Erlent

Þóttust vera dáin

Sunna Karen Sigurþórsdóttir skrifar
vísir/ap
Bandaríkjamenn mótmæltu aftur í bandarískum borgum dag vegna andláts manns sem tekinn var hálstaki af lögreglumanni í New York. Mótmælin voru táknræn að þessu sinni og kallast „die-in“ á enskri tungu. Þau lýsa sér þannig að fólk leggst í jörðu og lætur sem það sé dáið. Aðrir mótmælendur lokuðu götum og strætum.

Allt er þetta gert til að sýna fórnarlömbum lögregluofbeldis samstöðu. Kviðdómur ákvað á dögunum að ákæra ekki í máli Erics Garner, manns sem lést eftir að lögreglumaður tók hann hálstaki. Ákvörðun kviðdómsins sætir enn meiri gagnrýni í ljósi þess að kviðdómur í Ferguson í Missouri komst að sömu niðurstöðu á dögunum í máli lögreglumanns sem skaut ungling til bana í bænum og olli það miklum óeirðum.

Mótmælendurnir segjast fullvissir um að húðlitur hafi skipt máli þegar atvikin áttu sér stað, en báðir mennirnir sem létust, Garner og Michael Brown, voru svartir, en lögreglumennirnir hvítir.

vísir/ap

Tengdar fréttir

Obama vill að allir lögreglumenn beri myndavél við störf sín

Barack Obama Bandaríkjaforseti hefur farið fram á það að um þrjátíu milljörðum íslenskra króna verði varið í að efla þjálfun lögreglumanna, kaupa myndavélar og bæta almenningsálitið í garð lögreglunnar víðsvegar um landið.

Mótmæli breiðast út til annarra borga

Darren Wilson, lögreglumaðurinn sem skaut Michael Brown til bana í ágúst sagðist í samtali við sjónvarpsstöðina ABC vera með „hreina samvisku“.

Karl Marx hafði rétt fyrir sér

Í öllum hinum vestræna heimi hafa útgjöld hins opinbera aukist á liðnum áratugum með svipuðum hætti og á Íslandi, eins og um náttúrulögmál sé að ræða.

Óeirðir í Ferguson eftir ákvörðun kviðdóms

Átök hafa geisað í bandaríska bænum Ferguson í Missouri, eftir að kviðdómur ákvað í gærkvöldi að lögreglumaðurinn sem skaut óvopnaða unglinginn Michael Brown til bana fyrr á árinu, yrði ekki ákærður í málinu.

Ákvörðun dómstóls ekki endurskoðuð

Ríkisstjóri Missouri hefur hafnað kröfum um að annar dómstóll taki ákvörðun um hvort kæra skuli lögreglumanninn Darren Wilson.

Rannsókn hafin á dauða Eric Garner í New York

Bandaríska dómsmálaráðuneytið hefur hafið rannsókn á dauða Eric Garner, svarts manns sem hvítur lögreglumaður í New York tók hálstaki þannig að Garner lést. Eric Holder dómsmálaráðherra tilkynnti þetta í gærkvöldi eftir að kviðdómur í New York ákvað að ákæra lögreglumanninn ekki.

Vaxandi spenna í Bandaríkjunum

Gríðarleg reiði hefur brotist út meðal þeldökkra Bandaríkjamanna eftir að ákveðið var að sækja ekki til saka lögreglumanninn sem skaut óvopnaðan ungan mann í St. Louis í sumar. Málið hefur vakið mikla athygli en er engan veginn einsdæmi í Bandaríkjunum.

Skaut Brown tólf sinnum í sjálfsvörn

Ófriðarbálið logar í smábænum Ferguson í Bandaríkjunum eftir að ljóst þykir að lögreglumaður sem skaut 18 ára blökkupilt til bana í sumar verður ekki látinn svara til saka fyrir verknaðinn.

Mest lesið


Fleiri fréttir

Sjá meira


×

Mest lesið