Herrera hvetur Hernandez til að fara frá United

Miguel Herrara, landsliðsþjálfari Mexíkó, segir að Javier Hernandez, leikmaður Manchester United og mexíkóska landsliðsins, þurfi að færa sig um set.

„Ég tel að Hernandez þurfi að fara frá Manchester United,“ sagði Herrera í viðtali við ESPN.

„Juventus væri góður kostur fyrir hann. Þegar þjálfarinn hefur ekki áhuga á að hafa þig í liðinu - og þjálfarinn sem vildi hafa þig í liðinu er farinn - þá er kominn tími til að færa sig um set.“

Herrara sagði ennfremur að hann vonaðist til að sjá Hernandez fá fleiri mínútur hjá Juventus, sem er eitt þeirra liða sem hefur verið nefnt sem næsti áfangastaður framherjans.