Saka Úkraínumenn um stórfelldan gasstuld

Stjórnendur rússneska gasfyrirtækisins Gazprom segja að úkraínsk stjórnvöld hafi stolið gasi að jafnvirði tæplega sextánhundruð milljónir króna. Þeir segja að Úkraínumenn hafi hirt gas sem hafi átt að fara um gasleiðslur til Vestur-Evrópu.

Zapatistar hefja friðsamlega herferð

Forystumenn Zapatista, vinstrisinnaðra skæruliða í Mexíkó, lögðu í gær af stað í hálfs árs ferðalag um Mexíkó og er það í fyrsta sinn í fjögur ár sem þeir yfirgefa sterkustu vígi sín í frumskógum Mexíkó.

Lést ekki af völdum fuglaflensu

Fjórtán ára tyrkneskur piltur var talinn hafa látist úr fuglaflensu, en sá grunur reyndist ekki á rökum reistur. Drengurinn og systkini hans voru lögð inn á sjúkrahús á laugardag með mikinn hita og innvortis blæðingar. Heilbrigðisstarfsfólk óttaðist að þau hefðu sýkst af fuglaflensu, en rannsóknir sýndu að svo var ekki heldur lést pilturinn af völdum lungnabólgu.

Á fjórða tug látinn í flóðum í Indónesíu

Í það minnsta þrjátíu og fjórir hafa farist í flóðum og aurskriðum sem féllu á heimili og skóla á Indónesíu í morgun. Mikil rigning hratt aurskriðunum af stað og ár flæddu yfir bakka sína þegar aurskriðurnar féllu í þær. Hundruð manna leituðu skjóls í moskum og skólum en nú er talið að það versta sé yfirstaðið.

Logarnir risu 30 metra til himins

Einn hjálparstarfsmaður lést af völdum hjartaáfalls og annar liggur á sjúkrahúsi með þriðja stigs bruna á 60 prósentum líkamans eftir baráttu við skógarelda norður af Sidney í Ástralíu.

Starbucks vinnur vörumerkjamál í Kína

Bandaríska kaffihúsakeðjan Starbucks hefur unnið mál í Kína sem hún höfðaði á hendur þarlendri kaffihúsakeðju vegna þess að vörumerki hennar þótt of líkt vörumerki Starbucks. Málaferlin hafa staðið yfir í tvö ár og var málið talið prófmál í Kína þar sem erlend fyrirtæki hafa mörg hver kvartað undan því að kínversk fyrirtæki reyni að nýta sér fræg vörumerki sér til framdráttar.

Ítölskum ferðamönnum rænt í Jemen

Fimm ítölskum ferðamönnum var rænt í austurhluta Jemen í gær, þremur konum og tveimur körlum. Eftir því sem fjölmiðlar í Jemen greina frá átti að sleppa konunum en þær neituðu að fara án karlanna og eru því enn í haldi. Yfirvöld í Jemen segja mannræningjana fara fram á að átta föngum verði sleppt í skiptum fyrir Ítalana en ekki er ljóst hvort orðið verður við þeim kröfum.

Halda námskeið í íslam fyrir fréttamenn

Samtök múslima í Danmörku hafa ákveðið að halda námskeið í íslam fyrir danska fréttamenn. Námskeiðið mun taka einn dag og er áætlað að halda það í apríl. Þar verða fréttamenn fræddir um helstu atriði múhameðstrúar. Talsmaður múslíma í Danmörku segir aðal ástæðuna vera skopteikningarnar af Allah sem birtust í Jótlandspóstinum í síðastliðið haust.

Mikil flóð í Kaliforníu um helgina

Allt er á floti víða í norðanverðri Kaliforníu eftir að tveir stormar gengu þar yfir um helgina. Hundruð heimila og fyrirtækja eru komin á kaf eftir að vatnsmiklar ár flæddu yfir bakka sína. Íbúar margra bæja unnu við það í gær að hreinsa upp eftir flóðin en máttu margir hverjir láta undan þegar flæddi í annað sinn.

Árásir á sunnanvert Gasasvæðið í gærkvöld

Ísraelskar herþyrlur gerði loftárás á Khan Younis á sunnanverðu Gazasvæðinu í gærkvöldi og ollu skemmdum á húsnæði sem notað er af hópum sem berjast gegn Ísraelum. Ekkert mannfall varð í árásinni.

Bush varði símahleranir Þjóðaröryggisstofnunarinnar

George Bush Bandaríkjaforseti varði njósnir bandarísku Þjóðaröryggisstofnunarinnar og hleranir á símtölum bandarískra ríkisborgara án dómsúrskurðar þegar hann ræddi við fréttamenn eftir heimsókn til særðra hermanna í Brooke-hersjúkrahúsinu í Texas í gærkvöldi.

Frelsuðu ítalskan gísl í Palestínu

Palestínskir lögreglumenn frelsuðu ítalskan gísl úr höndum gíslatökumanna eftir skotbardaga í Khan Younis á Gaza í gær. Vopnaðir menn stöðvuðu í gær rútu sem Alessandro Bernardini ferðaðist með, neyddu hann út úr rútunni og keyrðu burt með hann. Fjórum klukkustundum síðar réðust öryggissveitir palestínsku heimastjórnarinnar inn í hús í Khan Younis, hleyptu af skotum og frelsuðu Bernardini.

Grunur leikur á að tyrkneskur piltur hafi verið með fuglaflensu

Fjórtán ára tyrkneskur piltur sem gekkst undir rannsóknir til að athuga hvort hann væri með fuglaflensu lést í gær og systir hans liggur mjög veik á sjúkrahúsi. Niðurstöður úr rannsókninni liggja ekki fyrir og því er ekki vitað hvort drengurinn smitaðist af fuglaflensu eða ekki.

Að minnsta kosti sex fórust í sprengingu í Indónesíu

Sprengjan sprakk á svínakjötsmarkaði í Indónesíu morgun. Mikið fjölmenni var á markaðnum, enda almenningur að kaupa sér veislukvöld til að fagna áramótunum í kvöld. Í héraðinu hafa verið hörð átök síðustu ár á milli kristinna manna og múslima. Talið er að yfir eitt þúsund manns fallið vegna átakanna á árunum 2001 og 2002. Flest fórnarlöm þessarar árásar eru talin kristin. Engin hryðjuverkasamtök hafa lýst yfir ábyrgð á verknaðinum og hefur lögreglan lítið viljað tjá sig um málið en segir það þó vera í rannsókn.

Ætla ekki að framlengja samninginn

Samtök herskárra Palestínumanna sem tengjast Mahmud Abbas, forseta heimastjórnar Palestínu, segjast ekki lengur bundnar af samningi um vopnahlé í uppreisn Palestínumanna gegn Ísrael en vopnahléið rennur út á miðnætti. Helstu samtök Palestínumanna féllust snemma árs á að gera hlé á aðgerðum gegn Ísrael út þetta ár. Samtökin sögðu í tilkynningu sem send var út í síðasta mánuði að þau myndu ekki framlengja samninginn.

Gíslunum sleppt

Þremur breskum gíslum hefur verið sleppt á Gasasvæðinu í Palestínu. Um er að ræða Kate Burton, 24 ára gamlan hjálparstarfsmann, og foreldra hennar. Herská samtök, sem nefna sig Mujahideen herdeildirnar í Jerúsalem, sendi frá sér yfirlýsingu þar sem þau sögðust hafa fallist á að láta gíslana lausa eftir að hafa fengið tryggingar fyrir því að Bretar og Evrópusambandið muni vinna að því að Ísraelsmenn falli frá öryggissvæði sem þeir hafa markað á Gasasvæðinu. Breskir sendimenn segja þó engar viðræður hafa átt sér stað við mannræningjana.

Jarðskjálfti í Panama

Jarðskjálfti sem mældist 6,2 stig á Richter varð undan vesturströnd Panama í Mið-Ameríku í gærkvöld. Ekki hafa enn borist upplýsingar um hvort eða hversu margir féllu í skjálftanum eða af skemmdum á mannvirkjum. Skjálftinn átti upptök sín um 20 metra undir sjávarbotni nálægt borginni David.

Stúlkan flutt til Bandaríkjanna

Þriggja mánaða gömul íröksk stúlka, með klofinn hrygg, var í gær flutt frá Bagdad, höfuðborg Íraks til Atlanta í Georgíu í Bandaríkjunum til að gangast undir aðgerð. Stúlkan var flutt með herflutningavél til Kúveit og fer þaðan með farþegavél til Atlanta. Bandarískir hermenn fundu barnið fyrir þremur vikum þegar þeir réðust inn í hús í fátækrahverfi í Bagdad og sáu að stúlkan var ekki heil. Hermennirnir hófu að vinna að því að barnið gæti gengist undir aðgerð í Bandaríkjunum og hafa heilbrigðisstofnanir og læknar í Georgíu ákveðið að taka á móti barninu án endurgjalds og gera á því aðgerð.

Sex farast í sprengingu

Að minnsta kosti sex manns fórust og yfir fimmtíu eru særðir eftir að sprengja sprakk á svínamarkaði í Indónesíu í dag. Hörð átök hafa verið á milli kristinna manna og múslima síðustu ár en síðustu fjórum árum hafa yfir eitt þúsund manns fallið vegna þeirra. Talið er að flest fórnarlöm þessarar árásar hafi verið kristnir. Engin hryðjuverkasamtök hafa lýst yfir ábyrgð á verknaðinum. Lögreglan hefur lítið viljað tjá sig um málið en segir það vera í rannsókn.

Árið sekúndu lengra en venjulega

Árið 2005 verður óvenjulangt því á miðnætti annað kvöld verður hlaupasekúndu bætt við árið. Klukkur heimsins ganga í samræmi við frumeindaklukkur, sem mæla tímann með mikilli nákvæmni, en jörðin hefur snúist óvenjuhægt um öxul sinn að undanförnu. Því þarf í fyrsta sinn í sjö ár að bæta sekúndu við árið til að næsta ár geti byrjað á hárréttum tíma.

Hamfarir og stríð fréttir ársins

Árið 2005 var ár hamfara og stríðs og margir kveðja það með litlum söknuði. Þetta er niðurstaða skoðanakönnunar sem var gerð í 27 löndum með viðtölum við rúmlega 30 þúsund manns.

Snjónum kyngir niður í Evrópu

Jólasnjónum beinlínis kyngir niður um alla Evrópu, á sama tíma og auð jörð ræður ríkjum í flestum landshlutum hér á fróni.

Sextíu bíla árekstur í Ungverjalandi

Átta ára gamall drengur lést og tíu slösuðust í sextíu bíla árekstri á harðbraut í Ungverjalandi í dag. Mjög slæm færð var á brautinni þegar áreksturinn varð. Ökumaður flutningabíls missti stjórn á bíl sínum, sem rásaði til á veginum og lenti síðan utan í vegriði.

Landamærum Gaza og Egyptalands lokað

Landamærum Gaza og Egyptalands var lokað í morgun, þegar palestínskir lögreglumenn réðust inn í landamærastöð og hröktu evrópska eftirlitsmenn á flótta.

6 létust og 23 særðust í Írak í morgun

Sex manns féllu og á þriðja tug særðust í tveimur aðskildum árásum í miðborg baghdad, höfuðborg Íraks í morgun.

80 skæruliðar hafa verið felldir í herferð til að koma á friði í Kongó

Hersveitir Sameinuðu þjóðanna og stjórnvalda í Kongó hafa fellt 80 skæruliða á einni viku í mikilli herferð, sem hefur það markmið að koma á friði í landinu á næstu mánuðum. Langvarandi borgarastyrjöld í Kongó er talin hafa kostað fjórar milljónir mannslífa.

Kuldinn á skjálftasvæðunum í Pakistan er að verða fólkinu óbærilegur

Kuldinn á skjálftasvæðum í Pakistan er að verða óbærilegur. Hundruð þúsunda manna hafast við í tjöldum og margir hafa hvorki dýnu, teppi né hlý föt.

25 létust í snjóflóði í Pakistan

Að minnsta kosti 25 létu lífið í Pakistan í gær er snjóflóð féll í norðvesturhluta landsins. Mikil snjókoma hefur verið á svæðinu. Björgunarsveitir og þorpsbúar eru enn í óða önn að grafa upp lík en meirihluti fólksins er þó enn ófundinn. Lögreglan segir svæðið svo afskekkt að fréttir af flóðinu hafi borist degi eftir að það féll.

Hjólför í nýföllnum snjó koma upp um þjófa

Nokkur snjór er nú víða í Danmörku en Danir reyna að láta það ekki raska ró sinni, ekki einu sinni þjófarnir sem halda áfram iðju sinni með misjöfnum árangri þó. Starfsmaður á bensínstöð í Nyköbing-Falster hafði samband við lögreglu vegna þess að slökkvitæki hafði verið stolið frá bensínstöðinni. Það reyndist lögreglunni auðvelt að hafa upp á þjófinum, sem var á hjóli og hafði skilið eftir sig slóð í nýföllnum snjónum.

1500 lítrar af áfengi gerð upptæk í Noregi

Heyrnatól iPOD geta verið hættuleg

iPOD var meðal vinsælli jólagjafa þessi jólin en þeir sem nota heyrnartólin sem fylgdu með ættu að leggja við hlustir. Þessir litlu, fínlegu og flottu heyrnatól sem eru oft notuð með vasadiskóum af öllum gerðum geta nefnilega verið hættuleg, samkvæmt rannsóknum vísindamanna við Northwestern háskólann í Bandaríkjunum.

Pólskir hermenn verða í Írak til ársloka 2006

Lech Kaczynski forseti Póllands hefur samþykkt beiðni íhaldsstjórnar landsins um að halda pólskum hermönnum áfram í Írak til ársloka 2006. Um 1,500 pólskir hermenn og aðrir starfsmenn pólska hersins eru nú staðsettir í Írak.

NSA fylgdist með ferðum bandarískra þegna á vefsíðum

Bandarísk leyniþjónusta, NSA, kom fyrir forritlingum á síðum á Netinu til að fylgjast með ferðum bandarískra þegna um vefsíður, þrátt fyrir að hafa verið bannað að gera það. Þetta þykir reginhneyksli vestan hafs og bætir gráu ofan á svart fyrir Bush forseta, sem situr þegar undir ámæli fyrir að hafa árið 2002 heimilað NSA að lesa tölvupóst og hlera síma án dómsúrskurðar.

Mikil verslun á Netinu fyrir jólin vestan hafs

Það er ekki alveg ljóst hver jólagjöfin í ár var, en vestan hafs eru góðar líkur á að gjafirnar hafi verið keyptar á Netinu. Þvert á spár var nefnilega sprengja í viðskiptum á Netinu fyrir jólin og er talið að aukningin hafi numið tuttugu og fimm prósentum á milli ára. Keypt var fyrir rúma átján milljarða dollara á Netinu í nóvember og desember, samkvæmt New York Times, en það jafngildir nærri tólf hundruð milljörðum króna. Þetta voru því líkast til gleðileg jól hjá Netverslunum.

Mikill snjór í Danmörku

Einn maður lést og þrír slösuðust alvarlega þegar tveir bílar rákust saman vegna mikillar hálku í Danmörku í gær en snjóstormur sem farið hefur yfir Mið-Evrópu undanfarið er nú kominn þangað. Slysið varð í Vordingborg, um eitt hundrað kílómetra frá Kaupmannahöfn.

16 ára nemi á Flórída fór til Írak til að kynna sér ásandið það

Farris Hassan er sextán ára nemi frá Flórída með mikinn áhuga á fréttamennsku. Svo mikinn að í jólafríinu ákvað hann að sökkva sér ofan í viðfangsefni sitt. Það væri ekki í frásögur færandi væri viðfangsefnið ekki Írak. Farris keypti sér flugmiða án vitundar foreldra sinna og skrópaði í skóla til að kynna sér ástandið frá fyrstu hendi. Eftir ferðalag um Kúveit og Líbanon komst Farris til Bagdad þar sem hann dvaldi í nokkra daga.

Kona lést af völdum byssukúlu sem fór inn um glugga íbúðar hennar

Kona lést þegar byssukúlu sem skotið var út í loftið fór inn um glugga á íbúð hennar á fimmtu hæð í New York í gær. Eiginmaður hennar sem var í öðru herbergi þegar atburðurinn gerðist, fann konu sína þar sem hún lá í blóði sínu í svefnherberginu. Nágrannar sögðust hafa séð hóp af háværum og ölvuðum mönnum á götunni fyrir neðan húsið. Lögreglan vinnur nú að því að komast hver skotmaðurinn var.

Fimm látnir í eldum í Texas og Oklahoma

Að minnsta kosti fimm manns hafa látið lífið í eldum sem geisað hafa í Texas og Oklahoma í Bandaríkjunum. Talið er að þeir hafi kviknað út frá fikti barna en nú þegar hafa nærri 200 hús orðið eldinum að bráð og þúsundir ekra af ræktarlandi hafa brunnið.

Stórskotahríð á norðurhluta Gaza-svæðisins

Ísraelar hófu í nótt stórskotahríð á norðurhluta Gaza-svæðisins, til þess að hindra að Palestínumenn geti notað það til eldflaugaárása á ísraelsk landsvæði. Í morgun tóku skriðdrekar við af stórskotaliðinu.

Skæður sjúkdómur

Skelfilegur sjúkdómur drepur þúsundir manna í Suður-Súdan, án þess að hjálparstofnanir fái rönd við reist. Sjúkdómurinn ræðst á ónæmiskerfið eins og alnæmi en til eru lyf við honum.

Ellefu skornir á háls

Vopnaðir menn réðust inn á heimili suður af Bagdad, höfuðborg Íraks, og myrtu ellefu fjölskyldumeðlimi með því að skera þá á háls. Fólkið var sjíamúslimar en bjó á svæði þar sem súnnímúslimar eru í miklum meirihluta. Fjölskyldunni hafði verið hótað öllu illu ef hún flyttist ekki á brott en brást ekki við hótununum.

Framselja fangavörð

Dómstóll í Bandaríkjunum hefur úrskurðað að fyrrverandi fangavörður, í útrýmingarbúðum nasista, skuli framseldur til Úkraínu. Fangavörðurinn hefur barist fyrir bandarískum dómstólum í meira en þrjátíu ár.

Sjálfsmorðsárás í Suður-Rússlandi

Sjálfsmorðsárás var gerð í bænum Makhachkala í Suður-Rússlandi í morgun. Maður sprengdi sjálfan sig í loft upp við athöfn sem haldin var til minningar um öryggisvörð sem drepinn var fyrir tveimur dögum. Rússneskir fjölmiðlar segja engan hafa beðið bana í árásinni fyrir utan tilræðismanninn.

Fjórir lögreglumenn biðu bana í Bagdad

Fjórir lögreglumenn biðu bana og fjórir aðrir særðust í sjálfsmorðsárás á lögregluvarðstöð í Bagdad í morgun. Mismunandi upplýsingar hafa borist um hvernig aðdragandi árásarinnar hafi verið; bæði er talað um að árásarmaðurinn hafi komið akandi á lögreglubíl og að hann hafi verið fótgangandi.

Myndbandsupptaka af frönskum gísl í Írak

Mannræningjar í Írak birtu í gær myndbandsupptöku af frönskum verkfræðingi sem er í haldi þeirra. Á myndbandinu beina þeir byssum að höfði mannsins og hóta að drepa hann, ef allir Frakkar sem starfa í Írak verði ekki kallaðir heim hið fyrsta.