Hægur vindur víðast hvar og frost að tólf stigum

Í hugleiðingum veðurfræðings segir að útlit sé fyrir dálítil él, einkum við sjóinn, en þurrt að kalla og lengst af bjartviðri suðvestantil.

Seinni partinn kemur úrkomubakki að austurlandi með snjókomu austan- og suðaustanlands.

Frost verður á bilinu núll til tólf stig, kaldast inn til landsins.

Veðurhorfur á landinu næstu daga

Á föstudag: Norðlæg átt 5-13 m/s og stöku él, en þurrt að kalla um landið sunnanvert. Frost 3 til 10 stig.

Á laugardag: Norðaustan 10-18 m/s, hvassast á Vestfjörðum og með suðausturströndinni. Slydda eða snjókoma með köflum, en þurrt fram eftir degi á Norðausturlandi. Hlýnandi veður, hiti um frostmark síðdegis.

Á sunnudag: Norðaustan 10-18 m/s, hvassast á Vestfjörðum. Slydda eða rigning, en snjókoma norðvestantil. Hiti kringum frostmark.

Á mánudag: Norðlæg átt og snjókoma eða slydda, en þurrt að kalla sunnan heiða. Kólnandi.

Á þriðjudag: Norðaustlæg átt með snjókomu eða él. Hiti um frostmark.

Á miðvikudag: Útlit fyrir norðlæga átt og él, en þurrt að kalla sunnantil. Kólnar í veðri.