Stoltur Keane: Þetta var Manchester United frammistaða
Roy Keane, fyrrum fyrirliði Manchester United, var ánægður með sitt fyrrum félag í gær er liðið hafði betur gegn Man. City í grannaslag, 2-1.
United liðið lék frábærlega í leiknum og átti sigurinn fyllilega skilið en liðið hefði getað skorað enn fleiri mörk í leiknum.
Nú hefur liðið unnið Tottenham og Manchester City i sömu vikunni og Keane sagði á Sky Sports í gær að hann sé hissa.
„Ég bjóst alls ekki við þessu. Þetta var frábært. Alvöru United frammistaða. Mikið hugrekki og þeir voru framúrskarandi,“ sagði Keane eftir leikinn.
„Ég held að sigurinn gegn Tottenham hafi ekki verið stór en að vinna hér gefur leikmönnunum mikið sjálfstraust þar sem þeir hafa verið gagnrýndir og það líkar það engum.“
Roy Keane hailed a "proper Manchester United performance" after watching his former side beat Manchester City 2-1 in the derby.
— Sky Sports Premier League (@SkySportsPL) December 7, 2019
„Ég tek hattinn af fyrir Manchester United. Hvað sem gerist í janúar með allar þessar sögusagnir og spurningarmerki um framtíð Ole þá voru þeir frábærir í dag. Þetta var Manchester United frammistaða.“
„Ég naut þess að horfa á þá. Þetta er það sem Manchester United snýst um. En lykillinn er stöðugleiki. Vonandi munu ungu drengirnir verða meira stöðugri,“ sagði Keane.
Tengdar fréttir
Rauð jól í Manchester
Manchester United hafði betur í grannaslagnum gegn Englandsmeisturum Manchester City.
Rashford: Hefðum átt að skora fleiri mörk
Marcus Rashford var í lykilhlutverki þegar Man Utd lagði granna sína í Man City í stórleik dagsins í enska boltanum.
Guardiola: Ég óskaði mínu liði til hamingju
Pep Guardiola, stjóri Man City, var í skýjunum með frammistöðu sinna manna þrátt fyrir 1-2 tap gegn Man Utd í stórleik dagsins í enska boltanum.
Man City sendir frá sér yfirlýsingu í kjölfar kynþáttaníðs
Illa upplýstur stuðningsmaður Manchester City mun ekki fá að mæta oftar á Etihad leikvanginn eftir að hafa orðið uppvís að kynþáttaníði á grannaslag Man City og Man Utd í ensku úrvalsdeildinni í dag.
