Veður

Hvasst og dá­lítil rigning eða slydda syðst

Atli Ísleifsson skrifar
Á morgun er spáð vætu með köflum á sunnanverðu landinu.
Á morgun er spáð vætu með köflum á sunnanverðu landinu. Vísir/Vilhelm

Veðurstofan spáir austlægri átt, allhvassri eða hvassri, með dálítilli rigningu eða slyddu syðst á landinu. Annars staðar verður mun hægari vindur og smá él eystra, en annars bjart með köflum.

Á vef Veðurstofunnar segir að það hiti verði á bilinu núll til tíu stig yfir daginn, mildast suðvestanlands. „Fremur hlýtt á sunnanverðu landinu, en kringum frostmark norðan til.

Væta með köflum á sunnanverðu landinu á morgun, en annars þurrt og hlýnar heldur. Suðaustanstrekkingur og rigning með köflum á miðvikudag, en þurrt norðaustan til og fremur hlýtt í veðri.“

Spákortið fyrir klukkan 14.Veðurstofan

Veðurhorfur á landinu næstu daga

Á miðvikudag: Austlæg átt, 5-13 m/s, en 13-18 allra syðst. Víða bjartviðri, en skýjað og lítilsháttar væta með suður- og austurströndinni. Hiti 1 til 10 stig, hlýjast suðvestantil.

Á fimmtudag og föstudag: Sunnan og suðaustan 10-18 m/s með rigningu eða súld, en úrkomulítið norðaustanlands. Hiti 5 til 12 stig, hlýjast nyrst.

Á laugardag: Sunnan og síðar suðvestanátt og rigning með köflum, en þurrt að kalla á Norður- og Austurlandi. Hiti 3 til 13 stig, hlýjast norðaustanlands.

Á sunnudag: Útlit fyrir suðvestlæga átt og skýjað með köflum, en smá vætu sunnan- og vestantil. Kólnar í veðri á vestanverðu landinu.

Á mánudag: Líklega fremur hæg norðlæg átt og stöku él fyrir norðan, en bjart með köflum syðra. Fremur svalt í veðri.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.