Erlent

Ná sam­komu­lagi um björgunar­pakka

Atli Ísleifsson skrifar
Mitch McConnell er leiðtogi Repúblikana í öldungadeild Bandaríkjaþings.
Mitch McConnell er leiðtogi Repúblikana í öldungadeild Bandaríkjaþings. EPA

Hvíta húsið í Washington og leiðtogar öldungadeildar Bandaríkjaþings komust í nótt að samkomulagi um björgunarpakka sem ætlað er að styðja við bandarískt efnahagslíf á tímum kórónuveirufaraldursins.

Aðstoðin nemur tveimur billjónum Bandaríkjadala, eða tvö þúsund milljörðum dala, og á að nýta til að aðstoða almenning, fyrirtæki og heilbrigðiskerfið við að komast í gegnum skaflinn.

Það tók stjórnmálamennina nokkra daga að komast að samkomulagi og enn á eftir að greina frá smáatriðum frumvarpsins.

„Loksins, þá höfum við náð samkomulagi,“ sagði Mitch McConnell, leiðtogi Repúblikana í öldungadeildinni, þar sem hann sagði stjórnvöld nú vera að fjárfesta í þjóðinni líkt og um á stríðstímum væri að ræða.

Öldungadeildin og fulltrúadeildin þurfa enn að samþykkja björgunarpakkann áður en en frumvarpið verður sent Donald Trump Bandaríkjaforseta til undirritunar.

Alls hafa um 55 þúsund smit greinst í Bandaríkjunum og eru 784 dauðsföll rakin til kórónuveirunnar sem veldur sjúkdómnum COVID-19.


Tengdar fréttir

Trump talar um að slaka á takmörkunum eftir að mjólkurkúm hans var lokað

Sex af sjö ábatasömustu klúbbum og hótelum Donald Trump Bandaríkjaforseta hefur verið lokað vegna kórónuveirufaraldursins á undanförnum dögum. Forsetinn hefur síðan þá byrjað að ýja að því að slakað verði á samfélagslegum aðgerðum til að hefta útbreiðslu veirunnar.

New York kallar eftir hjálp

Andrew Cuomo, ríkisstjóri, kallaði í kvöld eftir hjálp frá alríkinu og sagði embættismenn hafa vanmetið faraldurinn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.