Frambjóðendur til Stjórnlagaþings á Wikipedia

Búið er að stofna síðu á Wikipedia þar sem hægt er að nálgast upplýsingar um frambjóðendur til Stjórnlagaþings. Listinn er ekki tæmandi en þar er reynt að halda utan um nöfn þeirra sem þegar hafa tilkynnt framboð sitt opinberlega. Þegar þessar línur eru skrifaðar eru 70 manns á listanum, 49 karlar og 21 kona.

Reykjavíkurborg fær 60 milljónir frá ESB

Reykjavíkurborg ásamt borgunum Milton Keynes á Bretlandi, Dublin á Írlandi, Rijeka í Króatíu, Open University á Bretlandi og sambandi maltneskra sveitarfélaga fengu nýlega styrk frá Evrópusambandinu til að taka þátt í samstarfsverkefni á sviði rafrænnar stjórnsýslu.

Fjöldi handtekinn vegna ólöglegra lyfja

Tollgæslan á Íslandi tók þátt í alþjóðlegri aðgerð sem miðaði að því að uppræta sölu á fölsuðum og ólöglegum lyfjum á netinu og voru póst og hraðsendingar undir sérstöku eftirliti á meðan á aðgerðinni stóð.

Íslenskt skildingaumslag selt á fimm milljónir

Ríflega aldar gamalt íslenskt skildingaumslag var selt á uppboði í Danmörku fyrir tæpar fimm milljónir íslenskra króna. Skildingaumslög eru afar fágæt enda skildingafrímerki aðeins í notkun í tæp fjögur ár, frá 1873 til og með 1876. Ekki er vitað hver keypti umslagið en ólíklegt er talið að þar hafi verið Íslendingur á ferð.

Reykkafarar fóru inn í brennandi húsið

Tveir reykkafarar fóru inn í einbýlishúsið á Marbakkabraut í Kópavogi. Tilgangurinn var að ganga úr skugga um að enginn væri í húsinu. Samkvæmt fréttamanni Vísis sem er á vettvangi reyndist húsið mannlaust.

Eldsvoði í Kópavogi

Talsverðan eld leggur frá húsi á Marbakkabraut í Kópavogi. Slökkviliðið er komið á vettvang. Eldurinn er í einbýlishúsi en samkvæmt fréttamanni fréttastofunnar eru nærliggjandi hús ekki í hættu.

Kreppan hefur veruleg áhrif í framhaldsskólum

Út eru komnar niðurstöður rannsókna á líðan og starfsumhverfi framhaldsskólakennara sem voru unnar af Guðrúnu Ragnarsdóttur lýðheilsufræðingi, framhaldsskólakennara og kennslustjóra í Borgarholtsskóla í samstarfi við Félag framhaldsskólakennara.

Efast um að þyngja eigi refsingar í nauðgunarmálum

Álfheiður Ingadóttir, þingmaður Vinstri hreyfingarinnar - Græns framboðs, hefur efasemdir um frumvarp þess efnis að lágmarksrefsing vegna nauðgana verði hækkuð úr eins árs fangelsi í tveggja ára fangelsi. Þetta kom fram í ræðu Álfheiðar eftir að flokkssystir hennar, Jórunn Einarsdóttir, mælti fyrir frumvarpinu í morgun.

Álfheiður vill að ÁTVR heyri undir heilbrigðisráðherra

Álfheiður Ingadóttir, þingkona VG, vill að Áfengis og tóbaksverslun ríkisins heyri í framtíðinni undir heilbrigðisráðuneytið en ekki fjármálaráðuneytið eins og nú er. Vísar hún til lýðheilsusjónarmiða í því sambandi.

Ekkert bruðl í kveðjuveislu Evu Joly

„Þetta var ekkert bruðl. Ég pantaði bara ódýrasta pakkann," segir Jón Þórisson sem skipulagði kveðjuveislu Evu Joly í Norræna húsinu sem haldin var í gær. Jón hefur starfað náið með Evu og verið tengiliður hennar hér á landi.

Hætt að senda flóttamenn til Grikklands

Dómsmála- og mannnéttindaráðherra hefur ákveðið að stöðva að svo stöddu endursendingar hælisleitenda til Grikklands á grundvelli Dyflinnarreglugerðarinnar samkvæmt tilkynningu á heimasíðu ráðuneytisins.

Sala á sígarettum dregst saman

Sala á sígarettum hefur dregist saman um tæp 13% í magni á tímabilinu janúar - september í samanburði við sama tímabil í fyrra. Á sama tíma hefur sala á neftóbaki aukist um 9,2% en í lok september höfðu selst tæplega 18,8 tonn af neftóbaki.

Heitavatnslaust á Akranesi í kvöld

Í dag, 14. október, verður unnið að viðgerð á aðveituæð Orkuveitu Reykjavíkur sem liggur frá Deildartungu niður á Akranes.

Hnífurinn enn í rannsókn

Bráðabirgðarniðurstöður lífsýna sýndu ekki fram á með óyggjandi hætti að blóðið, sem fannst á skó Gunnars Rúnars Sigurþórssonar, hafi verið úr Hannesi Þór Helgasyni, sem Gunnar hefur játað að hafa myrt í ágúst síðastliðnum.

Ósátt móðir segir einelti líðast í Vesturbæjarskóla

Móðir tólf ára drengs með ódæmigerða einhverfu er afar ósátt við skólayfirvöld í Vesturbæjarskóla þar sem drengurinn var við nám. Hún segir að foreldrar í skólanum hafi beinlínis hvatt til eineltis gegn syni hennar án þess að yfirvöld skólans hafi skorist í leikinn.

Voru á of löngum bátum

Héraðsdómur Vestfjarða hefur dæmt þrjá skipstjórnarmenn til sektar upp á 30 þúsund krónur hvern, fyrir brot á lögum um skipstjórnarréttindi.

Mótmæla hugmyndum um gjald á nettengingar

Undirskriftasíða hefur verið sett upp á Netinu þar sem hugmyndum STEFs, Sambands tónskálda og eigenda flutningsréttar er mótmælt. Samtökin kynntu á dögunum hugmyndir um álagningargjöld á nettengingar landsmanna til þess að borga höfundaréttarhöfum fyrir tónlist sem er notuð ólöglega á Netinu.

Svandís styður fjárlagafrumvarpið

Svandís Svavarsdóttir umhverfisráðherra styður fjárlagafrumvarp ríkisstjórnarinnar fyrir næsta ár. Þetta kom fram í fyrirspurnartíma á Alþingi í dag.

Kirkjan beinir athyglinni að fátækt

Næsta sunnudag er alþjóðlegur baráttudagur gegn fátækt. Þjóðkirkjan tekur þátt í að vekja athygli á deginum og mun helga prédikanir sunnudagsins og fyrirbænir baráttunni gegn fátækt og félagslegri einangrun.

Vill harðari refsingu fyrir nauðgun

Gert er ráð fyrir að Jórunn Einarsdóttir varaþingmaður mæli í dag fyrir frumvarpi sínu um þyngri lágmarksrefsingu fyrir nauðgun.

Ókeypis öndunarmæling í dag

Alþjóðlegur dagur öndunarmælinga er í dag. Af því tilefni verður boðið upp á ókeypis öndunarmælingar milli klukkan þrjú og fimm húsakynnum SÍBS við Síðurmúla 6 í Reykjavík. Hjúkrunarfræðingar og læknar verða á staðnum og munu veita upplýsingar og ráðgjöf.

Ekkert þokast í makrílviðræðum

Tilraunir til þess að leysa makríldeiluna á milli Evrópusambandsins, Noregs, Íslands og Færeyja, hafa engan árangur borið eftir tveggja daga fundarhöld í London. Þetta kemur fram í breska ríkisútvarpinu í dag.

Skúta til Reykjavíkur eftir að hafa siglt umhverfis Norðurpólinn

Rússneska seglskútan "Pétur fyrsti" lagðist að Miðbakka Reykjavíkurhafnar í upphafi vikunnar eftir frækilega för umhverfis Norðurpólinn á mettíma. Pétur fyrsti var að koma frá Nanartalik á Grænlandi en ferðin lá í gegnum Norðvestur svæðið, norður af Kanada.

Óku á staur í Hafnarfirði

Ökumaður og farþegi voru fluttir á slysadeild Landsspítalans, eftir að ökumaðurinn missti stjórn á bíl sínum í hringtorgi í Vallahverfi í Hafnarfirði um klukkan ellefu í gærkvöldi. Bíllinn hafnaði á ljósastaur, sem brotnaði við höggið. Starfsmenn orkufyrirtækis voru kallaðir út til að aftengja staurinn.

Japanir vilja að Xiaobo fái frelsi

Japanir hafa nú tekið upp hanskann fyrir Liu Xiaobo, friðarverðlaunahafa Nóbels sem situr í kínversku fangelsi fyrir pólitískar skoðanir sínar. Forsætisráðherra Japan, Naoto Kan, sagði í gær að það væri "eftirsóknarvert" að Kínverjar létu Xiaobo lausan.

Ölvaður unglingur rústaði strætóskýli

Unglingspiltur var handtekinn upp úr klukkan fimm í morgun eftir að hafa brotið rúður í strætisvagnabiðskýlii við Suðurlandsbraut. Vitni sá til piltsins og lét lögrelgu vita, sem náði honum skammt frá skýlinu og færði á lögreglustöðina.

Fólk kaupir miklu dýrari síma

Söluandvirði seldra símtækja hjá Vodafone á Íslandi er 33 prósentum hærra fyrstu níu mánuði ársins en á sama tímabili í fyrra.

Hundrað króna gjald á mánuði

Einungis er greitt fyrir um fimm prósent þeirrar tónlistar sem notendur hlusta á og sækja á Netinu. Þetta segir Jakob Frímann Magnússon, varaformaður STEF.

Sumarveiðin er 75 þúsund laxar

Verndarsjóður villtra laxastofna, NASF, spáir að laxveiði á stöng á Íslandi í sumar hafi numið 75 þúsund fiskum. Spáin um heildarveiðina er byggð á lokatölum sem þegar liggja fyrir úr tilteknum ám. Samsvarandi spár fyrri ára hafa ekki skeikað um meira en eitt prósent.

Líklegt að ástandið lagist í næstu viku

Sjávarútvegs- og landbúnaðarráðuneytið hefur undanfarna daga fengið fyrirspurnir frá tveimur heildsölum um aukningu á innflutningskvóta á kjúkling. Ástæðan er skortur á innlendum kjúklingi á landinu sem hefur verið viðvarandi sökum skæðrar salmonellusýkingar sem herjaði á kjúklingabú í vor.

Eitt af hverjum fimm heimilum yfirveðsett

Miðað við álagningarskrá 2010 eru heildarskuldir heimila með veði í fasteignum 1.201 milljarður króna.

Smíðaði hring handa Ono og eignaðist son

„Ég setti Fimmvörðuhálshraun í hringinn til að hafa hluta af nýja Íslandi í honum,“ segir Sigurður Ingi Bjarnason, gullsmiður og skartgripahönnuður í Sign í Hafnarfirði, sem sérsmíðaði afmælisgjöf fyrir Sean Ono Lennon samkvæmt pöntun Yoko Ono um síðustu helgi.

Bíða með leit fram á sumar

Þyrla Landhelgisgæslunnar þurfti að hverfa frá við Hvannadalshnúk á dögunum þar sem litast var um eftir klifurlínu og öðrum hlutum sem gætu tengst þýskum fjallgöngumönnum sem hurfu á þessum slóðum árið 2007. Aðstæður voru erfiðar og ekkert skyggni, að sögn lögreglunnar í Höfn, og verður beðið með könnunarferðir fram á næsta sumar.

Dýrara að nota íslenskan sand

Búið er að koma upp strandblakvelli í Neskaupstað með innfluttum sandi frá Póllandi. Þorbjörg Ólöf Jónsdóttir, formaður blakdeildarinnar í Neskaupstað, segir að mun dýrara hafi verið að flytja sand frá Suðurlandi sökum þess að flutningurinn frá Póllandi var ókeypis.

Skottur selja kynjagleraugu

Stígamót og Skotturnar, samstarfsvettvangur íslensku kvennahreyfingarinnar, efna til mikils söfnunarátaks sem hefst í dag. Er átakið í kjölfar þess að loka þurfti þjónustumiðstöðvum Stígamóta utan höfuðborgarsvæðisins vegna niðurskurðar, en þjónusta á Egilsstöðum,

Allir sammála um að leysa skuldavandann

Allir voru sammála um að taka þurfi á skuldavanda heimilanna en mikið bar á milli um aðferðirnar á samráðsfundi um skuldavanda heimilanna í Þjóðmenningarhúsinu í gærkvöldi. Fundinn sátu stjórnendur fjármálafyrirtækja, hagsmunagæsluaðilar almennings og þingmenn allra flokka.

Opnunartími vínveitingastaða verður styttur

Meirihlutinn í borgarráði vill að opnunartími áfengisveitingastaða í miðborginni, þar sem heimilaður hefur verið lengri veitingatími áfengis um helgar, verði styttur um klukkustund í tveimur áföngum. Frá og með næstu áramótum verði opnunartíminn styttur um hálftíma, til klukkan fimm, og að sex mánuðum liðnum aftur um hálftíma, til klukkan hálffimm.

Íslendingur vann 10 milljónir í Víkingalottóinu

Íslendingur var með fimm rétta auk þess sem hann hafði bónustölu rétta í Víkingalottóinu í kvöld. Hann fær rúmar tíu milljónir króna í sinn hlut. Miðinn hans var keyptur í Happahúsinu í Kringlunni. Dani og Norðmaður skiptu með sér fyrsta vinningi og fær hvor um sig rúmar 62 milljónir.

Efast um að almenn niðurfærsla sé rétta leiðin

Bankastjóri Landsbankans efast um almenn niðurfærsla skulda sé rétta leiðin til að taka á skuldavanda heimilanna. Íbúðalánasjóður fari rakleitt á hausinn og kostnaður lendi á skattgreiðendum. Það ræðst væntanlega í kvöld hvaða leið verður fyrir valinu.

Sveppi í skýrslutöku hjá lögreglu

Lögregla boðaði Sverri Þór Sverrisson, sem er betur þekktur sem Sveppi, til skýrslutöku í dag eftir að hann ók bifreið upp Bankastræti og Laugaveg gegn einstefnu. Hann ók auk þess ítrekað upp á gangstétt.

Eva Joly: „Mál gegn sjömenningum á heima í New York“

Eva Joly, fráfarandi ráðgjafi sérstaks saksóknara vék að máli slitastjórnar Glitnis gegn fyrrverandi eigendum og stjórnendum bankans á blaðamannafundi um starfslok sín í dag.

Klippt á borðann á Lyngdalsheiði

Nýi vegurinn um Lyngdalsheiði verður formlega opnaður fyrir umferð við hátíðlega athöfn á föstudag með því að Ögmundur Jónasson samgönguráðherra ásamt Hreini Haraldssyni vegamálastjóra klippir á borða. Athöfnin fer fram austast á kaflanum, nálægt Laugarvatni, og hefst klukkan 15:30.

Deilt um skrifstofustjóra borgarstjóra

Borgarstjóri hefur farið þess á leit við skrifstofustjóra á skrifstofu borgarstjóra að hún taki að sér aukin verkefni og og verkstjórn fyrir hans hönd, tímabundið, meðan að unnið er að breytingum á stjórnkerfi borgarinnar. Segir í tilkynningu frá borginni að með þeim breytingum sem unnð sé að sé hugsunin að fækka stjórnendum sem heyra beint undir borgarstjóra.

Tugir hafa boðið sig fram til stjórnlagaþings

Frestur til að skila inn framboðum til stjórnalagaþings rennur út á hádegi á mánudag. Ekki fást nákvæmar upplýsingar um hversu margir hafa þegar boðið sig fram en framboðin skipta nokkrum tugum. Samkvæmt upplýsingum frá dómsmála- og mannréttindaráðuneytinu er búist við á annað hundrað framboðum hið minnsta.

Eva Joly: „Enginn getur ráðskast með embættið”

Eva Joly, fráfarandi ráðgjafi sérstaks saksóknara, sagði við starfslok sín í dag að enginn gæti ráðskast með embætti sérstaks saksóknara. Starfslið sérstaks saksóknara sé sterkt og öflugt og það muni leiða til ákæra.