Ekkert lát á köldum norðlægum vindi

Atli Ísleifsson skrifar 8. mars 2023 07:15

Reikna má með frosti á bilinu eitt til tólf stig þar sem kaldast verður inn til landsins. Vísir/Vilhelm

Ekkert lát er á köldum norðlægum áttum og stefnir í mjög kalda daga yfir helgina, einkum inn til landsins.

Á vef Veðurstofunnar segir að éljagangurinn sé einkum bundinn við norðan- og austanvert landið, en lengri kaflar með björtu og sólríku veðri annars staðar. Reikna má með frosti á bilinu eitt til tólf stig þar sem kaldast verður inn til landsins.

„Þegar loftmassinn yfir landinu er orðinn þetta kaldur, á hann erfitt að halda í mikinn raka og verður því úrkomumagnið ekki mikið. Eins breytist samsetning ískristallana sem gerir það að verkum að snjórinn bindst ílla saman og snjókornin eru smá. Þetta kallar skíðaáhugafólk gjarnan púðursjó. Eins er svona snjór mjög léttur og skefur mjög auðveldlega,“ segir í færslu veðurfræðingsins.

Spákort fyrir klukkan 14 í dag.Veðurstofan

Veðurhorfur á landinu næstu daga

Á fimmtudag: Norðlæg átt, 5-13 m/s og éljagangur norðan- og austanlands, en annars úrkomulítið. Frost 0 til 9 stig, minnst syðst.

Á föstudag, laugardag og sunnudag: Áframhaldandi norðlægar áttir með éljum, en lengst af úrkomulaust og bjart veður syðra. Talsvert frost.

Á mánudag og þriðjudag: Norðaustanátt með éljum, en bjartviðri suðvestanlands. Dregur heldur úr frosti.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.