Fleiri fréttir

Hraðakstur í Reykjavík

Brot 46 ökumanna voru mynduð á Breiðhöfða í Reykjavík í gær. Fylgst var með ökutækjum sem var ekið Breiðhöfða í norðurátt, að Dvergshöfða. Í tilkynningu frá lögreglu segir að á einni klukkustund, síðdegis, hafi 211 ökutæki ekið þessa akstursleið og því ók rúmlega fimmtungur ökumanna, eða 22 prósent, of hratt eða yfir afskiptahraða. Meðalhraði hinna brotlegu var 65 km/klst en þarna er 50 km hámarkshraði. Átta óku á 70 km hraða eða meira en sá sem hraðast ók mældist á 89.

Leiguíbúðir vantar á Langanes

Húsnæðisskortur er nú á Þórshöfn á Langanesi og auglýsir sveitarstjórinn eftir áhugasömum verktökum til að koma og byggja fleiri íbúðir.

Tuttugu og fjórir prestar styðja ákvörðun Biskups

Tuttugu og fjórir prestar undirrita grein sem skrifuð er í Fréttablaðið í dag til stuðnings ákvörðunar biskups Íslands um að færa sr. Gunnar Björnsson, fyrrverandi sóknarprest á Selfossi, til í starfi. Gunnar var sem kunnugt er sakaður um kynferðisbrot gagnvart nokkrum sóknarbörnum en sýknaður af ákærunni.

Íslenskir karlar verða elstir norrænna karla

Áætlaður lífaldur Íslendinga er sá hæsti á Norðurlöndum. Þetta á þó einungis við um karla en íslenskar konur verða næstum jafn gamlar og sænskar kynsystur þeirra.

Íslendingar hafa greitt að fullu til SÞ

Ísland er á meðal þeirra 22 þjóða sem hafa greitt aðildargjöld sín að Sameinuðu Þjóðunum að fullu. 192 lönd eru aðilar að samtökunum og því hafa aðeins tæp tólf prósent landanna greitt allt sem þeim ber.

Barist í Mogadishu

Átján eru látnir í það minnsta eftir bardaga á milli íslamskra uppreisnarmanna og stjórnarhermanna í Mogadishu höfuðborg Sómalíu. Stórskotaliði var beitt í bardaganum og að minnsta kosti 58 eru slasaðir að því er sjúkraflutningamenn segja.

Vill semja upp á nýtt við AGS eða hætta samstarfinu

Lilja Mósesdóttir, hagfræðingur og þingkona Vinstri grænna segir að efnahagsáætlun Alþjóðagjaldeyrissjóðsins gagnvart Íslandi þarfnist róttækra breytinga. Í grein sem Lilja skrifar í Morgunblaðið í dag segir hún að í raun hafi sjóðurinn sagt upp samkomulaginu einhliða með því að standa ekki við sinn hluta. Greiðslur sem áttu að berast frá sjóðnum hafa ekki gert það og engar formlegar skýringar hafa borist á því.

Meintar geimverur hlupu um akur í Wiltshire

Breskur lögregluþjónn í Wiltshire fullyrðir að hann hafi séð geimverur á akri nálægt Silbury Hill í sumar. Á akrinum höfðu nokkrum dögum áður birst hringlaga mynstur, svokallaðir akurhringir sem þekktir hafa verið um árabil og ýmist verið taldir gabb eða merki um verur frá öðrum hnöttum.

Yfir 2.000 fallnir í Ciudad á árinu

Yfir 2.000 manns hafa látið lífið í átökum eiturlyfjagengja í mexíkósku borginni Ciudad Juarez það sem af er árinu en það eru nærri 400 fleiri en allt árið í fyrra.

Hrapaði til bana í byggingu SÞ

Tæplega fimmtugur breskur kjarnorkusérfræðingur lést þegar hann féll 40 metra í stigahúsi ofan af 17. hæð byggingar Sameinuðu þjóðanna í Vín í Austurríki.

Nóttin með eindæmum róleg

Tilkynnt var um þjófnað á gróðurhúsalömpum í Hveragerði núna í morgunsárið. Lögreglan á Selfossi fór á staðinn en óljóst er á þessari stundu hversu mörgum lömpum var stolið. Að öðru leyti var nóttin róleg í lögregluumdæmum landsins og raunar með eindæmum róleg í Reykjavík að sögn vaktstjóra.

Náið samráð við borgarbúa

Aðalskipulag Reykjavíkur verður unnið í nánu samráði við borgarbúa og áhersla lögð á þverpólitíska sátt. Þetta er meðal þess sem fram kom á kynningarfundi um endurskoðun á aðalskipulagi Reykjavíkur í gær.

Litháarnir störfuðu hjá Íslendingunum

Þrír íslenskir karlmenn voru úrskurðaðir í gæsluvarðhald í Héraðsdómi Reykjaness í gær, á grundvelli aðildar að meintu mansalsmáli á Suðurnesjum, þjófnaðarbrota og tryggingasvika.

Telur siðareglurnar bíræfnar

Ólafur F. Magnússon greiddi atkvæði gegn nýjum siðareglur borgarfulltrúa á borgarstjórnarfundi á þriðjudag. Hann lét bóka að tregða borgarfulltrúa við að upplýsa um prófkjörsstyrki, auk annars, gerði slíkar siðareglur marklausar.

Fjörutíu lagðir inn vegna svínaflensu

Enn fjölgaði sjúklingum á Landspítala í gær vegna svínaflensu. Þeir voru 33 talsins, þar af sex á gjörgæslu. Sjö nýir voru innlagðir og fjórir útskrifaðir. Þá höfðu fimm einstaklingar verið lagðir inn á sjúkrahúsið á Akureyri af sömu ástæðu og einn á Blönduósi.

Starfsfólkið er orðið úrvinda

„Starfsfólkið er orðið úrvinda,“ segir Páll E. Winkel, forstjóri Fangelsismálastofnunar ríkisins, spurður um stöðuna í fangelsismálum nú. Þessa dagana bætast sífellt fleiri í hóp gæsluvarðhaldsfanga. Vegna rannsóknar lögreglu á einu máli sitja í gæsluvarðhaldi níu manns eftir úrskurð Héraðsdóms Reykjaness. Þrír þeirra bættust við í gær.

Breytt viðhorf til kannabiss

Svo virðist sem breytt viðhorf gagnvart kannabisneyslu geri nú vart við sig meðal ungs fólks á Íslandi. Það líti jafnvel ekki lengur á kannabisefni sem ólögmætt og varasamt fíkniefni. Þetta kom fram í máli Arngríms Gunnarssonar, forvarnar­fulltrúa í Fjölbrautaskólanum í Ármúla, á morgunverðarfundi samtakanna Náum áttum, um kannabisneyslu á Íslandi í fyrradag.

Smíða stól fyrir hæsta mann heims

„Þeir frá Hótel Loftleiðum höfðu samband á þriðjudag og voru í miklu veseni, því þeir áttu engan stól fyrir karlinn að sitja á. Við fengum þess vegna 48 klukkutíma til að smíða stólinn, og erum dálítið að giska okkur áfram með þetta. Það verður spennandi að sjá hver útkoman verður," segir Erlendur Sigurðsson, framkvæmdastjóri hjá GÁ Húsgögnum.

Andvirði Kárahnjúka í ónýttri fjárfestingu

„Það er grátlegast að það var varað við þessu þegar meirihlutinn í Reykjavík fór í gang með plön um þreföldun á lóða­úthlutunum,“ segir Dagur B. Eggertsson, oddviti Samfylkingarinnar í Reykjavík, um offjárfestingu á fasteignamarkaði.

Madoff deilir fangaklefa með fíkniefnasala

Einn mesti svindlari síðari ára, Bernard Madoff, deildi klefa með tuttugu og eins árs gömlum fíkniefnasala, njósnara, mafíuforingja og fleirum þegar hann var settur í fangelsi í sumar.

Segja SA og verkalýðshreyfinguna ekki taka niðurstöður síðustu þingkosninga alvarlega

Framtíðarlandið, samtöku áhugafólks um framtíð Íslands, segja Samtök Atvinnulífsins og verkalýðshreyfinguna ekki taka alvarlega niðurstöður síðustu þingkosninga. Í tilkynningu frá samtökunum segir að talsmenn Samtaka atvinnulífsins séu meðal þeirra sem hæst hafa kallað á uppbyggingu stóriðju. Þeim sé ómögulegt að sjá nýja möguleika í stöðunni eða draga lærdóm af uppbyggingu nýrra útflutningsfyrirtækja svo sem á sviði hugbúnaðar, tölvuleikja og sjónvarpsþátta (Latibær) sem hafa ekki verið gæluverkefni stjórnmálamanna. Svipað megi segja um viðsemjendur þeirra í verkalýðshreyfingunni. Stóriðjuframkvæmdir séu sameiginlegt áhugamál þeirra og því markmiði skal náð með öllum ráðum.

Bílvelta við Borgarnes

Lögreglan í Borgarnesi fékk tilkynningu um bílveltu við afleggjarann að Hótel Venus rétt áður en komið er að brúnni um hálf sex leytið í kvöld. Ökumaður bílsins, sem var einn í bílnum, var fluttur á slysadeild í Fossvogi til skoðunar.

Ekki aftur í útboð þrátt fyrir gagnrýni

Framkvæmdir á brunareitnum svokallaða í miðbæ Reykjavíkur verða ekki boðnar út að nýju þrátt fyrir gagnrýni um að ekki hafi verið staðið rétt að útboðinu

Styrktarhópur til stuðnings stelpunum stofnaður

Hópur kvenna hefur stofnað styrktarhóp til stuðnings stelpum á Selfossi sem kærðu séra Gunnar Björnsson fyrir kynferðisbrot. Konurnar eiga það sameiginlegt að hafa frá svipuðum atvikum að segja eftir samskipti sín við Gunnar þegar hann var sóknarprestur á Bolungarvík.

Mansalsmál: Vinnuveitendur Litháanna í einangrun

Litháar, sem eru í haldi vegna rannsóknar á mansalsmáli, störfuðu hjá verktakafyrirtæki hér á landi og hafa íslenskir eigendur þess verið úrskurðaðir í vikulanga einangrunarvist. Annar Íslendinganna á að hafa hringt í lögreglu fyrir starfsmenn sína til að spyrjast fyrir um litháíska stúlku, sem talið er að hafi átt að neyða í vændi á Íslandi.

Hálandavaktin aldrei haft jafn mikið að gera

Björgunarsveitir Slysavarnafélagsins Landsbjargar sem voru á vaktinni á hálendinu í sumar hafa aldrei fengið eins mörg verkefni en fjöldi beiðna um aðstoð þrefaldaðist frá fyrra ári samkvæmt tilkynningu frá Landsbjörg.

SUS hafnar skuldsetningu framtíðarkynslóða

Samband ungra sjálfstæðismanna átelur ríkisstjórn Jóhönnu Sigurðardóttur fyrir að steypa íslenskri þjóð í skuldaánauð með því að samþykkja, það sem getur ekki kallast annað en fyrirvaralaus ríkisábyrgð á Icesave samningunum samkvæmt ályktun sem þeir sendu fjölmiðlum.

Svínaflensan ekki að verða illvígari

Þrátt fyrir að stúlka hafi látist úr svínaflensuveirunni og sex liggi nú á gjörgæsludeild með svínaflensu er ekkert sem bendir til þess að veiran valdi illvígari sýkingum en í upphafi faraldursins.

Drukkinn skipstjóri sýknaður af ölvunarsiglingu

Skipstjóri Ásbjarnar RE-50 var sýknaður af því að stýra skipinu drukkinn í Héraðsdómi Reykjavíkur í gær. Skipstjórinn kom til lands í janúar síðastliðnum og var þá verulega drukkinn. Hann viðurkenndi að hann hefði drukkið rauðvínsglas og nokkra bjóra. Það hefði hann hinsvegar gert eftir að 1. stýrimaður tók við stjórn skipsins.

Peningahámark í prófkjöri Sjálfstæðismanna

Sjálfstæðismenn í Reykjavík efna til prófkjörs vegna borgarstjórnarkosninga næsta vor 23. janúar næstkomandi. Nokkur nýbreytni verður í áherslum í framkvæmd prófkjörsins en meðal annars verður lagt upp úr því að kostnaður frambjóðanda vegna kynningar fari ekki yfir 1.5 milljón króna samkvæmt tilkynningu.

Bangsi bílaþjófur gripinn glóðvolgur

Lögreglan í Florissant í Kólóradó fylki var snögg á vettvang þegar hún fékk tilkynningu um að rumur einn mikill væri að stela bíl fyrir framan íbúðarhús í bænum.

Síðasti fáninn frá Trafalgar

Tvöhundruð og fjögur ár eru í dag liðin frá því breski flotinn vann einn sinn frægasta sigur. Þá gersigraði hann miklu stærri flota Frakka og Spánverja við Trafalgar undan ströndum Spánar.

Dæmdar 33 milljónir í bætur vegna slyss í Laugardalslaug

Héraðsdómur Reykjavíkur dæmdi í dag Vátryggingafélag Íslands til að greiða ungum karlmanni 33 milljónir króna í bætur vegna slyss sem hann varð fyrir þegar að hann stakk sér til sunds við grynnri enda Laugardalslaugar árið 2007. Við slysið rak maðurinn höfuðið í botninn með þeim afleiðingum að hann hlaut 100% örorku.

Óvissa um verktakaframlög valdi vanhæfni borgarfulltrúa

„Það verður að teljast bíræfni af hálfu borgarfulltrúa að ætla að setja fögur orð á blað og kalla það siðareglur. Enn er reynt að draga lappirnar við að upplýsa um framlög í prófkjörum til kjörinna fulltrúa," segir Ólafur F. Magnússon, borgarfulltrúi, í bókun á borgarstjórnarfundi í gær. Þar voru samþykktar siðareglur borgarfulltrúa með 14 atkvæðum gegn atkvæði Ólafs.

Þannig fara hjónabönd í hundana

Þegar eiginkonan sagði manninum að hún ætlaði út að ganga með hundinn og hitta vinkonur sínar til þess að fá sér kaffisopa, ákvað maðurinn að fara í gönguferð með börnin.

Ættarhöfðingi Saddams handtekinn

Leiðtogi ættbálks Saddams Hussein hefur verið handtekinn í Írak, sakaður um að fjármagna uppreisnarmenn í norðurhéruðum landsins.

Hosmany áfram í haldi

Hæstiréttur Íslands staðfesti gæsluvarðhaldsúrskurð Héraðsdóms Reykjavíkur yfir Brasilíumanninum Ramos Hosmany en hann hefur verið í haldi síðan hann kom til landsins í sumar.

Vill gefa fallegum konum afslátt

Forstjóri írska flugfélagsins Ryanair hefur lag á að fiska sér umtal í fjölmiðlum. Ef ekki fyrir að boða sérstakt gjald fyrir að fara á klósettið, þá eitthvað annað.

AGS endurskoðar efnahagsáætlun Íslands á miðvikudaginn

Framkvæmdastjórn Alþjóðagjaldeyrissjóðsins mun taka fyrir endurskoðun efnahagsáætlunar Íslands 28. október næstkomandi. Þetta kemur fram í tilkynningu sem Alþjóðagjaldeyrissjóðurinn hefur sent fjölmiðlum.

Óttast veitingastaði í Kaupmannahöfn

Margar af þeim skotárásum sem gerðar hafa verið í Kaupmannahöfn síðasta árið hafa verið gerðar á veitingastöðum þar sem annaðhvort Vítisenglar eða innflytjendagengi halda til.

Sjá næstu 50 fréttir

Mest lesið