Boris Johnson laus af gjörgæslu

Sylvía Hall skrifar 9. apríl 2020 18:52

Boris Johnson forsætisráðherra Bretlands er laus af gjörgæsludeild en mun áfram liggja inni á sjúkrahúsi þar sem hann verður undir eftirliti lækna. Johnson var fluttur á gjörgæslu eftir að heilsu hans hrakaði fyrir þremur dögum síðan.

Þetta kemur fram á vef BBC.

Johnson greindist með kórónuveiruna sem veldur Covid-19 sjúkdómnum í lok marsmánaðar og var lagður inn á sjúkrahús síðustu helgi, tíu dögum eftir að hann fékk greiningu.

Eftir að hann fór að finna fyrir öndunarerfiðleikum var ákveðið að flytja hann á gjörgæslu þar sem hann fékk súrefni. Hann þurfti þó ekki á öndunarvél að halda og var með meðvitund.

Útgöngubann er í gildi á Bretlandi og á það að gilda þar til í næstu viku. Samkvæmt frétt Reuters er þó umræða í ríkisstjórninni um að framlengja bannið enn frekar og tryggja félagsforðun lengur.

Alls hafa 61.519 greinst með kórónuveiruna í Bretlandi og hafa rúmlega sjö þúsund látið lífið.

Bretland Faraldur kórónuveiru (COVID-19)

Tengdar fréttir

Boris brattur á gjörgæslunni

Boris Johnson, forsætisráðherra Bretlands, er ennþá á gjörgæslu eftir að hafa smitast af kórónuveirunni. Hann er þó allur að koma til að sögn ráðherra í ríkisstjórn hans.

8. apríl 2020 20:51

Leiðtogar senda Boris Johnson góða strauma

Stjórnmálaleiðtogar víðs vegar um heim hafa brugðist við fréttunum af því að Boris Johnson, forsætisráðherra Bretlands, hafi verið fluttur á gjörgæsludeild St Thomas sjúkrahússins þar sem hann nýtur aðhlynningar vegna Covid-19.

7. apríl 2020 07:32

Boris Johnson fluttur á gjörgæslu

Forsætisráðherra Bretlands, Boris Johnson, hefur verið fluttur á gjörgæslu. Boris greindist á dögunum með kórónuveiruna.

6. apríl 2020 19:20

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.