Lýsir erfiðu lífi í nýsjálensku leiðinni Óttar Kolbeinsson Proppé skrifar 3. ágúst 2021 11:36 Sigurgeir Pétursson er sjómaður og ræðismaður Íslands í Nýja-Sjálandi. aðsend/getty/andrew merry Hin svokallaða „nýsjálenska leið“ í baráttunni við heimsfaraldurinn, sem margir stjórnarandstæðingar hafa talað fyrir í fjölda mánaða, er engin útópía og henni fylgja ýmsir gallar sem hafa farið fram hjá Íslendingum í umræðunni, að sögn Sigurgeirs Péturssonar, ræðismanns Íslands á Nýja-Sjálandi. Hann skrifaði grein á Vísi um helgina þar sem hann lýsir lífinu í Nýja-Sjálandi; miklum göllum sem fylgja lokuðum landamærum, afar bágri stöðu ferðaþjónustunnar og húsnæðisverði, sem hefur rokið upp úr öllu valdi. Öll ákvarðanataka stjórnvalda þar úti hafi líka litast af mikilli pólitík. Sigurgeir kveður upp þennan dóm sinn í lok greinarinnar: „Mér finnst betur staðið að málum á Íslandi með sóttvarnarteymið sem tekur pólitík að miklu leyti út úr þessu mjög svo erfiða máli.“ Margir Íslendingar vilja fara nýsjálensku leiðina Helsti munurinn á þeirri leið sem Nýsjálendingar hafa farið í baráttunni við veiruna og þeirri sem íslensk stjórnvöld hafa valið er fókusinn á að halda veirunni algjörlega fyrir utan samfélagið með hörðum aðgerðum á landamærunum. Landamæri Nýja-Sjálands hafa verið lokuð öllum nema Nýsjálendingum síðan í mars í fyrra og um þá Nýsjálendinga sem vilja koma inn í landið gildir að þeir þurfa að dvelja sóttvarnahóteli í 14 daga við komuna til landsins. Á móti hafa almennt verið mun vægari aðgerðir innanlands í Nýja-Sjálandi en á Íslandi, mun færri greinst með veiruna og þar af leiðandi mun færri sem hafa veikst alvarlega eða látist. Gunnar Smári Egilsson, stofnandi Sósíalistaflokksins, gerði nýsjálensku leiðina að umfjöllunarefni sínu í aðsendri grein á Vísi í síðustu viku þar sem hann harmar það að Ísland hafi ekki farið sömu leið. Gunnar Smári Egilsson vill fara nýsjálensku leiðina. Margir úr stjórnarandstöðuflokkunum hafa talað fyrir svipuðum aðferðum, til dæmis þingmenn Flokks fólksins og Samfylkingarinnar. Stöð 2 Hann vísar þá í að vilji mikils meirihluta þjóðarinnar sé sá að herða frekar aðgerðir á landamærum en innanlands. Niðurstöður könnunar Félagsvísindastofnunar Háskóla Íslands í apríl síðastliðnum sýndu að 92 prósent svarenda vildu frekar harðar aðgerðir á landamærum en innanlands. Gunnari Smára þótti ríkisstjórnin eiga að biðja þjóðina afsökunar á að hafa ekki farið þessa leið. Það er þessi grein Gunnars Smára sem varð til þess að Sigurgeir fann sig knúinn til að lýsa ástandinu í Nýja-Sjálandi nánar og benda á mikla galla leiðarinnar sem þar var farin. Kostar um hálfa milljón að koma heim Fyrst nefnir hann fyrirkomulagið á landamærunum, sem gerir þeim sem búa í Nýja-Sjálandi það nánast ógerlegt að ferðast nokkuð úr fyrir landsteinana. 14 daga dvöl á sóttvarnarhótelum við komuna til landsins kosti um 280 þúsund íslenskar krónur. „Það eru einungis 4000 herbergi sem gegna þessu hlutverki og ca. 500 þeirra eru ekki á „almenna markaðinum“ þar sem þau eru frátekin vegna sérstakra tilfella sem fá undanþágur. Það hafa helst verið „vinir“ ríkisstjórnarinnar, oft og tíðum mjög ríkir, sem fá slíkar undanþágur. Herbergin eru sett á síðu ráðuneytisins af og til og enginn veit hvenær. Herbergin hafa undanfarna mánuði selst upp á ca. ¾ úr sekúndu eftir að þau eru sett i sölu,“ skrifar hann. Þar hafi svokallaðir tölvubottar tekið yfir og þegar herbergi fara í sölu á netinu nái þeir að kaupa þau samstundis. Þeir sem ráða yfir slíkum bottum selja síðan herbergin á okurverði, oft í kring um 260 þúsund krónur aukalega. „Það er því ekki óvarlegt að áætla að Nýsjálendingar sem vilja komast heim, þurfi í dag að borga ca. 550.000 krónur til þess eins að fá aðgang að sóttkvíarhóteli, einhvern tímann á næstu mánuðum,“ skrifar Sigurgeir. Á Nýja-Sjálandi er mjög mikið um innflytjendur og hafa fjölmargir ekki getað hitt fjölskyldu sína og vini vegna ástandsins síðan faraldurinn hófst. Sjálfur komst Sigurgeir ekki í jarðarför tengdamóður sinnar og hefur ekki enn hitt afadóttur sína, sem fæddist í byrjun síðasta árs. Húsnæðismarkaður í hakki Efnahagurinn úti hefur að sögn Sigurgeirs haldist nokkuð góður. Það skýrist að miklu leyti af því að Nýja-Sjáland er matarkista og þar séu árlega framleiddar matvörur sem myndu endast Nýsjálendingum í 13 ár. Það sé líka vegna mikillar peningaprentunar stjórnvalda: „Ríkið dælir tugum milljarða dollara inn í hagkerfið, nánast vaxtalaust. Þetta hefur leitt til mikilla hækkana á húsnæðisverði sem hefur að meðaltali hækkað um 30% s.l. 12 mánuði og er nú orðið nánast ógerningur fyrir fyrstu kaupendur að eignast húsnæði. Einnig hefur mikið af þessum nánast fríu peningum farið i allslags viðhald og endurbætur á húsnæði og er nú nánast vonlaust að fá efni eða menn til slíkrar vinnu og verðið hefur rokið upp,“ skrifar hann. Til samanburðar má nefna að húsnæðisverð á Íslandi hefur hækkað um 16 prósent á síðastliðnum tólf mánuðum. Ferðaþjónustan í molum „Á meðan er ferðamannaiðnaðurinn í rústum og á sér ekki viðreisnarvon. Ráðherrar hafa hreinlega sagt að þegar þeir ákveða einhverntímann í framtíðinni að opna landamærin aftur, sjái þeir ekki fjöldatúrisma sem hluta af framtíðinni. Ferðaþjónustufyrirtækin standa ráðþrota frammi fyrir þessari framtíðarsýn. Þúsundir fyrirtækja og tugþúsundir starfa standa og falla með þessu,“ skrifar Sigurgeir. Þá sé lúxussnekkjuiðnaðurinn, sem hafði byggst upp á Nýja-Sjálandi á síðustu árum og þarfnast mikillar sérþekkingar, nú hruninn. „Út frá þessu skapaðist annar iðnaður þar sem Nýsjálendingar voru afar vinsælir sem áhafnir á lúxussnekkjunum, oft i mjög eftirsóttum og hálaunuðum störfum. Þetta er nánast ógerningur i dag.“ Sigurgeir vill því meina að íslenska leiðin sé betri en sú nýsjálenska þegar allt kemur til alls. „Ætli Ísland alvarlega að skoða „nýsjálensku leiðina“ eins og Gunnar Smári leggur til, mæli ég eindregið með því að tekið verði tillit til þess sem ég hef nefnt i þessum pistli,“ skrifar hann. Faraldur kórónuveiru (COVID-19) Nýja-Sjáland Ríkisstjórn Katrínar Jakobsdóttur Íslendingar erlendis Mest lesið Bensínbrúsar inni í íbúðinni Innlent Fólk látið vinna of hratt og fái ekki greitt fyrir alla vinnuna Innlent Fólk í fjarvinnu finni fyrir minni streitu Innlent Sást ekki til sólar fyrir mýi Innlent Fólk veltir fyrir sér hvort Áslaug Arna hafi verið slompuð í ræðustól Innlent Áfengi og íþróttaviðburðir geti átt samleið sé farið að lögum Innlent Fjögurra ára gömul hola heyrir brátt sögunni til Innlent Lagði Livio sem þarf að punga út 25 milljónum króna Innlent Maðurinn kominn í leitirnar Innlent Hafi verulega þýðingu hvort Dagbjört hafi haft ásetning til morðs Innlent Fleiri fréttir Tólf særðir eftir hnífstunguárás í Hamborg Vilja breyta mannréttindasáttmála til að auðvelda sér að sparka innflytjendum úr landi Hvetja Íslendinga í Harvard til að hafa samband Ákærður fyrir að myrða sendiráðsstarfsfólk Ísraels Netanjahú segir Starmer, Macron og Carney draga taum Hamas Rússar notuðu Brasilíu sem njósnaraverksmiðju Íslendingur í Bandaríkjunum: „Þetta er mjög óþægileg staða“ Banna erlendum nemendum að sækja Harvard Eyðilegging í íbúðahverfi í San Diego eftir að lítil flugvél hrapaði Samþykktu billjóna dollara skattalækkanir og niðurskurð til velferðarmála Norðmaður fékk flutningaskip næstum inn í húsið á meðan hann svaf Tveir ísraelskir sendiráðsstarfmenn skotnir til bana í Washington Íbúar Austur-Grænlands mótmæltu einangrun og pólitísku afskiptaleysi Skutu mann í röngu húsi en brutu ekki af sér Nota lygapróf til að leita lekamanna og refsa þeim Notuðu þúsundir myndavéla til að vakta hergagnaflutninga Sat fyrir forseta Suður-Afríku með ásökunum um þjóðarmorð á hvítum Handtóku unga öfgahægrimenn sem hugðu á hryðjuverk Úkraínskur fyrrverandi embættismaður skotinn til bana í Madrid Norðmenn þurfa að taka tillit til loftslagsáhrifa olíuvinnslunar Dreifing hjálpargagna enn ekki hafin Senda farandfólk frá Asíu til Suður-Súdan Synir El Chapo sagðir hafa myndað afdrífaríkt bandalag Ætlar að eyða mun minna í pólitíkina Hætta viðræðum við Ísrael og boða aðgerðir Evrópuríki leggja refsiaðgerðir á „skuggaflota“ Rússa Fjarlægja höfundarmerkingu einnar frægustu fréttaljósmyndar sögunnar Leiðtogar Bretlands, Frakklands og Kanada hóta aðgerðum gegn Ísrael Sagði „Diddy“ hafa hótað að láta hana hverfa Suðureyjargöng náðu ekki í gegnum Lögþingið Sjá meira
Hann skrifaði grein á Vísi um helgina þar sem hann lýsir lífinu í Nýja-Sjálandi; miklum göllum sem fylgja lokuðum landamærum, afar bágri stöðu ferðaþjónustunnar og húsnæðisverði, sem hefur rokið upp úr öllu valdi. Öll ákvarðanataka stjórnvalda þar úti hafi líka litast af mikilli pólitík. Sigurgeir kveður upp þennan dóm sinn í lok greinarinnar: „Mér finnst betur staðið að málum á Íslandi með sóttvarnarteymið sem tekur pólitík að miklu leyti út úr þessu mjög svo erfiða máli.“ Margir Íslendingar vilja fara nýsjálensku leiðina Helsti munurinn á þeirri leið sem Nýsjálendingar hafa farið í baráttunni við veiruna og þeirri sem íslensk stjórnvöld hafa valið er fókusinn á að halda veirunni algjörlega fyrir utan samfélagið með hörðum aðgerðum á landamærunum. Landamæri Nýja-Sjálands hafa verið lokuð öllum nema Nýsjálendingum síðan í mars í fyrra og um þá Nýsjálendinga sem vilja koma inn í landið gildir að þeir þurfa að dvelja sóttvarnahóteli í 14 daga við komuna til landsins. Á móti hafa almennt verið mun vægari aðgerðir innanlands í Nýja-Sjálandi en á Íslandi, mun færri greinst með veiruna og þar af leiðandi mun færri sem hafa veikst alvarlega eða látist. Gunnar Smári Egilsson, stofnandi Sósíalistaflokksins, gerði nýsjálensku leiðina að umfjöllunarefni sínu í aðsendri grein á Vísi í síðustu viku þar sem hann harmar það að Ísland hafi ekki farið sömu leið. Gunnar Smári Egilsson vill fara nýsjálensku leiðina. Margir úr stjórnarandstöðuflokkunum hafa talað fyrir svipuðum aðferðum, til dæmis þingmenn Flokks fólksins og Samfylkingarinnar. Stöð 2 Hann vísar þá í að vilji mikils meirihluta þjóðarinnar sé sá að herða frekar aðgerðir á landamærum en innanlands. Niðurstöður könnunar Félagsvísindastofnunar Háskóla Íslands í apríl síðastliðnum sýndu að 92 prósent svarenda vildu frekar harðar aðgerðir á landamærum en innanlands. Gunnari Smára þótti ríkisstjórnin eiga að biðja þjóðina afsökunar á að hafa ekki farið þessa leið. Það er þessi grein Gunnars Smára sem varð til þess að Sigurgeir fann sig knúinn til að lýsa ástandinu í Nýja-Sjálandi nánar og benda á mikla galla leiðarinnar sem þar var farin. Kostar um hálfa milljón að koma heim Fyrst nefnir hann fyrirkomulagið á landamærunum, sem gerir þeim sem búa í Nýja-Sjálandi það nánast ógerlegt að ferðast nokkuð úr fyrir landsteinana. 14 daga dvöl á sóttvarnarhótelum við komuna til landsins kosti um 280 þúsund íslenskar krónur. „Það eru einungis 4000 herbergi sem gegna þessu hlutverki og ca. 500 þeirra eru ekki á „almenna markaðinum“ þar sem þau eru frátekin vegna sérstakra tilfella sem fá undanþágur. Það hafa helst verið „vinir“ ríkisstjórnarinnar, oft og tíðum mjög ríkir, sem fá slíkar undanþágur. Herbergin eru sett á síðu ráðuneytisins af og til og enginn veit hvenær. Herbergin hafa undanfarna mánuði selst upp á ca. ¾ úr sekúndu eftir að þau eru sett i sölu,“ skrifar hann. Þar hafi svokallaðir tölvubottar tekið yfir og þegar herbergi fara í sölu á netinu nái þeir að kaupa þau samstundis. Þeir sem ráða yfir slíkum bottum selja síðan herbergin á okurverði, oft í kring um 260 þúsund krónur aukalega. „Það er því ekki óvarlegt að áætla að Nýsjálendingar sem vilja komast heim, þurfi í dag að borga ca. 550.000 krónur til þess eins að fá aðgang að sóttkvíarhóteli, einhvern tímann á næstu mánuðum,“ skrifar Sigurgeir. Á Nýja-Sjálandi er mjög mikið um innflytjendur og hafa fjölmargir ekki getað hitt fjölskyldu sína og vini vegna ástandsins síðan faraldurinn hófst. Sjálfur komst Sigurgeir ekki í jarðarför tengdamóður sinnar og hefur ekki enn hitt afadóttur sína, sem fæddist í byrjun síðasta árs. Húsnæðismarkaður í hakki Efnahagurinn úti hefur að sögn Sigurgeirs haldist nokkuð góður. Það skýrist að miklu leyti af því að Nýja-Sjáland er matarkista og þar séu árlega framleiddar matvörur sem myndu endast Nýsjálendingum í 13 ár. Það sé líka vegna mikillar peningaprentunar stjórnvalda: „Ríkið dælir tugum milljarða dollara inn í hagkerfið, nánast vaxtalaust. Þetta hefur leitt til mikilla hækkana á húsnæðisverði sem hefur að meðaltali hækkað um 30% s.l. 12 mánuði og er nú orðið nánast ógerningur fyrir fyrstu kaupendur að eignast húsnæði. Einnig hefur mikið af þessum nánast fríu peningum farið i allslags viðhald og endurbætur á húsnæði og er nú nánast vonlaust að fá efni eða menn til slíkrar vinnu og verðið hefur rokið upp,“ skrifar hann. Til samanburðar má nefna að húsnæðisverð á Íslandi hefur hækkað um 16 prósent á síðastliðnum tólf mánuðum. Ferðaþjónustan í molum „Á meðan er ferðamannaiðnaðurinn í rústum og á sér ekki viðreisnarvon. Ráðherrar hafa hreinlega sagt að þegar þeir ákveða einhverntímann í framtíðinni að opna landamærin aftur, sjái þeir ekki fjöldatúrisma sem hluta af framtíðinni. Ferðaþjónustufyrirtækin standa ráðþrota frammi fyrir þessari framtíðarsýn. Þúsundir fyrirtækja og tugþúsundir starfa standa og falla með þessu,“ skrifar Sigurgeir. Þá sé lúxussnekkjuiðnaðurinn, sem hafði byggst upp á Nýja-Sjálandi á síðustu árum og þarfnast mikillar sérþekkingar, nú hruninn. „Út frá þessu skapaðist annar iðnaður þar sem Nýsjálendingar voru afar vinsælir sem áhafnir á lúxussnekkjunum, oft i mjög eftirsóttum og hálaunuðum störfum. Þetta er nánast ógerningur i dag.“ Sigurgeir vill því meina að íslenska leiðin sé betri en sú nýsjálenska þegar allt kemur til alls. „Ætli Ísland alvarlega að skoða „nýsjálensku leiðina“ eins og Gunnar Smári leggur til, mæli ég eindregið með því að tekið verði tillit til þess sem ég hef nefnt i þessum pistli,“ skrifar hann.
Faraldur kórónuveiru (COVID-19) Nýja-Sjáland Ríkisstjórn Katrínar Jakobsdóttur Íslendingar erlendis Mest lesið Bensínbrúsar inni í íbúðinni Innlent Fólk látið vinna of hratt og fái ekki greitt fyrir alla vinnuna Innlent Fólk í fjarvinnu finni fyrir minni streitu Innlent Sást ekki til sólar fyrir mýi Innlent Fólk veltir fyrir sér hvort Áslaug Arna hafi verið slompuð í ræðustól Innlent Áfengi og íþróttaviðburðir geti átt samleið sé farið að lögum Innlent Fjögurra ára gömul hola heyrir brátt sögunni til Innlent Lagði Livio sem þarf að punga út 25 milljónum króna Innlent Maðurinn kominn í leitirnar Innlent Hafi verulega þýðingu hvort Dagbjört hafi haft ásetning til morðs Innlent Fleiri fréttir Tólf særðir eftir hnífstunguárás í Hamborg Vilja breyta mannréttindasáttmála til að auðvelda sér að sparka innflytjendum úr landi Hvetja Íslendinga í Harvard til að hafa samband Ákærður fyrir að myrða sendiráðsstarfsfólk Ísraels Netanjahú segir Starmer, Macron og Carney draga taum Hamas Rússar notuðu Brasilíu sem njósnaraverksmiðju Íslendingur í Bandaríkjunum: „Þetta er mjög óþægileg staða“ Banna erlendum nemendum að sækja Harvard Eyðilegging í íbúðahverfi í San Diego eftir að lítil flugvél hrapaði Samþykktu billjóna dollara skattalækkanir og niðurskurð til velferðarmála Norðmaður fékk flutningaskip næstum inn í húsið á meðan hann svaf Tveir ísraelskir sendiráðsstarfmenn skotnir til bana í Washington Íbúar Austur-Grænlands mótmæltu einangrun og pólitísku afskiptaleysi Skutu mann í röngu húsi en brutu ekki af sér Nota lygapróf til að leita lekamanna og refsa þeim Notuðu þúsundir myndavéla til að vakta hergagnaflutninga Sat fyrir forseta Suður-Afríku með ásökunum um þjóðarmorð á hvítum Handtóku unga öfgahægrimenn sem hugðu á hryðjuverk Úkraínskur fyrrverandi embættismaður skotinn til bana í Madrid Norðmenn þurfa að taka tillit til loftslagsáhrifa olíuvinnslunar Dreifing hjálpargagna enn ekki hafin Senda farandfólk frá Asíu til Suður-Súdan Synir El Chapo sagðir hafa myndað afdrífaríkt bandalag Ætlar að eyða mun minna í pólitíkina Hætta viðræðum við Ísrael og boða aðgerðir Evrópuríki leggja refsiaðgerðir á „skuggaflota“ Rússa Fjarlægja höfundarmerkingu einnar frægustu fréttaljósmyndar sögunnar Leiðtogar Bretlands, Frakklands og Kanada hóta aðgerðum gegn Ísrael Sagði „Diddy“ hafa hótað að láta hana hverfa Suðureyjargöng náðu ekki í gegnum Lögþingið Sjá meira