Veður

Út­lit fyrir á­fram­haldandi norð­lægar áttir og kulda á landinu

Eiður Þór Árnason skrifar
Það er blautur morgunn víða um land.
Það er blautur morgunn víða um land. Vísir

Spáð er vestlægri átt, 3 til 8 m/s, en austan 8 til 13 á Norðausturlandi. Rigning með köflum og hiti 1 til 7 stig, en snjókoma og vægt frost austanlands.

Von er á norðaustan 5 til 13 m/s í kvöld og á morgun, hvassast norðvestantil. Éljagangur og frost 0 til 6 stig, en bjartviðri og hiti 0 til 4 stig suðvestanlands.

Margir vöknuðu við hæga vestlæga átt og rigningu víða um land, en snjókoma er norðausturhluta landsins. Þegar líður á daginn á að draga úr úrkomu en í kvöld snýst í norðaustanátt með kulda og éljum um norðanvert landið en birtir heldur til. 

Þetta kemur fram í hugleiðingum veðurfræðings hjá Veðurstofu Íslands en næstu daga er útlit fyrir áframhaldandi norðlægar áttir og kulda á landinu með ofankomu norðantil en bjartviðri syðra.

Veðurhorfur á landinu næstu daga

Á þriðjudag: Norðaustan 8-15 m/s og él, en þurrt að kalla sunnantil. Frost 0 til 7 stig.

Á miðvikudag og fimmtudag: Fremur hæg norðaustlæg eða breytileg átt og þurrt og bjart að mestu, en skýjað og dálítil él um landið austanvert. Áfram kalt í veðri og talsvert næturfrost inn til landsins.

Á föstudag og laugardag: Útlit fyriri norðaustlæga eða breytilega átt með él á víð og dreif og fremur kalt í veðri.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.