Jafntefli við Khalifman

Stórmeistarinn, Hannes Hlífar Stefánsson, hefur gert jafntefli í tveimur fyrstu skákum sínum á skákmótinu Liepajas Rokade í Litháen. Meðal keppanda eru margir sterkir skákmenn eins og t.d. rússneski stórmeistarinn Alexander Khalifman, fyrrverandi heimsmeistari, en Hannes gerði jafntefli við hann í 1. umferð. Á mótinu er tefld atskák.

Tyson tapar

Endurkomu Mike Tyson í hnefaleikahringinn lauk með tapi síðastliðna nótt. Danny Williams 34 ára Englendingur rotaði Tyson í fjórðu lotu bardagans sem fór fram í Louisville í Kentucky. Þetta var fyrsti bardagi hins 38 ára gamla Tysons í 17 mánuði.

Þrír erlendir leikmenn í Víking

Víkingar eru búnir að fá þrjá erlenda leikmenn fyrir lokaátökin í Landsbankadeild karla í knattspyrnu. Borko Marinkovic er miðjumaður og Dejan Miljanic sóknarmaður. Þá hefur hinn gamalreyndi sóknarmaður Mihajlo Bibercic skipt úr Stjörnunni í Víking.

Jafntefli við Þjóðverja

Landsleik Íslendinga og Þjóðverja í handbolta í Sverin í Þýskalandi lauk með jafntefli 27-27. Þjóðverjar voru yfir í hálfleik 14-12 en þegar skammt var til leiksloka höfðu Íslendingar forystu 25-22. Liðin mætast aftur á morgun í Rostock. Þessir leikir eru liður í undirbúningi fyrir Ólympíuleikana í Aþenu sem hefjast fjórtánda ágúst.

Göran segist ekki hafa blekkt

Sven Göran Eriksson, landsliðsþjálfari Englands í knattspyrnu, neitar því að hafa blekkt enska knattspyrnusambandið í tengslum við ásakanir um að hann hafi haldið við einn af riturum sínum. Sven Göran er í fríi í Svíþjóð og gaf hann út yfirlýsingu í gær þar sem hann svarar hálfsmánaðar vangaveltum breskra blaða um meint framhjáhald sitt.

Að geta ekki haldið sér á toppnum hefur verið eitt af megineinkennum Fylkismanna í Landsbankadeildinni undanfarin ár, allt frá því að þeir komu upp í efstu deild haustið 1999 hafa þeir nær undantekningarlaust verið í toppbaráttunni lengi móts, oft í toppsætinu og síðan gefið eftir á lokasprettinum.

Mourinho vill ekki þjálfa England

Jose Mourinho, stjóri Chelsea, tjáði sig í gær um Sven Göran Eriksson, þjálfara enska landsliðsins, og vandræðin sem hann er búinn að koma sér í vegna meint ástarsambands við ritara enska knattspyrnusambandsins.

Kezman sá rautt

Mateja Kezman hélt áfram að skora mörk en var jafnframt rekinn út af fyrir Chelsea í æfingaleik gegn Roma í Bandaríkjunum í fyrrinótt.

Dómari skaut þjálfara

Suðurafrískur knattspyrnudómari tók um síðustu helgi af allan vafa um að knattspyrna er leikur upp á líf og dauða

Íslendingaslagur á Akranesi

"Það er bara mikil tilhlökkun á mínum bæ og virkilega gaman að snúa heim og keppa við Skagamenn. Lið undir stjórn Ólafs Þórðarsonar hafa löngum verið þekkt fyrir mikla baráttu og þannig býst ég við að þetta verði hörkuleikur," sagði Pétur Marteinsson

Skíðalandslið Íslands valið

Skíðasamband Íslands hefur tilkynnt val á landsliðum Íslands í alpagreinum og skíðagöngu fyrir veturinn 2004-2005. Í landsliði Íslands í Alpagreinum 2004-2005 eru:

Van Basten tekur við

Marco Van Basten tekur við þjálfun hollenska landsliðsins af Dick Advocaat sem nýverið lét af störfum.

Diouf vill ekki fara frá Liverpool

Senegalski landsliðsmaðurinn, El Hadij Diouf, segist ekki ætla að yfirgefa Liverpool fyrr en hann hefur fengið fund með Rafael Benitez, framkvæmdastjóra félagsins.

Tyson snýr aftur í hringinn

Mike Tyson, fyrrum heimsmeistari í þungavikt, snýr aftur í hringinn eftir 17 mánaða hlé og mætir hinum breska Danny Williams, í kvöld í Kentucky. Flestir líta á Williams sem fallbyssufóður en hann segist þó fullviss um að geta strítt Tyson og mæti hvergi banginn til leiks.

WBA kaupir Greening

Nýliðar WBA í ensku úrvalsdeildinni í knattspyrnu, hafa gengið frá kaupum á miðvallarleikmanninum Jonathan Greening frá Middlesborough.

United bíður með Rooney-tilboð

Sagan segir að forráðamenn Manchester United hafi ákveðið að bíða með að bjóða í Wayne Rooney þangað til í janúar á næsta ári en þá opnar leikmannaglugginn á nýjan leik en honum verður lokað 31. ágúst.

Moyes óttast um stöðu sína

Framkvæmdastjóri Everton, David Moyes, óttast að hann verði látinn taka pokann sinn ef Paul Gregg kemst í stjórnarformannsstólinn.

Santini hefur mætur á King

Hinn nýráðni framkvæmdastjóri Tottenham Hotspur, Frakkinn Jaques Santini, hefur miklar mætur á miðverðinum og landsliðsmanninum enska, Ledley King.

Iversen til Valerenga

Og meira tengt Tottenham. Steffen Iversen, fyrrum leikmaður Tottenham og Wolves, hefur snúið aftur til heimalandsins, Noregs, og gengið til liðs við Valerenga, en með því liði spilar einmitt Árni Gautur Arason, landsliðsmarkvörður okkar Íslendinga.

Gerrard sér ekki eftir neinu

Steven Gerrard segist ekki sjá eftir því að hafa skrifað undir nýjan samning við Liverpool.

Wenger viss um Vieira

Arsene Wenger er ekki af baki dottinn enn og segist þess fullviss að miðvallarleikmaðurinn franski, Patrick Vieira, muni ekki yfirgefa herbúðir Arsenal.

Hver hörmungin rekur aðra

Alex Ferguson, knattspyrnustjóri Manchester United, lýsir undirbúningstímabili liðsins þetta árið sem því versta frá því að hann tók við liðinu fyrir átján árum. Ferguson hefur verið með sína menn í Bandaríkjunum undanfarna daga og þar hefur hver hörmungin rekið aðra.

Handboltalandsliðið til Þýskalands

Íslenska landsliðið í handbolta hélt í gær til Þýskalands þar sem það mun leika tvo landsleiki gegn Þjóðverjum en leikirnir eru liður í undirbúningi liðanna fyrir Ólympíuleikana í Aþenu sem hefjast í næsta mánuði.

Celtic sigraði United

Celtic bar sigurorð af Manchester United, 2-1, í leik liðanna í Champions World mótinu í fótbolta í fyrrinótt.

Kretzschmar ekki með

Þýski hornamaðurinn Stefan Kretzschmar verður ekki með þýska landsliðinu í æfingaleikjunum þremur gegn íslenska landsliðinu í handbolta sem fara fram í Þýskalandi um helgina.

Sörenstam mætir Woods

Hin sænska Annika Sörenstam, besti kvenkylfingur heims, mun etja kappi við Tiger Woods  á árlegu holukeppnismóti sem sem er lokamót golfvertíðarinnar í Bandaríkjunum í lok nóvember.

Robbie Keane meiddur

Enska úrvalsdeildarliðið Tottenham varð fyrir miklu áfalli í fyrrakvöld þegar þeirra besti framherji, Írinn Robbie Keane, meiddist illa á ökkla í æfingaleik gegn skoska liðinu Rangers.

Stojakovic ekki með á ÓL

Predrag Stojakovic, framherjinn snjalli hjá Sacramento Kings, ætlar ekki að spila með Serbíu/Svartfjallalandi á Ólympíuleikunum í Aþenu í næsta mánuði.

Breytingar í Formúlunni

Þótt keppnistímabilið í Formúlu 1 kappakstrinum sé rétt hálfnað þá eru liðin tólf þegar farin að huga að liðsuppstillingu fyrir næsta keppnistímabil.

Ísland í 5 sæti á NM

Íslenska kvennalandsliðið í knattspyrnu skipað leikmönnum 21 árs og yngri tryggði sér fimmta sætið á Norðurlandamótinu sem lauk á Akureyri í dag.

Jóhannes Karl til Leicester

Landsliðsmaðurinn Jóhannes Karl Guðjónsson samdi í gær við enska 1. deildarliðið Leicester til næstu tveggja ára.

Skellur hjá íslenska liðinu

Íslenska kvennalandsliðið í körfuknattleik fékk þungan skell í þriðja leik sínum á Promotion Cup í Andorra í gær. Þá tapaði liðið með átta stiga mun gegn Azerbaidjan sem var fyrirfram talið mun veikara lið en það íslenska.

Engin vandræði hjá FH

FH-ingar áttu í engum vandræðum með að tryggja sér sæti í 2. umferð Evrópukeppni félagsliða í gær er liðið lagði velska liðið Haverfordwest af velli, 3-1, á heimavelli sínum í Kaplakrika, og því samanlagt 4-1.

Sven Göran í bobba

Sven Göran Eriksson, landsliðsþjálfari Englands í knattspyrnu, hefur átta daga til þess að bera af sér sögur þess efnis að hann hafi haldið við einn af riturum sínum. Takist honum ekki að sannfæra forkólfa enska knattspyrnusambandsins innan þess tíma er líklegt að hann þurfi að taka poka sinn og fái jafnvel engar skaðabætur.

FH mætir Haverfordwest

FH-ingar taka á móti velska liðinu Haverfordwest í Kaplakrika í kvöld klukkan 19.15, í forkeppni UEFA-keppninnar. Fyrri leikurinn ytra, endaði 0-1, og staða hafnfirsku hetjanna því góð.

ÍA mætir Tallin í dag

ÍA mætir eistneska liðinu TVMK Tallin í forkeppni UEFA-bikarsins ytra í dag.

Patrekur ekki með til Aþenu

Einn leikreyndasti leikmaður íslenska landsliðsins í handknattleik, Patrekur Jóhannesson, dró sig úr landsliðshópnum í gær vegna meiðsla.

Hildur til Svíþjóðar

Körfuknattleikskonan Hildur Sigurðardóttir, sem hefur undanfarin tvö ár verið valinn besti leikmaður 1. deildar kvenna, hefur gert samning við sænska liðið Jamtland Basket.

Patrekur ekki í landsliðinu

Handboltakappinn Patrekur Jóhannesson ætlar ekki að spila með landsliði Íslands á Ólympíuleikunum í Aþenu. Liðsmönnum var tilkynnt um þetta í dag en Patrekur hefur átt við meiðsli að stríða og vill ekki fara til Aþenu þannig á sig kominn. Því ætlar hann að gefa sæti sitt eftir en hann segir það hafa verið erfiða ákvörðun.

Hierro til Bolton

Spánverjinn Fernando Hierro skrifaði í gær undir eins árs samning við enska úrvalsdeildarliðið Bolton.

Arnar skoraði fyrir Lokeren

Íslenski landsliðsmaðurinn Arnar Grétarsson var á skotskónum þegar belgíska liðið Lokeren gerði jafntefli, 2-2, gegn Evrópumeisturum Porto í æfingaleik á þriðjudagskvöldið.

61 stigs sigur gegn Andorra

Íslenska kvennalandsliðið í körfuknattleik bar sigurorð af Andorra, 96-35, í leik liðanna í Promotion Cup sem fram fer í Andorra. Þetta var annar sigur liðsins í jafnmörgum leikjum og sá þriðji í jafnmörgum leikjum gegn Andorra.

Eyjamenn í annað sætið

Eyjamenn skutust í gær í annað sæti Landsbankadeildarinnar í knattspyrnu með öruggum sigri á KA-mönnum, 4-0. Þetta var þriðji sigur liðsins í röð og ljóst að þeir ætla sér að vera með í toppbaráttunni af fullum krafti.

Immelman sigraði á Hvaleyrarvelli

Canon/ProAm mótið í golfi fór fram á Hvaleyrarvelli í gær. Aðstæður voru mjög erfiðar enda mikið rok meðan á mótinu stóð. Suður-Afríkumaðurinn Trevor Immelman, sem er í 43. sæti heimsstyrkleikalistans, sigraði á mótinu en hann lék á einu yfir pari eða 72 höggum.

Þrír leikir í 1. deildinni

Þrír leikir fara fram í 1. deild karla í kvöld. Þór keppir við HK, Fjölnir mætir Njarðvík og Breiðablik fær Þrótt í heimsókn í Kópavoginn. Allir leikirnir hefjast klukkan 20.