Enski boltinn

Eitt skot United á rammann

Ingvi Þór Sæmundsson skrifar
Daniel Sturrigde á ferðinni í dag.
Daniel Sturrigde á ferðinni í dag. Vísir/Getty
David Moyes hefur verið duglegur að ná neikvæðum áföngum síðan hann tók við starfi knattspyrnustjóra Manchester United og náði einum slíkum í dag.

Manchester United ógnaði lítið gegn Liverpool og til marks um það átti liðið aðeins eitt skot á markrammann í leiknum. Það kom þegar mínúta var eftir af fyrri hálfleik, en Wayne Rooney átti þá gott skot sem Simon Mignolet varði vel.

Manchester United hefur ekki átt jafn fá skot á markið í leik á Old Trafford í fimm ár.

Fleiri tölfræðimolar úr leik Manchester United og Liverpool:

  • Fyrir leikinn hafði United ekki fengið á sig vítaspyrnu á Old Trafford síðan í desember 2011.
  • Hefði Steven Gerrard skorað úr þriðju vítaspyrnunni sem Liverpool fékk í leiknum hefði hann orðið fyrsti leikmaðurinn til að skora þrennu gegn Manchester United á Old Trafford síðan enska úrvalsdeildin var sett á stofn tímabilið 1992-93.
  • Ekkert lið hefur fengið jafn margar vítaspyrnur í sögu ensku úrvalsdeildarinnar og Liverpool, eða 125 talsins. Liverpool hefur skorað úr 94 þessara vítaspyrna sem er met.
  • Manchester United hafði fyrir leikinn aldrei fengið á sig meira en eina vítaspyrnu í leik í sögu úrvalsdeildarinnar.
  • Nemanja Vidic hefur sex sinnum verið rekinn af velli í ensku úrvalsdeildinni, þar af fjórum sinnum gegn Liverpool.
  • Þetta er aðeins í þriðja sinn í sögu úrvalsdeildarinnar sem lið fær dæmdar á sig þrjár vítaspyrnur í leik.
  • Enginn leikmaður hefur nú skorað fleiri mörk (5) gegn Manchester United á Old Trafford í sögu úrvalsdeildarinnar en Steven Gerrard.
  • Manchester United hefur nú tapað níu leikjum í úrvalsdeildinni. Það hefur aðeins einu sinni gerst áður, tímabilið 2001-02. Það eru níu leikir eftir af tímabilinu svo það verður að teljast líklegt að þetta met falli.

Mest lesið


Fleiri fréttir

Sjá meira


×

Mest lesið