Leik­menn Liverpool rifust um fyrirliðabandið

Jones virðist hafa átt upptökin að rifrildinu þegar leikmenn liðsins gengu um völlinn eftir leik og vinkuðu áhorfendum.

Jones er sagður hafa verið ósáttur við Szoboszlai, sem afhenti Tsimikas fyrirliðabandið þegar hann fór út af.

Tsimikas sást henda fyrirliðabandinu í jörðina en óvíst er hvaða orðaskipti fóru þeirra á milli.

Jones er uppalinn hjá Liverpool en gæti verið á förum frá félaginu í sumar. Inter Milan hefur sýnt honum áhuga og samkvæmt The Athletic hefur ítalska félagið lagt fram 35 milljóna evra tilboð í leikmanninn.

Næsti leikur Liverpool, í æfingaferð liðsins í Bandaríkjunum, verður gegn Leeds á sunnudag í Chicago borg.

Aðdáendur Liverpool birtu myndskeið af atvikinu sem má sjá hér fyrir neðan.