Hraðakstur aldrei meiri og innbrotum fjölgar stórlega

Hegningarlagabrot árið 2009 voru 1204 í september samkvæmt afbrotatölfræðiskýrslu ríkislögreglustjóra fyrir árið 2009. Þar kemur fram að hegningarlagabrotum hafa fækkað um tæp 7 prósent frá síðasta ári. Hraðakstursbrot hafa aldrei verið jafn mörg og nú.

„Við erum komin aftur til Íslands“

„Við eigum að horfast í augu við það að í þjóðfélaginu ríkir togstreita,“ sagði Ögmundur Jónasson, fráfarandi formaður BSRB, við setningu 42. þings sambandsins í dag. Það væri hlutverk aðila innan BSRB að toga fyrir þá sem standa höllum fæti gagnvart fjármagni og valdi. „Það breytir því ekki að togstreytunni á jafnan að beina í eins jákvæðan og uppbyggilegan farveg og kostur er. Ég vil að við séum sem ein fjölskylda. En þá verðum við líka að vera það í reynd,“ sagði Ögmundur.

Gordon Brown á útleið

Breski Íhaldsflokkurinn gæti fengið meira en eitthundrað sæta meirihluta á þingi í kosningunum á næsta ári, samkvæmt skoðanakönnun sem birt var í dag.

Segir Egil Helgason brjóta hlutleysisreglu RÚV

Fyrrum dómsmálaráðherra, Björn Bjarnason, segir sjónvarpsmanninn Egil Helgason brjóta hlutleysisreglu RÚV, þar sem hann heldur úti sívinsælum þætti sínum, Silfur Egils.

Sprenging í haldlagningu stera

Tollgæslan hefur lagt hald á rúmlega sjö lítra af anabólískum sterum í fljótandi formi það sem af er þessu ári og tæplega 80.000 steratöflur. Þetta kemur fram í tilkynningu frá tollstjóraembættinu í Reykjavík en þar segir enn fremur að fyrstu tíu mánuði síðasta árs hafi tollurinn lagt hald á 10.000 steratöflur og 1,2 lítra af sterum í vökvaformi.

Ástralskt glæpakvendi slær í gegn með ævisögu

Nýútkomin bók fyrrum eiginkonu ástralska glæpaforingjans Carls Williams hefur vakið verðskuldaða athygli þar í landi.

NASA undirbýr næstu kynslóð geimflauga

Bandaríska geimferðastofnunin NASA undirbýr nú fyrsta tilraunaskot hinnar nýju Ares 1-X-geimflaugar.

Frelsi fjölmiðla: Ísland fellur úr fyrsta sæti í það níunda

Ísland er í níunda sæti þegar kemur að frelsi fjölmiðla í heiminum. Fjölmiðlasamtökin Reporters without borders birtu í gær árlegan lista sinn yfir frelsi fjölmiðla og tróna fimm þjóðir saman á toppnum, Danmörk, Finnland, Noregur, Svíþjóð og Írland. Eistland er í sjötta sæti, Holland í því sjöunda og í áttunda sæti eru Svisslendingar.

Tveir látnir eftir storminn Rick

Tveir eru nú látnir á vesturströnd Mexíkó, nærri landamærum Bandaríkjanna, eftir að hitabeltisstormurinn Rick fór þar um.

Á annan tug létust í lestarslysi á Indlandi

Allt að 15 eru látnir og 50 fastir inni í flaki járnbrautarlestar utan við bæinn Mathura suður af Nýju-Delhí á Indlandi eftir að hraðlest ók aftan á hana á fullri ferð en hin lestin var þá kyrrstæð að sögn lögreglu á staðnum.

Ekki fengið hraðasekt í 84 ár

George Geeson er að öllum líkindum öruggasti ökumaður Englands. Hann hefur ekki fengið hraðasekt í 84 ár, það er að segja síðan hann fékk ökuskírteinið.

Englar herja sem aldrei fyrr í Kaupmannahöfn

Ekkert lát er á ófriði Vítisengla og glæpaklíka innflytjenda í Kaupmannahöfn og slær að jafnaði í brýnu fjórða hvern dag milli hópanna.

Von á tilkynningu frá AGS

Alþjóðagjaldeyrissjóðurinn mun í dag senda frá sér tilkynningu um endurskoðun efnahagsáætlunar Íslands. Ríkisútvarpið hefur þetta eftir sendifulltrúa sjóðsins hér á landi.

Brotist inn í apótek, félagsheimili og bíla

Tilkynnt var nokkur innbrot á höfuðborgarsvæðinu í nótt. Brotist var inn í félagsheimilið Breiðfirðingabúð seint í nótt og töluverðu magni af áfengi, sterku og léttu, stolið. EInnig var farið inn í fyrirtæki á Fiskislóð í Reykjavík. Þar hafði hurð verði brotin upp og mikið rótað í húsnæðinu sem er geymsluhúsnæði. Lögregla hefur ákveðinn mann grunaðan en enginn hefur verið handtekinn.

Hafa leigt frá sér 2.306 tonn af kvóta

Sjávarútvegsfyrirtækið Eskja á Eskifirði hefur leigt frá sér 2.306 tonn af þeim 3.241 þorskígildistonni kvóta af bolfiski sem fyrirtækið fékk til ráðstöfunar á fiskveiðiárinu, sem hófst 1. september 2009.

Grunaðir mansalsmenn neita allir

Þrír íslenskir karlmenn og tvær konur voru handtekin í gær vegna rannsóknar á meintu mansali frá Litháen. Fimm litháískir karlmenn sitja þegar í gæsluvarðhaldi.

Neyðarstjórn komið á fót

Bæjarráð Kópavogs samþykkti í gær ítarlega viðbragðsáætlun vegna heimsfaraldurs inflúensu og stofnaði neyðarstjórn sem tekur til starfa ef og þegar neyðarástand skapast. Viðbragðsáætlunin hefur þegar tekið gildi. Gunnsteinn Sigurðsson bæjarstjóri er formaður neyðarstjórnarinnar en auk hans sitja í henni bæjarritari, sviðsstjóri framkvæmdasviðs og sviðsstjóri félagsmálasviðs.

U-beygjur í Icesave og AGS

Bjarni Benediktsson, formaður Sjálfstæðisflokksins, hefur gengið hart fram í gagnrýni á nýja Icesave-samninga við Breta og Hollendinga. Um leið hefur Steingrímur J. Sigfússon fjármálaráðherra lýst samningunum góðum. Eftir að samningarnir voru kynntir á sunnudaginn sagði Bjarni að vegið hefði verið að sjálfstæði íslensku þjóðarinnar með því að neita henni um þann sjálfsagða rétt að fá skorið úr um málið fyrir hlutlausum dómstólum.

Microsoft segist hafa lært af mistökunum

Nýju stýrikerfi Microsoft, sem nefnist Windows 7, verður formlega hleypt af stokkunum á morgun. Stýrikerfisins er beðið með eftirvæntingu.

Tækin af Vellinum víst lífshættuleg

„Við erum nokkrir starfsmenn Rafiðnaðarsambands Íslands, allir útlærðir fagmenn í faginu, fullkomlega gáttaðir á ábyrgðarlausu svari Jóhanns Ólafssonar, forstöðumanns rafmagnsöryggissviðs Brunamálastofnunar í Fréttablaðinu í dag“, segir í yfirlýsingu sem barst Fréttablaðinu í gær frá Guðmundi Gunnarssyni, formanni Rafiðnaðarsambands Íslands.

Skoðar hugsanleg undanskot

Ráðgjafarfyrirtækið Kroll Associates skilar á næstu vikum skýrslu um hugsanleg undanskot eigna og óeðlilegar millifærslur hjá Glitni í aðdraganda bankahrunsins, samkvæmt upplýsingum frá skilanefnd Glitnis. Skilanefnd Glitnis réð Kroll seint í maí og stóð upphaflega til að skila skýrslunni í byrjun hausts.

Frávísun hælisleitanda frestað

Að beiðni Mannréttindadómstóls Evrópu hefur dómsmála- og mannréttindaráðuneytið frestað áður ákveðinni frávísun hælisleitanda til Grikklands. Maðurinn, sem er flóttamaður frá Afganistan, er einn fjögurra sem ráðuneytið ákvað í septemberlok að vísa til Grikklands.

Bankar hefðu mátt sýna meiri ábyrgð

„Ef Íslendingar hefðu sótt um aðild að myntbandalagi Evrópusambandsins fyrir tveimur til þremur árum er líklegt að reglur um gegnsæi í stjórnum banka og fyrirtækja hefðu svipt hulunni af innbyrðistengslum þeirra við íslensk fyrirtæki mun fyrr en ella. Hugsanlega hefði það getað dregið úr hættunni á hruni þeirra,“ segir Frakkinn Jean-Dominique Rugiero, stjórnandi sænska ráðgjafarfyrirtækisins Daxam Sustainability Services.

Fylgdust með rússnesku olíuskipi

Stjórnstöð Landhelgisgæslunnar hefur í dag fylgst með siglingu olíuskipsins ZOYMA vestur fyrir Ísland en skipið er á leið frá Bandaríkjunum til Rússlands. Skipið valdi að sigla vestur fyrir land vegna lægða sem ganga yfir suður af landinu. Athygli vakti þegar skipið sigldi lengra í norður en venjan er á þessari siglingaleið en ástæðan var sú að skipið vildi halda ákveðinni fjarlægð frá fiskiskipum á svæðinu.

Undirrituðu Evrópusáttmála um jafna stöðu kynjanna

Borgarstjórn samþykkti á fundi sínum í dag að skrifa undir Evrópusáttmála um jafna stöðu kvenna og karla. Þau sveitarfélög sem undirrita sáttmálann skuldbinda sig formlega til að virða grundvallarregluna um jafnrétti kvenna og karla. Undirritunin er liður í að styðja við það öfluga jafnréttisstarf sem ríkt hefur innan borgarinnar og fellur vel að því forystuhlutverki sem Reykjavíkurborg hefur verið í á undanförnum áratugum að því er varðar jafnrétti kynjanna.

Fordómar gagnvart iðnaðarmönnum í pólitík

Líkt og fram kom í Kvöldfréttum Stöðvar 2 í gærkvöldi hafa framsóknarmenn í borginni verið sakaður um spillingu varðandi útboð á uppbyggingu á brunareitnum svokallaða á horni Lækjargötu og Austurstrætis. Verkið var boðið út í síðasta mánuði og átti verktakafyrirtækið Fonsi lægsta tilboðið. Eykt sem átti næst lægsta tilboðið fékk hins vegar verkið.

Fimm nýjar kennsluvélar til Keilis

Fyrstu erlendu flugnemarnir eru væntanlegir í næsta mánuði til náms í Flugakademíu Keilis á Keflavíkurflugvelli, sem kynnti í dag fimm nýjar kennsluvélar. Nærri eitthundrað Íslendingar stunda nú nám þar í hinum ýmsu greinum flugsins.

Málið mun umfangsmeira en talið var í upphafi

Lögreglan á Suðurnesjum handtók í dag fjóra Íslendinga í tengslum við mansalsmál sem upp kom í síðustu viku. Málið tengist nítján ára gamalli Litháískri stúlku sem trylltist í flugvél á leið hingað til lands. Fimm litháískir karlmenn sitja í gæsluvarðhaldi vegna málsins.

Aldrei fleiri í hvalaskoðun frá Húsavík

Hvalaskoðun frá Húsavík hefur slegið öll fyrri met en um fimmtíu þúsund ferðamenn sigldu út á Skjálfanda í sumar til að sjá stærstu dýr jarðar. Hvalaskoðunartímabilinu lauk formlega í dag.

Hvetur mótmælendur til að virða friðhelgi einkalífs

Aðfarir og skemmdarverk sem beinast gegn heimilum fólks eru fordæmd í ályktun sem ríkisstjórnin samþykkti í morgun. Forsætisráðherra segir að mótmæli sem hafi þann eina tilgang að ógna fólki og vekja ótta hjá börnum eigi aldrei rétt á sér.

Slitlag komið á milli Egilsstaða og Reykjavíkur

Samfellt slitlag er komið á milli Reykjavíkur og Egilsstaða um Norðurland og vantar nú aðeins að ljúka átta kílómetra kafla í Berufirði til að unnt verði að aka hring umhverfis Ísland á malbiki.

Fjórir Íslendingar handteknir í mansalsmálinu

Lögreglan á Suðurnesjum hefur staðið að umfangsmiklum lögregluaðgerðum á höfuðborgarsvæðinu nú síðdegis vegna rannsóknar á ætlaðri skipulagðri glæpastarfsemi. Fjórir Íslendingar hafa verið handteknir og húsleitir gerðar á allmörgum stöðum að undangengnum dómsúrskurðum.

Sendir flugherinn á veðrið

Það snjóar býsnin öll í Moskvu á veturna. Það bæði truflar umferð og kostar höfuðborg Rússlands heilan helling af rúblum á ári hverju í snjóhreinsun.

Borgarstjórn samþykkti siðareglur

Borgarstjórn Reykjavíkur staðfesti siðareglur fyrir kjörna fulltrúa hjá Reykjavíkurborg á fundi sínum í dag. Borgarfulltrúar allra flokka að frátöldum Ólafi F. Magnússyni greiddu siðareglunum atkvæði sitt og skrifuðu undir þær á fundinum.

Siðanefnd presta skilgreini brot séra Gunnars og beiti viðurlögum

Æskulýðssamband þjóðkirkjunnar (ÆSKÞ) hefur sent frá sér ályktun vegna mála séra Gunnars Björnssonar. Þar er siðanefnd Prestafélags hvött til þess að taka tillit til 6. greinar siðareglna félagsins þar sem nefndinni er gert að skilgreina alvarleika brota og beita tilteknum viðurlögum sem annað hvrort eru áminning eða vísun máls til stjórnar Prestafélags Íslands þar sem tekin skuli ákvörðun um hvort viðkomandi verði vísað úr félaginu.

Sérsveitin fór í 48 vopnuð verkefni

Sérsveit ríkislögreglustjóra fór í 48 vopnuð verkefni í fyrra, samkvæmt upplýsingum úr ársskýrslu embættisins. Samkvæmt skýrslunni sinnti sérsveitin 4.364 verkefnum í fyrra. Þar af voru almenn verkefni 4168 talsins og sérsveitarverkefnin 196 en vopnuð verkefni eru þar innifalin. Heildarfjöldi verkefnanna samsvarar tæpum 12 verkefnum á dag að meðaltali.

Banna ekki reykingar í einkabílum

Bresk yfirvöld hafa hætt við að setja lög sem banna reykingar í einkabílum ef börn eru farþegar.

Amerískir flugmenn vilja svefnfrið undir stýri

Bandarísk flugfélög og samtök flugmanna þar í landi hafa sótt um það til flugmálastjórnar að flugmenn fái að sofa á löngum og leiðinlegum flugleiðum.

Hefja síldarleit í dag

Hafrannsóknastofnunarinnar hefur síldarleit í dag í samstarfi við hagsmunaaðila, en áætlað er að leitin standi fram yfir næstu helgi. Fjögur veiðiskip taka þátt í leitinni, það eru Súlan EA, Sighvatur Bjarnason VE, Ásgrímur Halldórsson og Jóna Eðvalds frá Höfn í Hornafirði.

Umræðan um yfirvofandi greiðsluþrot á algjörum villigötum

Gylfi Magnússon viðskiptaráðherra fjallaði um skuldastöðu ríkisins á ríkisstjórnarfundi í morgun og vísaði þar á bug öllum hugmyndum um yfirvofandi greiðsluþrot. Gunnar Tómasson hagfræðingur er á meðal þeirra sem á síðustu dögum hefur haldið því fram að í það stefni.

Segir stöðu Landsvirkjunar betri en flestra annarra fyrirtækja

„Ég held að það megi segja að fjárhagsleg staða Landsvirkjunar sé góð í samanburði við vel flest íslensk fyrirtæki - í raun og veru mjög góð,“ sagði Steingrímur J. Sigfússon fjármálaráðherra við utandagskrárumræður um Landsvirkjun á Alþingi í dag.

Múslimar verja Noregskonung

Haraldur Noregskonungur hefur fengið bágt fyrir orð sem hann lét falla þegar hann heimsótti bænahús múslima í Osló í gær.

Ljón á veginum

Ferðamenn í Kruger þjóðgarðinum í Suður-Afríku fylgdust með því með öndina í hálsinum þegar ljónynja og buffali börðust upp á líf og dauða á milli bíla þeirra.

Fjölda GPS-tækja stolið úr bílum á höfuðborgarsvæðinu

Fjölda GPS-tækja hefur verið stolið úr bílum á höfuðborgarsvæðinu upp á síðkastið og því vekur lögreglan á þessu sérstaka athygli. Hún biður jafnframt eigendur eða umráðamenn ökutækja að skilja ekki verðmæti eftir í bílum. Sé það óumflýjanlegt er mikilvægt að slíkir hlutir séu ekki í augsýn.

Tillaga um afbrigði í Icesave málinu felld

Tillaga ríkisstjórnarinnar um að frumvarp um Icesave samningana yrði lagt fram á Alþingi með afbrigðum var felld við upphaf þingfundar í dag. Alls greiddu 29 atkvæði gegn tillögunni en 23 greiddu tillögunni atkvæði sitt.