Fékk hringingu eftir leikinn gegn Tottenham og var sagt að drífa sig upp í flugvél
Henrikh Mkhitaryan, sem gekk í raðir Roma frá Arsenal á dögunum, segir að hann hafi ákveðið að færa sig um set því hann hafi ekki séð fram á jafn mikinn spil tíma hjá Arenal.
Armeninn gekk í raðir Roma á lánssamningi á síðasta degi gluggans en það gerðist einungis innan við sólarhring eftir að hann tók þátt í grannaslagnum í Norður-Lundúnum er Arsenal og Tottenham mættust.
„Þetta gerðist allt eftir leikinn gegn Tottenham þegar ég fékk símhringingu frá umboðsmanninum mínum,“ sagði Armeníumaðurinn við fjölmiðla.
Henrikh Mkhitaryan opens up on sudden Arsenal exithttps://t.co/GjssVJsT94 pic.twitter.com/qI45KmQX7s
— Mirror Football (@MirrorFootball) September 5, 2019
„Hann sagði mér að ég þyrfti að fljúga til Rómar daginn eftir í læknisskoðun með öðru liði og skrifa undir samning. Þetta var frábært tækifæri fyrir mig því ég var ekki að fá mikinn spiltíma.“
Mkhitaryan gekk í raðir Arsenal frá Manchester United í janúar 2018 en Alexis Sanchez fór í hina áttina.
Hann tók einungis þátt í 29 úrvalsdeildarleikjunum á mánuðunum átján og skoraði hann níu mörk í öllum keppnum.
Hann á enn tvö ár eftir af samningi sínum hjá Arsenal.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
