Harður árekstur á Akureyri

Farþegi slasaðist og var fluttur á sjúkrahúsið á Akureyri, þegar tveir bílar skullu saman á mótum Þórunnar- og Þingvallastrætis upp úr klukkan fjögur í nótt.

Fullar fangageymslur í nótt

Óvenjumargir afbrotamenn gistu fangageymslur lögreglunnar á höfuðborgarsvæðinu í nótt fyrir ýmis afbrot. Tvítugur maður, sem handtekinn var í gær, grunaður um ránið í 11-11 verslun við Hlemm í fyrrakvöld dvelur þar, þar sem hann var í svo annarlegu ástandi í gær að ekki var hægt að yfirheyra hann.

Skerðingar á móti hærri framfærslu

Réttur námsmanna til atvinnuleysisbóta í sumarfríi verður afnuminn, skerðing á námslánum vegna tekna aukin og tekið verður harðar á námsmönnum sem þiggja atvinnuleysisbætur til að skera niður kostnað á móti fimmtungshækkun grunnframfærslu námslána.

Segir Vilhjálm Bjarnason ljúga

Guðmundur Hauksson, fyrrverandi forstjóri SPRON, segir Vilhjálm Bjarnason hafa sagt ósatt þegar hann sagði að fólk tengt Guðmundi hefði selt stofnfjárhluti sumarið 2007.

Mállaus börnin vissu ekki hvar þau voru

Kafli nýrrar skýrslu vistheimilanefndar um Heyrnleysingjaskólann er sláandi. Í honum lýsa nemendur skólagöngu sinni, og lífi sínu þar með, en lengi bjuggu flestir nemenda á vist skólans. Var sumum ekið í skólann að hausti og sóttir að vori.

Sjö-núll fyrir Íslendingum

Íslendingar sigruðu Ísraela með sjö mörkum gegn engu í leik U17-liða kvenna á Kópavogsvelli í gær. Þar af skoraði Þórdís Sigfúsdóttir tvö mörk, með mínútu millibili. Leikurinn var þáttur í undankeppni fyrir Evrópumótið 2011.

Aðild Íslands rökrétt framhald samvinnu

„Innganga Íslands í ESB mun ekki leysa öll vandamál Íslands í efnahagslegu tilliti en getur leikið stórt hlutverk í endurreisninni,“ sagði Olli Rehn, framkvæmdastjóri stækkunarmála hjá ESB, í erindi sínu á fundi Alþjóðamálastofnunar HÍ og utanríkisráðuneytisins í gær.

Hafna kauptilboði frá Kraft

Stjórnendur breska sælgætisfyrirtækisins Cadbury hafa hafnað 10,2 milljarða punda kauptilboði bandaríska fyrirtækisins Kraft. Hlutabréf í Cadbury hækkuðu um fjörutíu prósent í kjölfar fréttanna.

Fleiri Bandaríkjamenn

Fyrstu sex mánuði þessa árs höfðu sjö prósentum fleiri ferðast frá Bandaríkjunum til Íslands miðað við sama tíma árið áður. Á sama tímabili höfðu 9,5 prósentum færri ferðast frá Bandaríkjunum til Evrópu.

Hagsmunir að segja frá brotum

Sérstakur saksóknari hefur vísað fimm kærumálum Fjármálaeftirlitsins (FME) á hendur blaðamönnum frá. Meðal þess sem vísað er til er lýðræðislegt hlutverk fjölmiðla og almannahagsmunir sem felast í að greina frá brotum.

Sykurskattur hækkar íbúðalán um milljarða

Þær hækkanir á óbeinum sköttum, sem Alþingi hefur samþykkt í sumar, hækka höfuðstól verðtryggðra íbúðalána heimilanna um 0,7 prósent, um átta og hálfan milljarð króna.

Tveir smáflokkar með í stjórn

Yukio Hatoyama, leiðtogi Lýðræðisflokksins í Japan, hefur boðið tveimur smáflokkum að ganga með sér í stjórnarsamstarf, þrátt fyrir ágreining flokkanna þriggja um utanríkismál og veru bandarískra hermanna á eyjunni Okinawa.

Gjaldeyrishöft enn um sinn

Áætlun Seðlabanka Íslands um að afnema gjaldeyris­höft er afar varfærin og sú hugmynd er ekki uppi að afnema þau á stuttum tíma. Svo segir Indriði H. Þorláksson, aðstoðar­maður fjármálaráðherra.

Stjórnvöld tryggi rekstur

Bæjarstjórn Akraness samþykkti á fundi sínum á þriðjudag áskorun til ríkisstjórnarinnar um að rekstur Sementsverksmiðjunnar á staðnum verði tryggður til framtíðar. Skessuhorn segir frá.

Mannfallið á Gasa vanmetið

Ísraelsku mannréttindasamtökin B‘Tselem segja stjórnvöld og her vanmeta mjög í opinberum skýrslum mannfallið sem varð í þriggja vikna hernaði á Gasasvæðinu um síðustu áramót.

Virðing borin fyrir Helga

„Þeir eru mjög margir sem hafa áhuga á þessu. Ég finn fyrir því í samfélaginu að þótt fólk sé ekki endilega sammála öllu sem Helgi sagði, þá ber það virðingu fyrir þeirri staðfestu sem hann sýndi í sinni áralöngu baráttu," segir Dagur B. Eggertsson, oddviti Samfylkingar í borgarstjórn Reykjavíkur.

Sala HS Orku væri glapræði

Félagsfundur Vinstri grænna í Reykjavík fordæmir fyrirætlanir meirihluta borgarstjórnar um að selja hlut Orkuveitu Reykjavíkur í HS Orku. Ályktun þess efnis var samþykkt á fundi á mánudag

Vill vera forseti önnur fimm ár

Jose Manuel Barroso sækist eftir að vera forseti framkvæmdastjórnar ESB í önnur fimm ár. Hann svaraði spurningum blaðamanna í gær.

Bæjarstjóranum var sagt upp

Álftanes Bæjarstjórn Álftaness samþykkti í gær­kvöld, með fjórum atkvæðum gegn þremur, að segja upp ráðningarsamningi við Sigurð Magnússon bæjarstjóra.

Endurtalning atkvæða óhjákvæmileg

Kvörtunarnefnd á vegum Sameinuðu þjóðanna segir óhjákvæmilegt að atkvæði úr forsetakosningunum í Afganistan verði endurtalin á kjörstöðum, þar sem rökstuddur grunur leikur á kosningasvindli.

Ráðherra setur fram nýja leið

Kristján L. Möller, ráðherra samgöngu- og sveitarstjórnarmála, hefur kynnt stjórn Sambands íslenskra sveitar­félaga þá hugmynd sína að kannaðir verði mögulegir sam­einingarkostir í hverjum landshluta sem síðar yrðu lagðir fyrir Alþingi. Látið yrði í staðinn af fyrirætlunum um að hækka lágmarksíbúafjölda úr 50 í 1.000.

Alls 27 myrtir frá áramótum

Alls hafa 27 baráttumenn fyrir réttindum verkafólks verið myrtir í Kólumbíu frá áramótum. Tveir voru myrtir í síðustu viku, að því er fram kemur á vef ASÍ. Verkalýðshreyfingin í Kólumbíu og hin alþjóðlega hafa ítrekað beðið kólumbísk stjórnvöld um að stöðva blóðbaðið, segir á vef ASÍ.

Barði lögregluþjón með belti

Karlmaður á þrítugsaldri hefur játað brot gegn valdstjórninni, en honum var gefið að sök að hafa veist að lögreglumanni á Akureyri í sumar. Samkvæmt ákæru réðst maðurinn að að tæplega þrítugum lögregluþjóninum, sem var við skyldustörf, í anddyri íbúðar á Akureyri og sló hann í andlitið með belti. Árásin átti sér stað aðfaranótt 22. júní síðastliðins.

Norðurlöndin sameina krafta

Samkeppniseftirlitið og systurstofnanir þess á Norður­löndum halda sameiginlegan kynningarfund í Reykjavík í dag. Þar verða kynntar sameiginlegar áherslur sem þau hyggjast byggja á í starfi sínu á næstu misserum. Hvatinn að fundinum eru þeir efnahagsörðugleikar sem öll löndin búa við.

Borgarbúar áttu fótum fjör að launa

Að minnsta kosti tuttugu manns létu lífið vegna skyndiflóða í gær í Istanbúl. Alls hafa nærri þrjátíu manns farist í flóðum við norðvestur­strönd Tyrklands nú í vikunni.

Átak gert í ferðamálum

Blásið hefur verið til átaks til að efla ferðaþjónustuna hér á landi. Það eru iðnaðarráðuneytið, Ferðamálastofa, Útflutningsráð og Reykjavíkurborg sem taka höndum saman um málið.

Ævilangt fangelsi fyrir akstur

Tæplega sextugur Kanadamaður, Roger Walsh, var dæmdur í ævilangt fangelsi fyrir að aka niður konu í hjólastól.

Berst fyrir búrkubanni

Sihem Habchi var mikið niðri fyrir þegar hún kom fyrir nýstofnaða þingnefnd í Frakklandi, sem fær það hlutverk að rannsaka fatnað íslamskra kvenna í landinu.

Ísraeli á leið til byggða

Björgunarfélag Ísafjarðar er nú á leið niður úr Þverfjalli með mann sem lenti í sjálfheldu þar fyrr í dag.

Hubble kominn í gagnið - ótrúlegar myndir

Birtar voru myndir og gögn frá fjórum af sex vísindatækjum Hubble sjónaukans í dag sem er í eigu ESA og NASA. Þetta eru fyrstu myndirnar sem eru birtar úr sjónaukanum síðan farið var í metnaðarfullan viðgerðarleiðangur í maí síðastliðnum.

Bólívíumenn ræna mexíkóskri flugvél

Flugræningjar sem eru taldir vera frá Bólivíu rændu mexíkóskri flugvél með hundrað farþegum innanborðs samkvæmt BBC. Vélin var á leiðinni til Cancun í Mexíkó þegar ræningjarnir létu til skara skríða. Vélinni var þá snúið til Mexíkó-borgar þar sem hún lenti.

Fordæmi eru fyrir því að fólk taki systkini sín í fóstur

Það er ekkert í íslenskri löggjöf sem útilokar það að Rebekka María Jóhannesdóttir geti séð um systkini sín eftir andlát móður þeirra. Þetta segir Hrefna Friðriksdóttir, lektor við lagadeild Háskóla Íslands og fyrrverandi lögfræðingur hjá Barnaverndastofu.

Meintur hundafantur kærir bjargvætt

Hundabjargvætturinn Anna María Birgisdóttir, sem bloggar um reynslu sína í dag og segir að þrennt hafi gengið í skrokk á henni á Geirsnefi, hefur verið kærð af meinta hundafantinum. Þetta staðfestir aðstoðaryfirlögregluþjónninn Árni Vigfússon.

Tólf ráðherrar en sautján aðstoðarmenn

Pólitískir aðstoðarmenn núverandi ríkisstjórnar eru öllu fleiri en ráðherrarnir. Gunnar Helgi Kristinsson, prófessor í stjórnmálafræði, segir að ráðherrar hafi heimild til að ráða sér einn pólitískan aðstoðarmann. Séu þeir fleiri, sé farið á svig við lög.

Borgarahreyfingin sem grasrótarafl

Fjórtán liðsmenn Borgarahreyfingarinnar, þar af allir þingmenn hennar, hafa sent frá sér tillögur að samþykktum þar sem áréttað er að hreyfingin verði sem slík áfram en ekki flokki.

Björguðu Ísraela í sjálfheldu

Björgunarfélag Ísafjarðar var kallað út um klukkan fjögur í dag vegna manns sem var í sjálfheldu í Þverfelli í Engidal í Skutulsfirði. Maðurinn, sem er frá Ísrael, var á göngu í fjallinu en fór töluvert út fyrir gönguleið og sat svo fastur í klettabelti í um 800 metra hæð.

Hátt í 10 þjófar handteknir í dag

Lögreglan á höfuðborgarsvæðinu hefur handtekið hátt í tug manna í sérstakri aðgerð gegn þjófnaði á höfuðborgarsvæðinu. Þá hefur lögreglan lagt hald á verðmætt þýfi. Vísir fékk þær upplýsingar frá lögreglunni að aðgerðin teygi sig yfir allt höfuðborgarsvæðið en henni er stjórnað af lögreglumönnum á hverfastöðinni í Grafarvogi. Málið er enn í rannsókn.

Segist hafa sogið bensín en ekki áfengi

Karlmaður sem var sviptur ökuleyfi tímabundið fyrr á árinu segir að bensín sem hann saug upp í sig hafi ruglað áfengismæla lögreglu. Héraðsdómur Reykjavíkur féllst nýverið ekki á þá skýringu og Hæstiréttur staðfesti þann úrskurð í dag.

„Madeleine er dáin“

Dómstóll í Portúgal hefur sett lögbann á bók sem fyrrverandi lögreglumaður þar í landi hefur skrifað um mál Madeleine McCann, litlu stúlkunnar sem hvarf af hótelherbergi árið 2007. Maðurinn, Goncalo Amaral tók þátt í rannsókn málsins á sínum tíma og staðhæfir hann að Maddý sé dáin og að hann leggi engan trúnað á sögu foreldra hennar sem halda því fram að þau hafi verið að borða á veitingastað í nágrenninu þegar stúlkan hvarf.

Hundaníðingar gengu í skrokk á ungri konu

Tvær konur og einn karlmaður gengu í skrokk á ungri konu á Geirsnefi, á útivistarsvæði fyrir hunda, á mánudaginn. Stúlkan segir að konurnar, sem eru mæðgur, hafi sparkað í hana, hangið í hárinu á sér, kýlt sig og lamið.

Landspítalaforstjóri tekur sér leyfi til að vinna í heilbrigðisráðuneytinu

Hulda Gunnlaugsdóttir forstjóri Landspítala tekur að sér tímabundna verkefnisstjórn við að hrinda í framkvæmd aðgerðaáætlun um samstarf og markvissari verkaskiptingu á milli heilbrigðisstofnana. Áður hafði verið tilkynnt að Hulda, sem tók til starfa sem forstjóri í fyrrahaust, myndi taka sér ársleyfi frá störfum.

Barnabarn Stalíns höfðar mál

Jósef Stalín var fyrir rétti í Rússlandi síðastliðinn mánudag. Þar var tekið fyrir mál sem barnabarn hans höfðaði gegn dagblaði sem hélt því fram að hann hefði fyrirskipað morð á sovéskum ríkisborgurum.

Ekki borgarinnar að reisa styttu fyrir Helga Hóseasson

„Ef það er svona mikill áhugi fyrir málinu og 20 þúsund manns búnir að skrá sig fyrir því að þá þarf í raun og veru hver og einn ekki að borga nema þúsund kall í framlag og þá eru komnar 20 milljónir fyrir styttunni," segir Óskar Bergsson,

Karlmaður handtekinn vegna ránsins í 11-11

Karlmaður um tvítugt hefur verið handtekinn í tengslum við rannsókn lögreglunnar á ráni sem var framið í verslun 11-11 við Hlemm á ellefta tímanum í gærkvöld.

Rebekka á von á barni í nóvember

Rebekka María Jóhannesdóttir er aðeins 22 ára gömul en hefur gengið í gegnum miklar raunir á stuttri ævi.