Eru með tvo bestu miðjumenn deildarinnar í Toure og Silva

Ríkharður Daðason verður sérstakur spekingur Messunar í vetur en hann telur að Manchester City muni endurheimta Englandsmeistaratitilinn.

„Man City eru líklegastir. Eru með frábæra leikmenn í öllum línum. Besta miðvörð deildarinnar í Vincent Kompany, leiðtoga sem öll félög vildu hafa hjá sér.“

Ríkharður telur að hæfileikar miðjumanna Manchester City muni vega djúpt í titilbaráttunni.

„Þeir eru með tvo af bestu miðjumönnum deildarinnar í Yaya Touré og David Silva. Heill Toure er ógurlega sterkur, og maður fær stundum á tilfinninguna að hann sé að spila niður fyrir sig í yngri flokkum. Slíkur er líkamsstyrkurinn sem er samt ekki hans eina vopn. Hann getur bæði varist vel og verið skapandi auk þess sem hann skorar mörk af miðjunni. David Silva var einn af mínum uppáhaldsleikmönnum í deildinni í fyrra. Gríðarlega skapandi leikmaður sem býr til mörk fyrir félaga sína.“

Manchester City varð Englandsmeistari á síðasta tímabili þrátt fyrir að besti framherji liðsins, Kun Aguero hefði verið töluvert meiddur.

„Svo er framlínan sannkallað stórskotalið með Aguero fremstan í flokki. Segir mikið um styrk City að þeir skyldu verða meistarar þrátt fyrir að Kun Aguero væri meiddur hluta úr tímabilinu. Ég man ekki eftir liði í heiminum sem hefur úr fjórum jafnsterkum framherjum að velja,“ sagði Ríkharður.

Tólf síðna sérblað um ensku úrvalsdeildina fylgir helgarblaði Fréttablaðsins á morgun. Í blaðinu er meðal annars rætt við Gylfa Þór Sigurðsson, leikmann Swansea, Grétar Rafn Steinsson fjallar um fyrrverandi læriföður sinn, Louis van Gaal, og fjallað er um sóknarlínu Liverpool eftir brotthvarf Luis Suárez svo fátt eitt sé nefnt.  Ekki missa af því.

Stöð 2 Sport 2 sýnir 380 beinar útsendingar frá Enska boltanum á komandi tímabili. Net og heimasími fylgir með Enska pakkanum. Fáðu þér áskrift á 365.is