Ný stjórnarskrá samþykkt

Egyptar samþykktu nýja stjórnarskrá í þjóðaratkvæðagreiðslu sem lauk í gær. Boðað verður til þingkosninga innan þriggja mánaða.

Var með 96 snáka í töskunni

Egypskur karlmaður var handtekinn í gærkvöldi á flugvellinum í Cairó en tollverðir fundu 96 snáka í farangri hans. Maðurinn var við það að ganga um borð í flugvélina sem var á leið til Sádí Arabíu þegar þetta uppgötvaðist.

Eldflaugar Norður-Kóreu drífa til Bandaríkjanna

Nýlegt eldflaugarskot Norður-Kóreumanna sýnir að flaugar þeirra geta drifið meira en tíu þúsund kílómetra. Þetta fullyrða stjórnvöld í Suður-Kóreu. Þetta þýðir flaugarnar geta verið ógn við íbúa á vesturströnd Bandaríkjanna. Öryggisráð Sameinuðu þjóðanna hefur sagt eldflaugaskotið brot á samkomulagi sem í gildi er.

Hundrað dauðsföll á viku

Yfir hundrað dauðsföll, þar sem skotvopn hafa komið við sögu, hafa orðið í Bandaríkjunum á rétt rúmri viku. Þetta kemur fram á vef Huffington Post. Á föstudag fyrir rúmri viku lét óður byssumaður til skarar skríða í Sandy Hook barnaskólanum í Connecticut. 26 manns, mest allt sex og sjö ára gömul börn, létu lífið í árásinni. Síðan þá hefur verið hart deilt um skotvopnalöggjöfina í Bandaríkjunum.

Páfinn náðaði bryta sinn

Benedikt sextándi páfi náðaði í dag fyrrverandi bryta sinn, Paolo Gabriele, sem var dæmdur í átján mánaða fangelsi í október síðastliðnum fyrir að koma leynilegum minnisblöðum til fjölmiðla.

Nauðguðu konu í strætó og hentu henni út á ferð

Táragasi og vatnsbyssum hefur verið beitt á mótmælendur í Dehli á Indlandi sem hafa síðustu daga krafist réttlætis í hryllilegu nauðgunarmáli sem kom upp síðustu helgi.

Vilja vopnaða verði í hvern einasta skóla

"Það eina sem getur stöðvað illmenni með byssu er góðmenni með byssu,“ segir Wayne LaPierre, framkvæmdastjóri Landssamtaka bandarískra byssueigenda (NRA).

Fjárlagaþverhnípið blasir við

Vonir hafa á ný dvínað um að lausn finnist á deilum repúblikana og demókrata um fjárlagaþverhnípið svonefnda í tæka tíð fyrir áramót.

Milljarður búinn að horfa á Gangnam Style

Einn milljarður manna hafa horft á myndbandið með Suður-kóreska tónlistarmanninum Psy - það er að segja við lagið Gangnam Style, á Youtube.

Ofursnekkja Steve Jobs kyrrsett - heimsfrægur hönnuður krefst greiðslu

Hönnuðurinn heimsfrægi, Philippe Starck, hefur látið kyrrsetja ofursnekkjuna Venus sem hann hannaði fyrir tölvugúrúið Steve Jobs.

Undarleg hönnun nýja geimbúningsins - Bósi Ljósár?

Frumgerð nýjasta geimbúnings NASA var opinberuð á dögunum. Hreyfigeta búningsins markar risavaxið stökk í þróun geimbúninga. En það er útlit hans sem hefur vakið hvað mesta athygli.

Maðurinn sem bauð eldfjallinu byrginn

Fornleifafræðingar í Japan fundu á dögunum beinagrind manns sem grófst undir ösku við rætur eldfjallsins Haruna á sjöundu öld. Fundurinn hefur vakið gríðarlega athygli í Japan, ekki síst fyrir þær sakir að maðurinn virðist hafa snúið að eldfjallinu mikla og mögulega reynt að róa það.

Everestfjall í nýju ljósi - Ljósmyndin er 3.8 milljarðar pixlar

Kvikmyndagerðarmaðurinn og göngugarpurinn David Breashears eyddi síðasta sumri í að taka rúmlega 400 myndir af Everestfjalli og hlíðum þess. Hann hefur nú birt risavaxna ljósmynd af fjallinu mikla sem hefur vakið athygli víða um heim.

Bandaríkjamaður í haldi í Norður-Kóreu

Bandarískur ríkisborgari er í haldi í Norður-Kóreu. Þetta staðfestu þarlend yfirvöld í dag. Talið er að maðurinn, sem er 44 ára gamall, hafi verið handtekinn í byrjun á þessa mánaðar, grunaður um að hafa framið glæpi gegn norður-kóreska ríkinu.

Telja að H.C. Andersen hafi ekki skrifað nýfundna ævintýrasögu

Sérfræðingar í skrifum danska skáldsins H.C. Andersen eru langt í frá sammála um að nýfundin saga sem eignuð er honum sé ekta eða ekki.

Giftist morðingja tvíburasystur sinnar

Tuttugu og tveggja ára argentísk kona hefur samþykkt að giftast manni sem var dæmdur fyrir það að myrða tvíburasystur hennar fyrir tveimur árum. Konan, sem heitir Edith Casas, er þess fullviss að maðurinn, sem heitir Victor Cingolani, hafi ekki myrt systur sína, en sú hafði einnig verið ástkona hans. Cingolani afplánar nú þrettán ára fangelsi fyrir morðið í bænum Pico Truncado í Argentínu. Fólkið segist ætla að gifta sig í dag í fangelsinu, sem er í Santa Cruz.

Yngri bróðir Madoff dæmdur í 10 ára fangelsi

Peter Madoff yngri bróðir Wall Street svikarans Bernie Madoff hefur verið dæmdur í 10 ára fangelsi fyrir sinn þátt í ponzi svikamyllu eldri bróður síns.

Þingflokksformaður Repúblikana auðmýktur á þingi

John Boehner formaður þingflokks Repúblikana í bandarísku fulltrúadeildinni var auðmýktur af eigin þingmönnum í gærkvöldi.

Síðasti karlinn frá 19. öldinni

Hinn 115 ára gamli Jiroemon Kimura var í vikunni formlega útnefndur elsti lifandi einstaklingur heims. Hann er auk þess síðasti lifandi karlinn sem fæddist á nítjándu öld, að því er segir á vef Berlingske.

Rússar svara með ættleiðingarbanni

Dúman, neðri deild rússneska þingsins, samþykkti í gær með yfirgnæfandi meirihluta lagafrumvarp sem felur í sér bann við því að Bandaríkjamenn ættleiði börn frá Rússlandi.

Kemur 35 manns fyrir í örkinni

Pieter van der Meer, íbúi í bænum Kootwijkerbroek í Hollandi, taldi rétt að hafa varann á og fékk sér norskan björgunarbát, fari svo að heimsendir verði í dag.

Baðst samt ekki afsökunar

„Ég viðurkenni þær þjáningar sem nýlendukerfið olli íbúum í Alsír,“ sagði François Hollande Frakklandsforseti í Algeirsborg í gær, þar sem hann var í opinberri heimsókn.

Ekkert bólar á heimsendi í Ástralíu - enn sem komið er

Heimsendir ætti að vera hafinn, það er að segja í Ástralíu. þar er kominn nýr dagur, sá síðasti ef spár reynast réttar. Aftur á móti hefur enginn í Ástralíu orðið var við dramatískar breytingar, í það minnsta ekki samkvæmt frásögn á vefnum Heraldsun.

Eitt þúsund í haldi fyrir að spá heimsenda

Kínversk yfirvöld handtóku í dag hátt í eitt þúsund liðsmenn sértrúarsafnaðarins "Guð almáttugur.“ Þeim er gefið að sök að hafa valdið skelfingu í Kína með því að staðhæfa að ragnarök séu á næsta leiti.

Svona gæti heimsendir átt sér stað

Umræðan um meintan heimsendi á morgun, þann 21. desember, nær nú hámarki. Vísindamenn og sérfræðingar hafa ítrekað bent á að engar líkur séu á ragnarökum. En hættan er sannarlega til staðar. Hér fyrir neðan verður farið yfir nokkrar aðstæður sem gætu markað endalok mannkyns.

Heimsendir Maya: Hollendingurinn og örkin

Hollendingurinn Pieter Frank van der Meer er sannfærður um að ragnarök séu á næsta leiti. Því hefur hann boðið fjölskyldu sinni og 50 ættingjum að leita skjóls í nýstárlegri örk sem hann hefur komið fyrir í garðinum sínum.

Tónlistarmenn líklegir til að deyja ungir ef þeir vinna einir

Tónlistarmenn sem vinna einir, eins og Amy Winehouse og Jimmy Hendrix, eru líklegri til þess að deyja fyrr en tónlistarmenn sem eru í hljómsveitum. Þetta kemur fram í tímaritinu BMJ Open, en BBC segir ítarlega frá greininni í dag. Í rannsókninni er ferill 1400 evrópskra og bandarískra tónlistarmanna skoðaður. Tónlistarmennirnir voru allir þekktir á árunum 1956-2006.

Fundu syngjandi frosk og gangandi fisk

Syngjandi froskur, gangandi fiskur og slanga með rúbínrauð augu eru meðal þeirra nýju dýrategunda sem fundist hafa í árósum Mekong fljótsins í Víetnam á síðastliðnu ári.

Helmingur karlmanna í hættu á að fá krabbamein

Ný spá sýnir að helmingur karlmanna er í þeirri hættu að fá krabbamein. Þetta er nokkru hærra hlutfall en fyrri rannsóknir hafa sýnt.

Kimura er eini karlmaðurinn á lífi sem fæddur er fyrir árið 1900

Japaninn Jiroemon Kimura er elsti lifandi jarðarbúinn í dag, 115 ára að aldri. Hann er jafnframt eini karlmaðurinn sem enn er á lífi sem er fæddur fyrir árið 1900 og hefur því lifað á þremur öldum.

Fallhlífastökkvari lá látinn á akri í sjö daga

Fallhlífastökkvari fannst fyrir tilviljun látinn á akri í Hollandi eftir að hafa hrapað þar til dauða fyrir viku síðan.

Þjóðaratkvæði um sjálfstæði Katalóníu árið 2014

Samkomulag hefur náðst um að þjóðaratkvæðagreiðsla um sjálfstæði Katalóníu héraðs á Spáni verði haldin árið 2014.

Park er fyrsti kvenforseti Suður Kóreu

Park Geun-Hye sigraði í forsetakosningum í Suður Kóreu og verður því fyrsti kvenforseti landsins. Hún er ekki ókunnug forsetahöllinni því hún er dóttir fyrrum einræðisherra Suður Kóreu.

Þingkosningum sennilega flýtt á Ítalíu

Þingkosningum á Ítalíu verður sennilega flýtt og þær haldnar í lok febrúar en þær voru áformaðar miðjan apríl.

Nam nýfætt barn á brott

Víðtæk leit var gerð að ungri konu í Frakklandi í gær, en konan rændi tveggja daga gömlu barni af spítala í Nancy seint á þriðjudagskvöld.

Hátíðarkveðja NASA - Jólaleg hringþoka

Hringþokan NGC 5189 prýðir jólakveðju NASA í ár. Það var Hubble-geimsjónaukinn sem náði þessari ótrúlegu mynd.

Barack Obama er maður ársins

Barack Obama, Bandaríkjaforseti, er maður ársins að mati bandaríska tímaritsins Time. Þetta tilkynnti Rick Stengel, ritstjóri Time, í sjónvarpsþættinum Today fyrr í dag.

Vísindamenn uppgötva lífvænlega plánetu í næsta nágrenni

Lífvænleg pláneta gæti leynst í sólkerfi stjörnunnar Tau Ceti. Stjarnan er í næsta nágrenni við Jörðina eða í um 12 ljósára fjarlægð.

Var myndbandið tilbúningur?

Ótrúlegt myndband sem náðist á dögunum þegar gullörn reyndi að fljúga á brott með ungabarn hefur vakið gríðarlega athygli á veraldarvefnum. Fjölmiðlar víða um heim hafa birt myndbandið. En nú eru sumir farnir að efast um hvort að myndbandið sé raunverulegt.

Eru þetta bestu kvikmyndir ársins?

Undir árslok keppast gagnrýnendur við að birta topplista sína. Árið sem nú líður undir lok hefur sannarlega reynst vera mikið kvikmyndaár og fjölmargar stórgóðar myndir hafa litið dagsins ljós. Hér fyrir neðan má sjá nokkrar af þeim kvikmyndum sem hlotið hafa hvað mest lof frá gagnrýnendum í ár.

Ótrúlegt atvik í Kanada - Gullörn reyndi að fljúga á brott með ungabarn

Ótrúlegt atvik í almenningsgarði í Montreal í Kanada náðist á á myndband á dögunum þegar gullörn steypti sér niður og reyndi að fljúga á brott við ungabarn. Örninn læsti klónum í baki barnsins og flaug með það í nokkrar sekúndur þar til hann missti takið þegar faðir barnsins nálgaðist. Barninu var að vonum nokkuð brugðið en það sakaði ekki.

Lögregla og tollur náðu 24 kílóum af heróíni í Noregi

Lögreglan og tollurinn í Noregi hafa lagt hald á 24 kíló af heróíni sem reynt var að smygla til landsins í gegnum Svíþjóð.

Hluti af Suðurskautinu skírður í höfuðið á Bretadrottningu

Stór hluti af Suðurskautinu hefur verið skírður í höfuðið á Elísabetu Bretadrottningu og heitir hér eftir Queen Elizabeth Land. Svæðið sem hér um ræðir er nærri tvöfalt stærra en Bretland og var án nafns áður.

Dómstóll setur nálgunarbann á Sea Shepherd

Dómstóll í Bandaríkjunum hefur sett nálgunarbann á Sea Shepherd samtökin gagnvart hvalveiðibátum Japana í Suðurhöfum.

Obama styður bann við sölu á árásarvopnum

Barack Obama, Bandaríkjaforseti, vill endurvekja löggjöf um bann við árásarvopnum eins og hríðskotabyssum. Lög um slíkt voru sett árið 1994 en afnumin 10 árum síðan þar sem þau þóttu gölluð.