Lögreglumaður ákærður fyrir morð á fótboltamanni
Fótboltamaðurinn Dalian Atkinson lést árið 2016 og nú fyrst hefur maður verið ákærður fyrir að hafa ollið dauða hans.
Dalian Atkinson var fyrrum leikmaður Aston Villa en hann var 48 ára gamall þegar hann lést.
Atkinson lést á heimili föður síns eftir að hafa fengið rafstuð úr rafbyssu lögreglumanns 15. ágúst síðastliðinn. Sá lögreglumaður hefur nú verið ákærður fyrir morð og lögreglumaðurinn sem var með honum hefur verið ákærður fyrir líkamsárás.
Cop charged with MURDER over death of ex-footie star Dalian Atkinson who was shot with Taser https://t.co/vkhiVjRG8p pic.twitter.com/dGgso5rZSr
— The Scottish Sun (@ScottishSun) November 7, 2019
Lögreglumennirnir koma fyrir rétt í Birmingham.
Fjölskylda Dalians Atkinson hefur fengið að vita af ákærunni og sendi hún síðan frá sér yfirlýsingu. Þar fagna þau þessum fréttum en harma það samt um leið að ákæran liti ekki dagsins ljós fyrr en þremur árum eftir að Dalian dó.
Lögreglumennirnir komu að húsinu í Telford í um klukkan hálf tvö um nóttina en þetta er bær norður af Birmingham. Eftir að hafa fengið rafstuðið frá þeim þá var hringt á sjúkrabíl sem flutti Dalian á sjúkrahús þar sem hann lést.
Dalian Atkinson hóf feril sinn hjá Ipswich Town en spilaði seinna með Sheffield Wednesday, Real Sociedad, Aston Villa og svo Fenerbahce í Tyrklandi.
BREAKING: Full CPS statement as police officer charged with Aston Villa legend Dalian Atkinson's murder https://t.co/f2Jo0pxPaH #avfc
— James Rodger (@jamesdrodger) November 7, 2019
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
