HM-hetja Bandaríkjanna tekur sér frí frá landsliðinu

Tim Howard, markvörður Everton og bandaríska landsliðsins í knattspyrnu, hefur ákveðið að taka sér frí frá landsliðinu.

Hann hefur spilað á Englandi; fyrst með Manchester United og svo Everton, undanfarin tólf ár, en nú vill hann eyða meiri tíma með fjölskyldunni.

„Ég er þakklátur Jürgenklinsmann fyrir að veita mér þetta tækifæri til að eyða meiri tíma með börnunum mínum og fá einnig tækifæri til að vinna mér inn stöðuna aftur þegar ég sný aftur í landsliðið,“ segir Howard á Facebook-síðu sinni.

„Ég skil það mæta vel, að ég þarf að berjast fyrir mínu sæti í byrjunarliðinu þegar ég kem aftur, og ég hlakka til þess. Líkamlega líður mér vel og ég mun halda áfram fram að næstu heimsmeistarakeppni.“

Tim Howard var besti leikmaður Bandaríkjanna á HM í Brasilíu, en hann setti met í 16 liða úrslitunum þegar hann varði 16 skot frá Belgum í framlengdum tapleik.

Þetta er vatn á myllu BradsGuzans, markvarðar Aston Villa, sem fær nú loks tækifæri í byrjunarliðinu. Framundan hjá bandaríska liðinu er Suður-Ameríkukeppnin og Gullbikarinn.

Post by Tim Howard.