Árásarmaðurinn í El Paso lýsir yfir sakleysi sínu
Bandaríkjamaðurinn Patrick Crusius, sem var handtekinn og ákærður fyrir að hafa myrt 22 og sært 24 aðra í skotárás í verslun Walmart í borginni El Paso í Texas, lýsti yfir sakleysi sínu í réttarsal í dag. AP greinir frá.
Fyrr hafði Crusius játað verknaðinn þegar hann var handtekinn og sagðist þá hafa reynt sérstaklega að myrða fólk frá Mexíkó. Crusius er sagður hafa keyrt í um ellefu tíma frá heimabæ sínum Allen til El Paso þann 3. ágúst síðastliðinn.
Fjölmennt var í réttarsalnum í El Paso þegar málið var tekið fyrir. Ákæruyfirvöld í El Paso hafa greint frá því að farið verði fram á dauðarefsingu yfir Crusius. Öryggisgæsla verður aukin á meðan að réttað verður yfir Crusius enda er búist við miklum hita og fjölmenni.
Crusius gaf sig fram til lögreglu klukkustund eftir skotárásina og fram kemur í skýrslu að hann hafi strax játað á sig morðin með orðunum „ég er árásarmaðurinn“
Tengdar fréttir
Fjöldamorðinginn í El Paso á dauðadóm yfir höfði sér
Maðurinn sem sakaður er um að hafa myrt 22 og sært 26 í verslun Walmart í El Paso í Texas í síðasta mánuði hefur verið ákærður og á hann dauðadóm yfir höfði sér.
Morðinginn í El Paso vildi drepa "Mexíkóa“
Maðurinn gekkst fúslega við því að hafa skotið fólk í verslun í El Paso þegar lögreglumenn stöðvuðu hann á laugardag.
