Jordan og Peter Andre að skilja

Fyrirsætan Katie Price, betur þekkt sem Jordan, og eiginmaður hennar Peter Andre eru að skilja eftir nætum fimm ára hjónaband. Það er breska slúðurblaðið The Sun sem segir frá þessu í dag. Parið kynntist í raunveruleikaþættinum, I´m a celebrity....Get Me Out Of Here! í skógum Ástralíu.

Parið gifti sig síðan í kastala í Hampshire árið 2005 en þau eiga tvö börn saman, þriggja ára soninn Junior, og hina eins árs gömlu Princess Tiáamii.

Fyrirtækið Can Asoociates Limited sem sér um kynningarmál fyrir hjónin sagði í dag að þau væru að skilja eftir rúmlega fjögur og hálfs árs hjónaband.

„Þau hafa bæði óskað eftir því að fjölmiðlar virði einkalíf þeirra á þessum erfiðu tímum."