Keane blöskraði faðmlögin í leikmannagöngunum: „Þú ert á leið í stríð gegn þessum leikmönnum“
Roy Keane, fyrrum fyrirliða Manchester United og núverandi sparkspekingur Sky Sports, var ekki hrifinn af því sem gerðist í leikmannagöngunum fyrir stórleik Liverpool og Man. United í gær.
Fabinho og Roberto Firmino knúsuðu þá Fred og Andreas Pereira fyrir leikinn í gær áður en liðin gengu út á völlinn en þeir eru allir frá Brasilíu.
Þessu var Keane ekki hrifinn af en hann var yfirleitt harður í horn að taka.
„Þetta er andstyggilegt. Þú ert að fara í stríð gegn þeim og þeir eru að kyssast og knúsast. Ekki einu sinni kíkja á þá. Þú ert að fara berjast gegn þeim,“ sagði Keane fyrir leikinn.
Roy Keane "disgusted" at what players did in Old Trafford tunnel before Man Utd vs Liverpool #MUFC #LFC #MUNLIV https://t.co/85xryOR9Zk pic.twitter.com/UHK8SYVnxz
— Express Sport (@DExpress_Sport) October 20, 2019
„Leikurinn hefur ekki breyst mikið en leikmennirnir hafa breyst. Þú ert að fara í stríð gegn þessum leikmönnum og þeir eru að knúsa hvorn annan. Talaðu við þá eftir leikinn eða jafnvel bara slepptu því alveg.“
Það gekk mikið á þegar Keane var í herbúðum Man. United og eitt af eftirminnilegustu atvikunum er þegar honum og Patrick Viera lenti saman í göngunum fyrir leik Arsenal og United á Highbury árið 2005.
Tengdar fréttir
Solskjær sendi Liverpool pillu: „Ekki 30 ár þangað til við vinnum deildina á ný“
Norðmaðurinn skaut aðeins á Liverpool og hversu lengi þeir hafa beðið eftir Englandsmeistaratitlinum.
Sláandi munur á Liverpool fyrir og eftir komu Van Dijk
Liverpool gerði Virgil van Dijk að dýrasta varnarmanni í heimi í janúar á síðasta ári, tímabundið allavega. Síðan þá hefur þessi 28 ára Hollendingur verið einn besti knattspyrnumaður í heimi.
