Enski boltinn

Messan: Moyes verður rekinn komist United ekki áfram

Tómas Þór Þórðarson skrifar
„Ef Manchester United fer ekki áfram gegn Olympiacos í Meistaradeildinni þá verður stjórinn látinn fara,“ sagði Hjörvar Hafliðason, sparkspekingur Stöðvar 2 Sports, í Messu gærkvöldsins aðspurður um framtíð DavidsMoyes hjá Englandsmeisturum Manchester United.

„Það væri óeðlilegt ef hann færi ekki. Hann yrði látinn fara á fimmtudag eða föstudag - aldrei látinn klára tímabilið. Það er bara allt undir hjá David Moyes á miðvikudaginn.“

„Þessum leik á miðvikudaginn má líkja við leikinn sem Ferguson fékk á móti Nottingham Forest árið 1990. Hann fékk bara úrslitaleik upp á starfið sitt. Moyes verður bara að gjöra svo vel og vinna þennan leik á miðvikudaginn þrjú eða fjögur núll,“ sagði Hjörvar.

Gummi Ben spurði þá Hjörvar hvort það eitt að komast í átta liða úrslit Meistaradeildarinnar bjargi starfi hans.

„Ég held að það muni bjarga alveg ofboðslega miklu. David Moyes er ekkert stóra vandamálið - eða eina vandamálið,“ sagði Hjörvar og listaði svo upp fjölmörg vandræði Englandsmeistaranna.

Þessar líflegu umræður í Messu gærkvöldsins má sjá í spilaranum hér að ofan en BjarniGuðjónsson var ekki alveg sammála Hjörvari.

Enski boltinn

Tengdar fréttir

Olympiakos meistari í Grikklandi

Olympiakos varð í gærkvöldi Grikklandsmeistari fjórða árið í röð eftir 2-0 sigur á Panthrakikos á heimavelli sínum.

Hver var bestur? - Hver skoraði flottasta markið? | Allt inn á Vísi

Þeir sem misstu af enska boltanum um helgina eða vilja bara horfa á það helsta aftur þá er hægt að fá flott yfirlit inn á Vísi. Eins og vanalega er nefnilega hægt að finna margskonar samantektir eftir hverja umferð ensku úrvalsdeildarinnar inn á Sjónvarpsvefnum á Vísi.

Rooney: Þetta var martröð

Wayne Rooney, framherji Manchester United, lýsti 0-3 tapinu á móti Liverpool á Old Trafford i gær, sem einni af verstu stundunum á ferlinum.

Eitt skot United á rammann

Manchester United var yfirspilað í leiknum gegn Liverpool í dag og átti aðeins eitt skot á markið í leiknum.

Liverpool valtaði yfir Man. Utd á Old Trafford

Liverpool vann frækinn sigur, 0-3, á Man. Utd á Old Trafford í dag. Sanngjarn sigur og það endanlega staðfest að Liverpool er með betra lið en Man. Utd í dag. Liverpool er enn í titilbaráttu. Komið í annað sætið og er aðeins fjórum stigum á eftir Chelsea og á leik til góða.

Mata: Sólin mun rísa á ný

Juan Mata, leikmaður Manchester United, reyndi að hughreysta stuðningsmenn félagsins í bloggi sínum á Grada 360 en liðið tapaði 0-3 á heimavelli í gær á móti erkifjendunum í Liverpool.

Mest lesið


Fleiri fréttir

Sjá meira


×

Mest lesið