Dita Von Teese dillaði brjóstunum

Listakonan Dita Von Teese, fyrrverandi kærasta hins ófrýnilega Marylins Manson, beraði brjóstin uppi á sviði við æfingar á lagi Þýskalands í Eurovision-keppninni.

Lagið nefnist Miss Kiss Bang Bang og verður númer sautján í röðinni í kvöld. Dita ætlar að dilla sér uppi á sviði þegar lagið verður flutt og vonast til að veiða einhver atkvæði út á það.

Óvíst er þó hvort henni verður leyft að sýna brjóstin þegar kemur að beinu útsendingunni í kvöld, enda milljónir manna við skjáinn. Þó ber að hafa það í huga að glitrandi stjörnur huldu geirvörtur hennar á æfingunni og gæti atriðið því fengið grænt ljós hjá skipuleggjendum keppninnar.