Veður

Sumar og vetur berjast um völdin næstu daga

Atli Ísleifsson skrifar
Hiti verður á bilinu núll til fimm stig í dag.
Hiti verður á bilinu núll til fimm stig í dag. Vísir/Vilhelm

Sumar og vetur berjast um völdin í veðrinu á landinu næstu daga. Fremur hægur vindur og sums staðar skúrir í dag, en kólnar með rigningu eða slyddu um landið norðvestanvert í stífri norðaustanátt. Hiti verður á bilinu núll til fimm stig.

Í hugleiðingum veðurfræðings á vef Veðurstofunnar segir að norðaustanáttin ráði síðan ríkjum á landinu á morgun og verði vetrarlegt um að lítast norðanlands með snjókomu eða slyddu á köflum.

„Sunnantil á landinu nær sólin að hlýja okkur, sérstaklega þar sem dálítið skjól er fyrir norðanáttinni. Kólnar þó smám saman þegar líður á vikuna með éljum og frosti fyrir norðan. Úrkomulítið sunnan heiða og heldur hlýrra í veðri. Það er síðan ekki fyrr en á sunnudag að norðanáttin gefur eftir fyrir suðaustlægum áttum með hlýnandi veðri,“ segir á vef Veðurstofunnar.

Spákortið fyrir klukkan 14.Veðurstofan

Veðurhorfur á landinu næstu daga

Á þriðjudag: Norðaustan 8-15 m/s og slydda eða snjókoma með köflum, hiti 0 til 5 stig. Hægari vindur sunnan heiða og skúrir eða slydduél, einkum síðdegis og hiti 5 til 11 stig.

Á miðvikudag: Norðaustlæg átt 8-13 og snjókoma eða slydda með köflum, en rigning á láglendi syðst. Hiti 0 til 5 stig að deginum.

Á fimmtudag: Norðaustan 8-15 m/s um landið norðvestanvert, en annars hægari vindur. Viða él, en úrkomulítið suðaustanlands. Hiti um frostmark, en hiti að 5 stigum sunnanlands að deginum.

Á föstudag: Norðlæg átt og stöku él, en víða þurrt og bjart á Suður- og Vesturlandi. Vægt frost, en hiti 0 til 5 stig sunnantil.

Á laugardag: Útlit fyrir austlæga átt og hlýnar lítið eitt. Rigning eða slydda sunnan- og vestanlands, en annars úrkomulítið.

Á sunnudag: Suðaustlæg átt, vætusamt og hlýnandi veður.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×