Erlent

Pútín Rússlandsforseti flytur stefnuræðu sína í dag

Gunnar Reynir Valþórsson skrifar
Búist er við því að forsetinn tilkynni um næstu skref í stríðinu í Úkraínu.
Búist er við því að forsetinn tilkynni um næstu skref í stríðinu í Úkraínu. AP Photo

Vladimír Pútín Rússlandsforseti mun í dag flytja árlega stefnuræðu sína til rússnesku þjóðarinnar. Til stóð að ræðan yrði flutt í desember síðastliðnum en henni var frestað vegna stríðsins í Úkraínu.

Í dag er ár liðið síðan Pútín viðurkenndi sjálfstæði Luhansk og Donetsk héraðanna í Úkraínu sem var fyrirboðinn að innrás Rússa inn í Úkraínu en á föstudaginn kemur verður ár liðið frá upphaf innrásar.

Fastlega er búist við því að Pútín noti ræðuna á eftir til að boða það sem framundan sé í stríðinu í Úkraínu. 

Joe Biden Bandaríkjaforseti heimsótti óvænt Kænugarð höfuðborg Úkraínu í gær og hitti þar kollega sinn Volodomír Selenskí þar sem hann lofaði áframhaldandi stuðningi við Úkraínumenn. Í dag mun Biden síðan hitta Andrzej Duda forseta Póllands til að ræða aðgerðir til aðstoðar Úkraínu. Að loknum fundi með Póllandsforseta mun Biden síðan flytja ávarp einnig.

Innrás Rússa í Úkraínu Vladimír Pútín Joe Biden Rússland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið