Staða mála breyttist ekkert á toppnum eftir þessa umferð Hjörvar Ólafsson skrifar 15. apríl 2019 11:00 Pep Guardiola verður meistari ef City vinnur rest. vísir/getty Störukeppni Liverpool og Manchester City á toppi ensku úrvalsdeildarinnar í knattspyrnu karla hélt áfram um nýliðna helgi. Manchester City vann nokkuð þægilegan sigur þegar liðið mætti Crystal Palace. Liverpool og Chelsea áttust síðan við í stórleik helgarinnar á Anfield. Það er jafn víst og að sólin komi upp á morgnana að framlína Liverpool er skipuð þeim Roberto Firmino, Mohamed Salah og Sadio Mané séu þeir allir heilir og mikið er undir hjá Liverpool. Þeir tveir síðastnefndu skoruðu mörk Liverpool í 2-0 sigri Liverpool í leiknum. Eftir markalausan fyrri hálfleik þar sem Chelsea beit vel frá sér gerðu Mané og Salah út um leikinn með fallegum mörkum sínum í upphafi síðari hálfleiks. Jordan Henderson sem leikið hefur í öðru hlutverki í síðustu leikjum Liverpool en framan af leiktíðinni var arkitektinn að fyrra marki Liverpool sem kom eftir laglega og vel útfærða sókn. Henderson hefur leikið sem sóknartengiliður í leikjum Liverpool gegn Southampton í deildinni og Porto í fyrri leik liðanna í átta liða úrslitum Meistaradeildar Evrópu og nú síðast í deildarleiknum gegn Chelsea í gær. Hann skoraði eitt þriggja marka Liverpool í sigrinum gegn Southampton og lagði upp annað eftir að hafa komið inn á sem varamaður í leiknum. Fyrirliðinn var svo upphafsmaður að laglegri sókn Liverpool í seinna markinu á móti Porto og átti stoðsendinguna í markinu sem braut ísinn í sigrinum gegn Chelsea í gær. Henderson hefur legið undir harðri gagnrýni frá háværum hluta stuðningsmanna Liverpool fyrir að vera ekki nógu skapandi og leggja ekki nógu mikið til í sóknarleik liðsins. Þar er hann oft borinn saman við Steven Gerrard sem lék um árabil í svipaðri stöðu og Henderson gerir en það að taka við hlutverki Gerrard hjá Liverpool eru ansi stórir skór að fylla. Jürgen Klopp knattspyrnustjóri Liverpool sagði í samtali við fjölmiðla á dögunum að Henderson hefði í raun leikið út úr stöðu undir sinni stjórn og það hentaði honum betur að leika framarlega á miðjunni en sem djúpur og varnarsinnaður miðjumaður. Haldi Henderson áfram að leggja sín lóð á vogarskálarnar í leiftrandi sóknarleik Liverpool eykur það líkurnar á að 19 ára bið félagsins eftir enska meistaratitlinum ljúki í lok maí. Manchester City lætur hins vegar engan bilbug á sér finna í titilvörn sinni og útlit er fyrir að það ráðist í lokaumferðinni hvort bikarinn endi í Liverpool eða Manchester. Tap Chelsea og sigrar Tottenham Hotspur og Manchester United í leikjum sínum breytir stöðunni í baráttunni um sæti í Meistaradeild Evrópu á næstu leiktíð. Tottenham Hotspur er nú í bestu stöðunni með sín 67 stig í þriðja sæti, Manchester United getur náð Chelsea, sem situr í fjórða sætinu með 66 stig, að stigum með sigri í þeim leik sem liðið á til góða á Chelsea og Arsenal getur jafnað Chelsea að stigum leggi það liðið að velli í lokaleik umferðarinnar gegn Watford í kvöld. Líkt og toppbaráttan mun það að öllum líkindum ráðast á lokaandartökum deildarkeppninnar hvaða lið fylgja Liverpool og Manchester City í Meistaradeildina á næsta keppnistímabili. Það er mikið undir fjárhagslega fyrir liðin og taugarnar verða þandar. Enski boltinn Mest lesið Hristir hausinn yfir „glórulausum“ og „smásálarlegum“ ummælum Körfubolti Heimsmet Japanans gildir ekki Sport Krakkalæti og langt bann eða gult og málið dautt? Íslenski boltinn Krókur Liverpool á móti bragði Enski boltinn Hamrén hafnaði 388 milljóna samningi Fótbolti „Eins og að fá hníf í bakið“ Sport Tíu KR-ingar skoruðu níu í gölnum leik Íslenski boltinn Taka gamlar hetjur fram skóna í bikarnum í dag? Íslenski boltinn Hafa ekki áhyggjur af fækkandi Elo-stigum Sport Tiger og Rory fá rosalega hollustubónusa Golf Fleiri fréttir Krókur Liverpool á móti bragði Palace á mikilli siglingu Líflausir Liverpoolmenn skrá sig út úr titilbaráttunni Bruno sneri taflinu við gegn botnliðinu Liverpool hefur viðræður við Arne Slot Slapp við rautt þrátt fyrir fólskubrot: „Einhver þarf að útskýra þetta fyrir mér“ Tveir nítján ára handteknir fyrir nauðgun Fyllir Slot upp í tómarúmið sem Klopp skilur eftir sig? Segir sína menn ekki verðskulda Evrópusæti Segir sitt hlutverk að fá leikmenn til að trúa á verkefnið Skytturnar tylltu sér á toppinn með stæl Skorar tíðast allra en missir enn af leikjum Liverpool Segir viðbrögð fjölmiðla til skammar Højlund kvartaði yfir því að Fernandes gæfi ekki nógu oft á sig Heldur tryggð við Aston Villa þrátt fyrir áhuga annarra liða „Sýna að þetta sé Chelsea FC en ekki Cole Palmer FC“ Fannst Pogba týna sjálfum sér eftir að hann varð heimsmeistari Segir að Ten Hag sé búinn að vera Forest vill hljóðupptöku dómaraherbergins frá leiknum gegn Everton Var sagður taka við Liverpool en hefur rætt við West Ham „Kem því ekki í orð hversu léleg frammistaðan var“ Hjólaði alla leið frá Mongólíu til að sjá United spila Antony gagnrýndur fyrir fagnið „Úrslitin kostuðu Ten Hag starfið“ Ratcliffe hljóp maraþon og dreif sig svo á Wembley Ásaka dómara um óheilindi og hlutdrægni „Hefði hann klippt táneglurnar værum við ekki að ræða þessa vítaspyrnukeppni“ B-deildarliðið hársbreidd frá því að fara alla leið Liverpool jafnar efsta sætið að stigum Palace menn fóru mjög illa með West Ham Sjá meira
Störukeppni Liverpool og Manchester City á toppi ensku úrvalsdeildarinnar í knattspyrnu karla hélt áfram um nýliðna helgi. Manchester City vann nokkuð þægilegan sigur þegar liðið mætti Crystal Palace. Liverpool og Chelsea áttust síðan við í stórleik helgarinnar á Anfield. Það er jafn víst og að sólin komi upp á morgnana að framlína Liverpool er skipuð þeim Roberto Firmino, Mohamed Salah og Sadio Mané séu þeir allir heilir og mikið er undir hjá Liverpool. Þeir tveir síðastnefndu skoruðu mörk Liverpool í 2-0 sigri Liverpool í leiknum. Eftir markalausan fyrri hálfleik þar sem Chelsea beit vel frá sér gerðu Mané og Salah út um leikinn með fallegum mörkum sínum í upphafi síðari hálfleiks. Jordan Henderson sem leikið hefur í öðru hlutverki í síðustu leikjum Liverpool en framan af leiktíðinni var arkitektinn að fyrra marki Liverpool sem kom eftir laglega og vel útfærða sókn. Henderson hefur leikið sem sóknartengiliður í leikjum Liverpool gegn Southampton í deildinni og Porto í fyrri leik liðanna í átta liða úrslitum Meistaradeildar Evrópu og nú síðast í deildarleiknum gegn Chelsea í gær. Hann skoraði eitt þriggja marka Liverpool í sigrinum gegn Southampton og lagði upp annað eftir að hafa komið inn á sem varamaður í leiknum. Fyrirliðinn var svo upphafsmaður að laglegri sókn Liverpool í seinna markinu á móti Porto og átti stoðsendinguna í markinu sem braut ísinn í sigrinum gegn Chelsea í gær. Henderson hefur legið undir harðri gagnrýni frá háværum hluta stuðningsmanna Liverpool fyrir að vera ekki nógu skapandi og leggja ekki nógu mikið til í sóknarleik liðsins. Þar er hann oft borinn saman við Steven Gerrard sem lék um árabil í svipaðri stöðu og Henderson gerir en það að taka við hlutverki Gerrard hjá Liverpool eru ansi stórir skór að fylla. Jürgen Klopp knattspyrnustjóri Liverpool sagði í samtali við fjölmiðla á dögunum að Henderson hefði í raun leikið út úr stöðu undir sinni stjórn og það hentaði honum betur að leika framarlega á miðjunni en sem djúpur og varnarsinnaður miðjumaður. Haldi Henderson áfram að leggja sín lóð á vogarskálarnar í leiftrandi sóknarleik Liverpool eykur það líkurnar á að 19 ára bið félagsins eftir enska meistaratitlinum ljúki í lok maí. Manchester City lætur hins vegar engan bilbug á sér finna í titilvörn sinni og útlit er fyrir að það ráðist í lokaumferðinni hvort bikarinn endi í Liverpool eða Manchester. Tap Chelsea og sigrar Tottenham Hotspur og Manchester United í leikjum sínum breytir stöðunni í baráttunni um sæti í Meistaradeild Evrópu á næstu leiktíð. Tottenham Hotspur er nú í bestu stöðunni með sín 67 stig í þriðja sæti, Manchester United getur náð Chelsea, sem situr í fjórða sætinu með 66 stig, að stigum með sigri í þeim leik sem liðið á til góða á Chelsea og Arsenal getur jafnað Chelsea að stigum leggi það liðið að velli í lokaleik umferðarinnar gegn Watford í kvöld. Líkt og toppbaráttan mun það að öllum líkindum ráðast á lokaandartökum deildarkeppninnar hvaða lið fylgja Liverpool og Manchester City í Meistaradeildina á næsta keppnistímabili. Það er mikið undir fjárhagslega fyrir liðin og taugarnar verða þandar.
Enski boltinn Mest lesið Hristir hausinn yfir „glórulausum“ og „smásálarlegum“ ummælum Körfubolti Heimsmet Japanans gildir ekki Sport Krakkalæti og langt bann eða gult og málið dautt? Íslenski boltinn Krókur Liverpool á móti bragði Enski boltinn Hamrén hafnaði 388 milljóna samningi Fótbolti „Eins og að fá hníf í bakið“ Sport Tíu KR-ingar skoruðu níu í gölnum leik Íslenski boltinn Taka gamlar hetjur fram skóna í bikarnum í dag? Íslenski boltinn Hafa ekki áhyggjur af fækkandi Elo-stigum Sport Tiger og Rory fá rosalega hollustubónusa Golf Fleiri fréttir Krókur Liverpool á móti bragði Palace á mikilli siglingu Líflausir Liverpoolmenn skrá sig út úr titilbaráttunni Bruno sneri taflinu við gegn botnliðinu Liverpool hefur viðræður við Arne Slot Slapp við rautt þrátt fyrir fólskubrot: „Einhver þarf að útskýra þetta fyrir mér“ Tveir nítján ára handteknir fyrir nauðgun Fyllir Slot upp í tómarúmið sem Klopp skilur eftir sig? Segir sína menn ekki verðskulda Evrópusæti Segir sitt hlutverk að fá leikmenn til að trúa á verkefnið Skytturnar tylltu sér á toppinn með stæl Skorar tíðast allra en missir enn af leikjum Liverpool Segir viðbrögð fjölmiðla til skammar Højlund kvartaði yfir því að Fernandes gæfi ekki nógu oft á sig Heldur tryggð við Aston Villa þrátt fyrir áhuga annarra liða „Sýna að þetta sé Chelsea FC en ekki Cole Palmer FC“ Fannst Pogba týna sjálfum sér eftir að hann varð heimsmeistari Segir að Ten Hag sé búinn að vera Forest vill hljóðupptöku dómaraherbergins frá leiknum gegn Everton Var sagður taka við Liverpool en hefur rætt við West Ham „Kem því ekki í orð hversu léleg frammistaðan var“ Hjólaði alla leið frá Mongólíu til að sjá United spila Antony gagnrýndur fyrir fagnið „Úrslitin kostuðu Ten Hag starfið“ Ratcliffe hljóp maraþon og dreif sig svo á Wembley Ásaka dómara um óheilindi og hlutdrægni „Hefði hann klippt táneglurnar værum við ekki að ræða þessa vítaspyrnukeppni“ B-deildarliðið hársbreidd frá því að fara alla leið Liverpool jafnar efsta sætið að stigum Palace menn fóru mjög illa með West Ham Sjá meira