Annað mark Manchester United í 3-1 sigrinum á Brighton í ensku úrvalsdeildinni á sunnudaginn hefur verið skráð á Scott McTominay.
Markið var upphaflega skráð sem sjálfsmark Davys Propper. Skot McTominays eftir hornspyrnu á 19. mínútu fór þá af Propper og í netið.
United áfrýjaði skráningu marksins og eftir nánari skoðun var það skráð á McTominay.
Skotinn hefur því skorað þrjú mörk í ensku úrvalsdeildinni á tímabilinu. Hann skoraði einnig í 1-1 jafntefli við Arsenal og í 1-3 sigri á Norwich City.
McTominay meiddist á ökkla undir lok leiks gegn Brighton og þurfti að draga sig út úr skoska landsliðinu sem mætir Kýpur og Kasakstan í undankeppni EM 2020.
Ekki er vitað hversu alvarlega meiðsli McTominays eru eða hversu lengi hann verður frá.
Annað mark United gegn Brighton skráð á McTominay
Tengdar fréttir
Ekkert lið stillt upp yngra liði á leiktíðinni en Man. United í gær: Það yngsta hjá félaginu síðan 2017
Ole Gunnar Solskjær stýrði Manchester United til sigurs í ensku úrvalsdeildinni í gær en Rauðu djöflarnir unnu 3-1 sigur á Brighton á Old Trafford.
Manchester United upp í 7. sætið eftir auðveldan sigur á Brighton
Auðvelt hjá Man. United á heimavelli í dag.
