikunum sem verða haldnir í Kaupmannahöfn í sumar.

Pjattrófa dælir bensíni

„Þetta gekk ljómandi vel. Og við stóðum okkur allar vonum framar,“ segir Aníta Lísa Svansdóttir – ungfrú Vesturland og hugsanlega verðandi Ungfrú Ísland.

Kajagoogoo í tónleikaferð

Kajagoogoo ætlar í sína fyrstu tónleikaferð um Bretland með upprunalegum mannskap í rúm 25 ár.

Kvöldvaka Svavars

Tónlistarmaðurinn Svavar Knútur hefur sent frá sér plötuna Kvöldvaka. Á plötunni, sem Dimma gefur út, ríkir sannkölluð kvöldvökustemning þar sem söngvaskáldið er í aðalhlutverki við eigin undirleik á gítar. Einnig leika á plötunni þeir Ingólfur Magnússon á kontrabassa, Jón Geir Jóhannsson á slagverk og Hallgrímur Jónas Jensson á selló. Kvöldvaka kemur út í 500 tölusettum eintökum fyrir íslenskan markað og verður einungis seld á tónleikum og hjá útgefanda, en hægt er að nálgast plötuna eða stök lög af henni á Tónlist.is

Lög um íslenskan veruleika

Fyrsta plata hjónadúettsins Létt á bárunni er komin út. Svavar Pétur og Berglind úr Skakkamanage standa að baki sveitinni en auk þess gefur Svavar út fyrsta sólóverkefni sitt, Prins Póló.

Syngur lag við texta mömmu

Tónlistarmaðurinn Arnar Jónsson, sem söng kántrí­lagið Easy to Fool í undankeppni Eurovison, er með tvö ný lög í undirbúningi. Annað nefnist Here I Am og er eftir Halldór Guðjónsson við texta Ronalds Kerst en hitt, sem hefur ekki fengið nafn, er eftir Örlyg Smára. Textann við það lag samdi móðir Arnars, Carola Ida Köhler, bloggari og fyrrverandi útvarpskona á Bylgjunni.

Amnesty sýnir heimilarmyndina Poverty of Justice

Í tilefni herferðar Amnesty International „Krefjumst réttlætis", sem beinir sjónum að tengslum mannréttindabrota og fátæktar, verður heimildamyndin Poverty of Justice sýnd í Amnesty-bíó mánudaginn 18. maí og hefst sýningin kl. 20.00. Myndin verður sýnd í húsnæði deildarinnar að Þingholtsstræti 27, 3 hæð.

Forsetinn keypti listaverk af sjálfum sér

Það er óhætt að segja að útskriftarverkefni Emils Magnúsarsonar Borhammar hafi vakið mikla athygli á útskriftarsýningu Listaháskólans á Kjarvalsstöðum fyrir skömmu. Verkin voru sýnd í sendiferðarbíl fyrir utan sýningarstaðinn og þurfti Emil meðal annars að færa bílinn þegar kosið var til Alþingis. Eitt verkanna var mynd af Ólafi Ragnari Grímssyni að halda fyrir munninn á Dorrit Moussiaeff eiginkonu sinni. Ólafur kom og skoðaði verkið sem hann hefur nú keypt.

Um 2500 manns sáu Engla og Djöfla í gær

Það er ljóst að Robert Langdon, aðalpersónan úr DaVinci lyklinum á sér marga aðdáendur hér á landi. Sjálfstætt framhald myndarinnar, Englar & Djöflar, var frumsýnd í gær um land allt. Í tilkynningu frá Senu kemur fram að rétt rúmlega 2500 gestir hafi séð myndina á frumsýningardaginn og sé þetta því „stærsti" bíódagur ársins og stefni myndin hraðbyri í að verða vinsælasta mynd sumarsins.

Hugleikur grætur Dr. Jón

Dr. Jón er fyrirmyndin að eineygða kettinum Kisa sem er sköpunarverk Hugleiks. Dr. Jón er að öllum líkindum frægasti köttur landsins, lifði litríku lífi og náði því sem fáum mennskum tekst: Að knésetja heimskt kerfið. „Já, Dr. Jón er dáinn. Dauður? Ég hef aldrei náð því af hverju við eigum að hafa einhver öðruvísi orð yfir þetta nákvæmlega sama ástand þegar mannfólkið á í hlut,“ segir Hugleikur Dagsson rithöfundur þegar honum er bent á að oftast sé talað um að dýr drepist en ekki að þau deyi.

Kærasti Jóhönnu hélt ró sinni í Moskvu

„Ég var alveg pollrólegur yfir þessu, þetta var auðvitað hörkuspennandi en ég var alveg handviss um að við værum í síðasta umslaginu," segir Ólafur Ólafsson, kærasti Jóhönnu Guðrúnar Jónsdóttur. Hann er kominn til Moskvu til að styðja við bakið á unnustunni í Eurovision-orrustunni ásamt föður sínum, athafnamanninum Ólafi Björnssyni.

Laddi leikur Ebba Skrögg

„Ég leik Skrögg, eða Scrooge, draugana og allt. Þetta er einleikur. Ég þarf að gera allt sjálfur. Það er alltaf svoleiðis,“ segir Þórhallur Sigurðsson eða Laddi.

Leikarar í fári vegna leka af fjöldapóstlista

„Það var stjórnarfundur hjá félaginu í morgun [í gær] og það sem þar fór fram er trúnaðarmál,“ segir Björn Ingi Hilmarsson stjórnarmaður í Félagi íslenskra leikari (FIL).

Seth Sharp lagði Yale að velli

„Samviska mín er hrein og ég mun heldur ekki verða gjaldþrota,“ segir tónlistarmaðurinn Seth Sharp, sem er hæstánægður þessa dagana. Bandaríski háskólinn Yale hefur ákveðið að falla frá dómsmáli sem hann höfðaði gegn Seth vegna vangoldinna skólagjalda. Skólinn hélt því fram að Seth hefði aldrei greitt krónu af láni sínu frá því hann stundaði þar nám og krafðist í kjölfarið þriggja milljóna greiðslu.

Þróar dansspor sem lætur „moonwalkið“ líta út sem „macarena“

Michael Jackson er nú að vinna að dansspori sem mun láta hið fræga „moonwalk“ líta út eins og „macarena“. Konungur poppsins hefur ráðið einn virtasta danshöfund í heimi, kappa að nafni Kenny Ortega, til þess að kokka upp danssporði sem mun fá aðdáendur hans til þess að gera allt til þess að ná því.

Málar mann á sundskýlu að drekka bjór í hálft ár

Fulltrúi Íslendinga á Feneyjatvíæringnum, 2009, er listamaðurinn Ragnar Kjartansson. Hann er kunnur fyrir fjölbreytt verk sín sem eiga rætur að rekja í ólíka miðla, m.a. leikhús, tónlist, málverk og gjörninga.

Tæknimennirnir í Eurovision vissir um sigur Jóhönnu

Fyrirtækið M&M production management sér um tæknilegu hliðina í Eurovisionkeppninni í ár. Segja má að þeir sem að því standa hafi staðið sig gríðarlega vel í gær enda var sviðsmyndin stórglæsileg. Starfsmennirnir á bak við tjöldin halda úti bloggsíðu þar sem þeir ræða um keppnina. Í færslu sem skrifuð er í gær er höfundur hennar nokkuð viss um hvar þeir verði á næsta ári. „Við förum til Íslands á næsta ári.“

Sigmar í Moskvu: Það gengur allt rosalega vel

„Hún er bara rosa góð. Fólk fór ekki í háttinn fyrrr en klukkan sjö átta að morgni. En það voru engin brjáluð læti," segir Sigmar Guðmundsson sjónvarpssmaður sem lýsir keppninni fyrir landanum aðspurður hvernig stemningin er hjá hópnum í Moskvu. „Þú sérð það að keppnin var ekki búin fyrr en klukkan tvö í nótt. Við vöknuðum í hádeginu og fólk er búið að melta þetta og allir rosa ánægðir," segir Sigmar.

Menntamálaráðherra missir aldrei af Eurovison

„Ég horfi alltaf á Eurovision og hef alltaf gert," segir Katrín Jakobsdóttir menntamálaráðherra. Hún segist hafa verið mjög ánægð með frammistöðu Jóhönnu Guðrúnar í gær.

Swayze ræðir krabbamein og fleira í nýrri ævisögu

Leikarinn Patrick Swayze fjallar ítarlega um baráttu sína við krabbamein í nýútkominni ævisögu.

Örlygur Smári og Páll Óskar semja Idol-lag

Draumateymið Örlygur Smári og Páll Óskar Hjálmtýsson eru mennirnir á bak við lagið sem þær Anna Hlín Seculic og Hrafna Hanna Elísa Herbertsdóttir flytja á úrslitakvöldi Idol-stjörnuleitar á föstudagskvöldið.

Tvífarar: Euro-kynnir og Jón Ásgeir

Íslenska þjóðin sat spennt fyrir framan sjónvarpsskjáinn í kvöld þar sem framlag okkar fór áfram í úrslitakeppni Eurovison sem fram fer á laugardaginn. Óhætt er að segja að Jóhanna hafi slegið í gegn. En það voru fleiri sem slógu í gegn og frammistaða kynnanna á keppninni vakti athygli.

Stelpurnar í Ungfrú Ísland dæla bensíni

Fimmtudaginn 14. maí munu stúlkurnar í Ungfrú Ísland keppninni vera til þjónustu reiðubúnar hjá N1.

Hönkið hennar Katie er hommi

Dularfulla hönkið sem sást með Katie Price á föstudagskvöldið neitar því að vera ástæða þess að fyrirsætan og eiginmaður hennar Peter Andre hafa ákveðið að skilja, þar sem hann sé samkynhneigður. Það er The Sun sem segir frá þessu í dag.

Stórglæsileg á sviðinu í Moskvu

Jóhanna Guðrún Jónsdóttir flutti lagið, Is it true, fyrir hönd Íslands á stóra sviðinu í Moskvu fyrir nokkrum mínútum. Lag Jóhönnu var það tólfta í röðinni en mörg skemmtileg atriði voru á undan hennar. Flestir spá Noregi góðu gengi en salurinn virtist taka lagi Jóhönnu vel.

Vel stemmd fyrir kvöldinu

Jóhanna Guðrún Jónsdóttir, fulltrúi Íslands í Söngvakeppni evrópska sjónvarpsstöðva, segist vongóð um að komast áfram eftir undankeppnina sem haldin verður í Moskvu í kvöld. Hún hafi fengið góð viðbrögð við laginu en sé þó með fæturna á jörðinni.

Skilanefndarmenn og eigandi Reykjavík Invest ríða saman

Tengsl Skilanefndarmanna í Gamla Landsbankanum við Arnar Bjarnason, eiganda Reykjavík Invest, eru ekki einungis viðskiptalegs eðlis.

Annasamur dagur hjá Jóhönnu - myndir

Meðfylgjandi má meðal annars sjá myndir af Jóhönnu Guðrúnu og fríðu föruneyti hennar í Moskvu. Í dag hvíldi hópurinn sig fram yfir hádegi og byrjaði að huga að förðun, hárgreiðslu og útlitinu áður en hann lagði af stað í Ólympíuhöllina klukkan 15 að staðartíma eða klukkan 11 að íslenskum tíma.

Chris Brown: „Ég lak ekki þessum brjóstamyndum“

Chris Brown segist ekkert hafa með það að gera að brjóstamyndir af söngkonunni og fyrrum kærustu sinni, Rihönnu, hafi lekið á internetið í síðustu viku. Nokkrar sjóðheitar myndir sem virðast vera af söngkonunni birtust á netinu fyrir helgi og vöktu skiljanlega mikla athygli.

Jordan og Peter Andre að skilja

Fyrirsætan Katie Price, betur þekkt sem Jordan, og eiginmaður hennar Peter Andre eru að skilja eftir nætum fimm ára hjónaband. Það er breska slúðurblaðið The Sun sem segir frá þessu í dag. Parið kynntist í raunveruleikaþættinum, I´m a celebrity....Get Me Out Of Here! í skógum Ástralíu.

Brasilíufangi lék handrukkara í Reykjavík Rotterdam

„Hann var annar þeirra sem fylgdu mér," segir leikarinn Jóhannes Haukur Jóhannesson, en Ragnar Erling Hermannsson lék í kvikmyndinni Reykjavík Rotterdam. Þá lék Ragnar handrukkara sem var í slagtogi með persónu Jóhannesar Hauks sem sjálfur lét óhugnalegan handrukkara.

Poppuð mamma - myndir

Eins og sjá má á myndunum var söngkonan Gwen Stefani stödd á LAX flugvellinum í Los Angeles ásamt syni hennar Kingston, 4 ára, í gærdag.

Norskar hjólhýsakonur væntanlegar

Fimm norskar „hjólhýsakonur" eru nú á skipsfjöl á leið til landsins en þær munu auk annarra setja svip sinn á Listahátíð í Reykjavík sem hefst á föstudaginn.