Solskjær sendi Liverpool pillu: „Ekki 30 ár þangað til við vinnum deildina á ný“
Manchester United og Liverpool gerðu 1-1 jafntefli í stórleik helgarinnar í enska boltanum í gær er liðin mættust á Old Trafford.
Liverpool er því áfram með sex stiga forystu á Manchester City sem er í öðru sætinu en United er í 13. sæti deildarinnar með tíu stig.
Liverpool hefur ekki unnið deildina síðan 1990 þegar Kenny Daglish stýrði liðinu og Solskjær sendi erkifjendunum smá pillu í gær.
"I am sure it won't be 30 years until the next Premier League that we do win."
Ole Gunnar Solskjaer has had a subtle dig at @LFC saying it will not take @ManUtd 30 years to win another title...
— Sky Sports Premier League (@SkySportsPL) October 20, 2019
„Ég er viss um að við munum koma til baka,“ sagði Solskjær þegar hann ræddi um vandræðagengi Man. United.
„Ég er viss um að það mun ekki taka okkur 30 ár að vinna ensku úrvalsdeildina aftur.“
Síðan Liverpool varð meistari árið 1990 hefur United unnið þrettán Englandsmeistaratitla.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
