Virgil van Dijk, leikmaður Liverpool og einn besti varnarmaður heims, gæti verið frá út tímabilið en hann er með sködduð liðbönd. 

Þetta er gríðarlegt áfall fyrir Englandsmeistara Liverpool en van Dijk hefur spilað nánast hverja einustu mínútu síðan hann kom til liðsins í janúar 2018. Hollendingurinn lenti í samstuði við Jordan Pickford, markvörð Everton, í leik liðanna í gær og fór meiddur af velli.

Liverpool hefur núna gefið út að hann muni gangast undir aðgerð og er ólíklegt að hann spili eitthvað með liðinu næstu mánuði, líklegt er að hann verði frá út allt tímabilið.