Jóhanna Guðrún besti flytjandinn í ár

Alexander Rybak sem keppir fyrir Noreg í Eurovision og margir spá sigri annað kvöld er gríðarlega hrifinn af Jóhönnu Guðrúnu Jónsdóttur en þau etja kappi í úrslitum keppninnar annað kvöld. Í viðtali við Kastljósið í kvöld sagði Alexander að Jóhanna Guðrún væri besti flytjandinn í keppninni ár og hann hefði heillast þegar hann heyrði hana flytja lagið, Is it true?, í undankeppninni á þriðjudag.

Þá var hann að heyra lagið í fyrsta skipti og sagði það ekki koma sér á óvart að Jóhann myndi sigra keppnina. Óhætt er að segja að Jóhanna Guðrún hafi slegið í gegn í Moskvu en hver keppandinn á fætur öðrum dásamar stúlkuna.