Borgarahreyfingin sem grasrótarafl

Fjórtán liðsmenn Borgarahreyfingarinnar, þar af allir þingmenn hennar, hafa sent frá sér tillögur að samþykktum þar sem áréttað er að hreyfingin verði sem slík áfram en ekki flokki.

Björguðu Ísraela í sjálfheldu

Björgunarfélag Ísafjarðar var kallað út um klukkan fjögur í dag vegna manns sem var í sjálfheldu í Þverfelli í Engidal í Skutulsfirði. Maðurinn, sem er frá Ísrael, var á göngu í fjallinu en fór töluvert út fyrir gönguleið og sat svo fastur í klettabelti í um 800 metra hæð.

Hátt í 10 þjófar handteknir í dag

Lögreglan á höfuðborgarsvæðinu hefur handtekið hátt í tug manna í sérstakri aðgerð gegn þjófnaði á höfuðborgarsvæðinu. Þá hefur lögreglan lagt hald á verðmætt þýfi. Vísir fékk þær upplýsingar frá lögreglunni að aðgerðin teygi sig yfir allt höfuðborgarsvæðið en henni er stjórnað af lögreglumönnum á hverfastöðinni í Grafarvogi. Málið er enn í rannsókn.

Segist hafa sogið bensín en ekki áfengi

Karlmaður sem var sviptur ökuleyfi tímabundið fyrr á árinu segir að bensín sem hann saug upp í sig hafi ruglað áfengismæla lögreglu. Héraðsdómur Reykjavíkur féllst nýverið ekki á þá skýringu og Hæstiréttur staðfesti þann úrskurð í dag.

Hundaníðingar gengu í skrokk á ungri konu

Tvær konur og einn karlmaður gengu í skrokk á ungri konu á Geirsnefi, á útivistarsvæði fyrir hunda, á mánudaginn. Stúlkan segir að konurnar, sem eru mæðgur, hafi sparkað í hana, hangið í hárinu á sér, kýlt sig og lamið.

Landspítalaforstjóri tekur sér leyfi til að vinna í heilbrigðisráðuneytinu

Hulda Gunnlaugsdóttir forstjóri Landspítala tekur að sér tímabundna verkefnisstjórn við að hrinda í framkvæmd aðgerðaáætlun um samstarf og markvissari verkaskiptingu á milli heilbrigðisstofnana. Áður hafði verið tilkynnt að Hulda, sem tók til starfa sem forstjóri í fyrrahaust, myndi taka sér ársleyfi frá störfum.

Ekki borgarinnar að reisa styttu fyrir Helga Hóseasson

„Ef það er svona mikill áhugi fyrir málinu og 20 þúsund manns búnir að skrá sig fyrir því að þá þarf í raun og veru hver og einn ekki að borga nema þúsund kall í framlag og þá eru komnar 20 milljónir fyrir styttunni," segir Óskar Bergsson,

Karlmaður handtekinn vegna ránsins í 11-11

Karlmaður um tvítugt hefur verið handtekinn í tengslum við rannsókn lögreglunnar á ráni sem var framið í verslun 11-11 við Hlemm á ellefta tímanum í gærkvöld.

Rebekka á von á barni í nóvember

Rebekka María Jóhannesdóttir er aðeins 22 ára gömul en hefur gengið í gegnum miklar raunir á stuttri ævi.

Hækkun framfærslunnar hefur áhrif á 80 prósent stúdenta

„Við erum mjög ánægð með þessar breytingar. Við höfum reiknað út að þetta felur í sér breytingar fyrir 80% stúdenta eða þá sem eru með tekjur undir 1750 þúsund krónum á ári. Það eru mjög fáir með hærri árstekjur en það,“ segir Hildur Björnsdóttir, formaður Stúdentaráðs Háskóla Íslands, um þá ákvörðun ríkisstjórnarinnar að hækka grunnframfærslu Lánasjóðs íslenskra námsmanna um 20%, úr 100 þúsund krónum á mánuði í 120 þúsund krónur.

Framfærsla námsmanna hækkar um 20 prósent

Grunnframfærsla Lánasjóðs íslenskra námsmanna hækkar um 20% og hækkar hún í 120 þúsund krónur á mánuði. Ríkisstjórnin hefur samþykkt að veita lánasjóðnum einn milljarð króna á fjárlögum ársins 2010 til þess að hækka framfærslugrunn sjóðsins. Ýmsar breytingar verða jafnframt gerðar á samspili námslána og atvinnuleysisbóta og er markmiðið að hvetja fólk til náms sem annars væri á atvinnuleysisbótum. Katrín Jakobsdóttir, menntamálaráðherra, og Árni Páll Árnason, félagsmálaráðherra, kynntu breytingarnar á blaðamannafund í dag.

Jarðskjálfti í Ölfusi

Jarðskjálftahrina hófst í Ölfusi á tólfta tímanum í dag. Klukkan 12:21 varð jarðskjálfti um 9 kílómetra vestsuðvestan af Selfossi og var hann tæplega 3 stig á Richter.

Sérstakur ríkissaksóknari vísar frá kæru á hendur blaðamönnum

Settur ríkissaksóknari hefur vísað frá kæru á hendur fimm blaðamönnum fyrir meint brot á lögum um bankaleynd. Um er að ræða blaðamennina Agnesi Bragadóttur og Þorbjörn Þórðarson, blaðamenn á Morgunblaðinu, Kristinn Hrafnsson, sem nú starfar á RÚV, Egill Helgason, pistlahöfundur á Eyjunni, og Guðmundur Magnússon ritstjóri Eyjunnar.

Umboðsmaður sendir stjórnvöldum pillu vegna ráðningar Einars Karls

Eðlilegt er að laus störf hjá hinu opinbera séu auglýst, enda verði ekki séð að nokkur einstaklingur hafi lögmætt tilkall til slíkra starfa. Þetta segir umboðsmaður Alþingis í nýju áliti sem fjallar um Einar Karl Haraldsson, nýráðinn upplýsingafulltrúa forsætisráðuneytisins.

Mun fleiri fasteignir seldar á nauðungarsölu

Tæplega helmingi fleiri fasteignir hafa verið seldar á nauðungarsölu í Reykjavík það sem af er þessu ári miðað við sama tímabil í fyrra. Búist er við holskeflu uppboða í nóvember þegar lög um frestun á nauðungarsölu renna út.

Halldór hugar að Hafnarfirði

Halldór Halldórsson, bæjarstjóri á Ísarfirði, mun hugsanlega gefa kost á sér til þess að leiða lista sjálfstæðismanna í Hafnarfirði í næstu sveitastjórnarkosningum sem fram fara í vor. Heimildir Vísis herma að Haraldur Ingólfsson sem hefur verið oddviti sjálfstæðismanna í bænum undanfarin misseri hyggist hætta og því þurfi að finna nýjan oddvita á listann fyrir kosningarnar.

Eftirlýst kona handtekin með þýfi

Töluvert af þýfi fannst við húsleit í íbúð í vesturbæ Reykjavíkur fyrir hádegi í gær. Um er að ræða hluti sem var stolið í nokkrum innbrotum á höfuðborgarsvæðinu.

Katrín skipar vinnuhóp vegna fornleifarannsókna á Alþingisreit

Katrín Jakobsdóttir, menntamálaráðherra, hefur skipað vinnuhóp sem ætlað er að gera tillögur um stefnu að því er varðar fornleifarannsóknir á Alþingisreit og næsta nágrenni og um varðveislu og sýningu á þeim fornleifum sem þegar hafa fundist.

Vistheimili á dagskrá borgarráðs

Svört skýrsla um tvö vistheimili á vegum ríkisins og Heyrnaleysingjaskólann sem kynnt var í gær er á dagskrá fundar borgarráðs á morgun. Þetta sagði Magnús Gylfason, aðstoðarmaður borgarstjóra, í samtali við fréttastofu.

Fleiri vilja styttu en mótmæltu Icesave

Fleiri vilja reisa minnisverða um Helga Hóseasson en skoruðu á forseta Íslands á samskiptavefnum Facebook að skrifa ekki undir eitt umdeildasta mál síðari ára, ríkisábyrgð vegna Icesave reikninga Landsbankans.

Milljónatjón þegar vinnuvélar voru skemmdar við Nauthólsvík

Milljónatjón varð þegar miklar skemmdir voru unnar á um 20 vinnuvélum á svæðinu þar sem Háskólinn í Reykjavík rís við Nauthólsvík í nótt. Skorið var á dekk og vírar og slöngur klipptar í sundur. Samkvæmt heimildum Vísis hefur lögreglan ekki vísbendingar um hver var að verki en alls urðu um 5 verktakafyrirtæki fyrir tjóni.

Sumarið það sjöunda hlýjasta í Reykjavík

Sumarið í sumar er það sjöunda hlýjasta í Reykjavík frá því mælingar hófust árið 1870 og þriðja þurra sumarið í röð. Þetta kemur fram þegar rýnt er í gögn yfir veðurlagið í sumar.

Dagur vill ræða skýrslu vistheimilanefndar í borgarráði

Dagur B. Eggertsson, oddviti Samfylkingarinnar í borgarstjórn, hefur óskað eftir því að vistheimilisskýrslan svonefnda verði sett á dagskrá borgarráðs. Svört skýrsla um tvö vistheimili á vegum ríkisins og Heyrnaleysingjaskólann var kynnt í gær en hún var unnin eftir að upp komst um illa meðferð á Breiðavík.

Halldór hættir sem bæjarstjóri á Ísafirði

Á fundi í bæjarmálafélagi Sjálfstæðisflokksins í Ísafjarðarbæ í gærkvöldi tilkynnti Halldór Halldórsson bæjarstjóri Ísafjarðarbæjar og oddviti Sjálfstæðismanna í Ísafjarðarbæ um þá ákvörðun sína að gefa ekki kost á sér sem oddviti og bæjarstjóraefni í næstu sveitarstjórnarkosningum vorið 2010.

Gróðurhúsalampar ófundnir

Lögreglan á Selfossi leitar enn þjófa sem brutust inn í gróðrastöð í Biskupstungum í fyrrinótt og stálu þaðan 28 gróðurhúsalömpum, sem notaðir eru til að örva vöxt plantnanna.

Aukafundur í bæjarstjórn Álftaness

Aukafundur verður haldinn í bæjarstjórn Álftaness í kvöld, vegna þrálátra deilna í bæjarstjórninni. Að sögn mbl.is er meirihluti fyrir því meðal bæjarstjórnarfulltrúa, að Sigurður Magnússon bæjarstjóri láti þegar af embætti, en hann er bæjarfulltrúi A- listans.

Síldarkvótinn að klárast

Veiðum úr norsk-íslenska síldarstofninum fer senn að ljúka þar sem skipin eru um það bil að klára kvóta sína. Einhver eru þegar búin, önnur í síðustu veiðiferð og nokkur eiga eitthvað meira eftir.

Rændi 11-11 við Laugaveg

Karlmaður, klæddur svartri hettupeysu, framdi rán í versluninni 11-11 við Laugaveg í Reykjavík á ellefta tímanum í gærkvöldi og komst undan.

Verðtrygging miðist við laun

Verðtryggð húsnæðislán, sem og gengistryggð lán, eru áhættusamningar, sem stjórnvöld hefðu átt að vara almenning við. Þau eru gölluð vara, sem stjórnvöldum ber að endurskoða. Þetta segir Joseph Stiglitz, Nóbelsverðlaunahafi í hagfræði.

Endurskipulagning framhaldsskólanna komin vel á veg

Tveir framhaldsskólar bjóða upp á þriggja ára nám til stúdentsprófs. Um tilraunaverkefni er að ræða og segir menntamálaráðherra, Katrín Jakobsdóttir, að verði reynslan úr því góð gæti þetta leitt til endurskipulagningar á framhaldsskólakerfinu. Skólarnir sjálfir hafi þó sjálfdæmi um hvort þeir taki kerfið upp, reynist það vel.

Óttast niðurskurð á fé til forvarnastarfs

Ögmundur Jónasson heilbrigðisráðherra deilir áhyggjum heilbrigðisstarfsfólks um að fé til forvarna kunni að skerðast á næstu misserum. Hann leggur áherslu á að handbært fé verði nýtt af hugkvæmni og árangur forvarnastarfs þurfi ekki að minnka þrátt fyrir lægri fjárframlög.

Lán verði tengd launum frekar en verðlagi

Nóbelsverðlaunahafinn Joseph Stiglitz telur að ríkinu beri að leiðrétta gölluð húsnæðislán fólks, bæði verð- og gengistryggð. Hann vill halda í krónuna, nema ESB komi betur til móts við svæði sem eiga í vanda. Vísitala til grundvallar verðtryggingu skuli byggja á launum hér eftir.

Kærður fyrir að aka snjótroðara á mann

Afar sérstætt líkamsárásarmál hefur verið kært til lögreglunnar á Selfossi. Karlmaður hefur kært annan mann fyrir að aka á sig á snjótroðara uppi á jökli, þannig að meiðsl hlutust af. Meint líkamsárás með snjótroðaranum átti sér stað síðastliðinn föstudag.

Vill sátt um aðhaldsaðgerðir

Ragna Árnadóttir dómsmálaráðherra ætlar að leita eftir þverpólitískri samvinnu um málefni Landhelgisgæslunnar. Hún hyggst setja á fót starfshóp þingmanna stjórnar og stjórnarandstöðu með embættismönnum úr dómsmálaráðuneytinu og frá Landhelgisgæslunni.

Kreppa áfram næstu árin

Ólíklegt er að Ísland komist út úr kreppunni fyrr en eftir nokkur ár, að mati sérfræðinga greiningar Íslandsbanka. Atvinnuleysi á enn eftir að aukast, kaupmáttur mun rýrna meira og húsnæðisverð lækka áður en kreppunni slotar.

Íslenskir dagar í Seattle

„Þetta er dæmi um gríðarlega vel heppnað samstarf stjórnvalda og fyrirtækja í landinu. Einnig er þetta góð fyrirmynd í því efni, því miklu máli skiptir að þessir aðilar séu samstiga,“ segir Katrín Júlíusdóttir iðnaðarráðherra.

Hver nemandi kostar 1,1 milljón króna

Ísland eyðir hlutfallslega mest allra aðildarríkja Efnahags- og framfarastofnunarinnar (OECD) til menntamála, að því er fram kemur í nýrri skýrslu sem stofnunin hefur sent frá sér.

Hrúturinn Steinsi rangt kyngreindur

Margir fjárglöggir lesendur Fréttablaðsins höfðu samband í gær til að benda á mistök í texta með forsíðumynd blaðsins. Þeir áttuðu sig á því að á myndinni var ekki gimbur á ferð heldur hrútur. Einnig kom í ljós að hrúturinn var ekki aðeins rangt kyngreindur heldur einnig rangnefndur. Rétt nafn er Steinsi.

Rætt verður við umsækjendur

Starfsmenn menntamálaráðuneytisins munu á næstu dögum ræða við umsækjendur um stöðu þjóðleikhússtjóra. Þeim til aðstoðar verður sérfræðingur í mannauðsmálum. Að því ferli loknu mun ráðherra skipa í stöðuna.

Framfærsla námslána hækkar

Menntamála- og félagsmálaráðuneytin hafa unnið að tillögum um samstarf Atvinnuleysistryggingasjóðs og Lánasjóðs íslenskra námsmanna.

Nær 30 ljósalömpum stolið

Brotist var inn í gróðrarstöðina Espiflöt í Biskupstungum í fyrrinótt. Þeir sem voru þar að verki höfðu með sér 28 ljósalampa, samkvæmt upplýsingum frá lögreglunni á Selfossi.

Baugur skuldar forsetadóttur

Dóttir Ólafs Ragnars Grímssonar, forseta Íslands, Guðrún Tinna, gerði rétt rúmlega 6 milljón króna launakröfu í þrotabú Baugs samkvæmt gögnum sem Vísir hefur undir höndum.

Bótanefnd vegna vistheimila sett á laggirnar

Ákveðið var á ríkisstjórnarfundi í morgun að starfshópi á vegum forsætisráðuneytis verði falið að semja drög að frumvarpi til laga þar sem mælt verði fyrir um greiðslu bóta til þeirra sem hafa orðið fyrir illri meðferð á vistheimilum á vegum ríkisins.

Yfirlýsing frá Félagi heyrnalausra

Félag heyrnarlausra hafa sent frá sér tilkynningu þar sem þeir árétta að það sé mikilvægt að málefni Heyrnaleysingjaskólans hafi verið til lykta leidd.

Móðir stofnar óskabrunn

Móðir 3 ára stúlku sem glímir við sjálfsofnæmi og er föst við öndunarvél hefur stofnað styrktarfélagið Óskabrunn fyrir hana og fjölskyldur langveikra barna sem vilja leita lækninga út fyrir landsteinana en fá ekki greitt frá íslenska kerfinu.