Segir að Özil og Kolasinac séu klárir fyrir leikinn gegn Burnley
Unai Emery, knattspyrnustjóri Arsenal, er fullviss um að Mesut Özil og Sead Kolasinac séu klárir í slaginn fyrir leikinn gegn Burnley á laugardaginn.
Özil og Kolasinac léku ekki með Arsenal gegn Newcastle United í 1. umferð ensku úrvalsdeildinni vegna öryggisástæðna.
Vopnaðir menn réðust að Özil og Kolasinac í miðborg Lundúna í síðasta mánuði. Fyrir nokkrum dögum voru tveir menn svo handteknir fyrir að ráðast á öryggisverði fyrir utan heimili Özils.
„Ég einbeiti mér að því að vera jákvæður og reyna að gera það sem ég get til að undirbúa leikmennina sem best. Ég vil þeir æfi með okkur eins og venjulega og hugsi um fótbolta,“ sagði Emery.
„Er ég ánægður að þeir séu komnir aftur? Auðvitað. En fyrir mér eru þeir fyrst manneskjur og svo leikmenn.“
Arsenal vann leikinn gegn Newcastle með einu marki gegn engu og er með þrjú stig í ensku úrvalsdeildinni.
Tengdar fréttir
Vaktaðir allan sólarhringinn
Mesut Özil og Sead Kolasinac, leikmenn Arsenal, njóta nú verndar lögreglunnar í London allan sólarhringinn vegna hótana í kjölfar árásar á þá í síðasta mánuði.
Tileinkaði sigurinn Özil og Kolasinac sem voru ekki með af öryggisástæðum
Granit Xhaka var hjartnæmur í viðtali eftir sigur Arsenal gegn Newcastle í gær.
Tveir menn handteknir fyrir utan heimili Özil
Ráðist var á öryggisverði fyrir utan heimili Mesuts Özil, leikmanns Arsenal.
Özil og Kolasinac ekki með Arsenal gegn Newcastle á morgun því óttast er um öryggi þeirra
Skelfilegar fréttir úr herbúðum Arsenal.
Vopnaðir menn reyndu að ráðast á Kolasinac og Özil
Óhugnalegt atvik á götum London í dag.
