Mikil áfengisdrykkja skaðar minni ungmenna

Ný rannsókn á vegum Santiago háskólans á Spáni sýnir að mikil áfengisdrykkja ungmenna gerir það að verkum að minni þeirra skaðast.

Alls tóku 122 stúdentar við skólann á aldrinum 18 til 20 ára þátt í rannsókninni. Þeim var skipt í tvo hópa og drakk annar þeirra töluvert magn af áfengi í nokkurn tíma en hinn var edrú á meðan.

Að lokum voru báðir hóparnir látnir taka minnispróf og kom þá í ljós að drykkjumennirnir stóðu sig mun verr á því en þeir alsgáðu.

Sá sem stjórnaði rannsókninni segir að svo virðist sem minnistap af völdum áfengisdrykkju unglinga geti verið varanlegt.