Mauricio Pochettino, knattspyrnustjóri Tottenham, var afar ósáttur við að Spurs reyndi ekki að fá Philippe Coutinho í sumar samkvæmt enskum fjölmiðlum.

Barcelona lánaði Coutinho til Bayern München áður en félagaskiptaglugganum lokaði í sumar.

Pochettino vildi fá Coutinho en hann þjálfaði hann hjá Espanyol 2012. Brassinn lék þá 16 leiki fyrir Espanyol og skoraði fimm mörk.

Coutinho hefur ekki fundið fjölina sína hjá Bayern og ekki átt fast sæti í byrjunarliði þýsku meistaranna.

Hann þekkir vel til á Englandi en hann lék með Liverpool á árunum 2013-18.