Geir tók við starfinu hjá ÍA fyrir tveimur árum. Hann verður félaginu innan handar næstu mánuði að því er fram kemur í tilkynningu frá því.
Geir starfaði áður hjá KSÍ um langt skeið og var meðal annars formaður sambandsins á árunum 2007-17. Þar áður var hann framkvæmdastjóri KSÍ. Geir bauð sig fram til formanns KSÍ 2019 en laut í lægra haldi fyrir Guðna Bergssyni.
Karlalið ÍA féll úr Bestu deildinni í sumar á meðan kvennaliðið endaði í 5. sæti 2. deildar.
